Қазақстан Республикасының азаматтық авиациясының ұшуын электрлі жарықпен-техникалық қамтамасыз ету қағидасын бекіту туралы Қазақстан Республикасы Үкіметінің



жүктеу 0.97 Mb.
бет1/6
Дата17.04.2016
өлшемі0.97 Mb.
  1   2   3   4   5   6
: docs
docs -> Стандартные требования на бесшовные трубы из среднеуглеродистой стали для котлов и пароперегревателей 1
docs -> Техническая характеристика ао «нак «Казатомпром»
docs -> Қазақстан Республикасы Денсаулық сақтау министрінің 2009 жылғы 24 қарашадағы №764 бұйрығы «Халық денсаулығы және денсаулық сақтау жүйесі туралы»
docs -> Бұрын белгісіз болған оқиға жөніндегі кез келген мәлімет аталады





Қазақстан Республикасының азаматтық авиациясының ұшуын электрлі жарықпен-техникалық қамтамасыз ету қағидасын бекіту туралы
Қазақстан Республикасы Үкіметінің 2011 жылғы 16 мамырдағы №520 қаулысы

«Қазақстан Республикасының әуе кеңістігін пайдалану және авиация қызметі туралы» Қазақстан Республикасының 2010 жылғы 15 шілдедегі Заңының 13-бабы 31) тармақшасына сәйкес Қазақстан Республикасының Үкіметі қаулы етеді:

1. Қоса беріліп отырған Қазақстан Республикасының азаматтық авиациясының ұшуын электрлі жарықпен-техникалық қамтамасыз ету қағидасы бекітілсін.

2. Осы қаулы оның алғашқы ресми жарияланған күнінен бастап күнтізбелік он күн өткеннен кейін қолданысқа енгізіледі.



Қазақстан Республикасының

Премьер-Министрі К. МӘСІМОВ

Қазақстан Республикасы

Үкіметінің

2011 жылғы «16» мамырдағы

№520 қаулысымен

бекітілген


Қазақстан Республикасының азаматтық авиациясының ұшуын электрлі жарықпен техникалық қамтамасыз ету

қағидасы
1. Жалпы ережелер
1. Қазақстан Республикасының азаматтық авиациясының ұшуын электрлі жарықпен қамтамасыз ету қағидасы (бұдан әрi – Қағида) «Қазақстан Республикасының әуе кеңістігін пайдалану және авиация қызметі туралы» Қазақстан Республикасының 2010 жылғы 15 шілдедегі Заңына сәйкес, сондай-ақ Халықаралық азаматтық авиация ұйымының (ИКАО) стандарттары мен ұсыныстары ескеріле отырып әзірленді.

2. Осы Қағида ұшуды электрлі жарықпен техникалық қамтамасыз етуді, азаматтық авиация ұйымдарындағы электр қондырғыларын техникалық пайдалануды регламенттейді.

3. Осы Қағиданың талаптары азаматтық авиацияның кәсіпорындары мен ұйымдарының басшы құрамына, ұшуды электрлі жарықпен техникалық қамтамасыз етумен байланысты немесе өз қызметiнде электр қондырғыларын қолданатын және азаматтық авиация ұйымдарында олардың техникалық пайдалануды ұйымдастыру мәселелерiн шешетiн инженерлiк-техникалық құрам мен қызметтерге қолданылады.

4. Ұшуды электрлі жарықпен техникалық қамтамасыз ету:

1) регламентке, зауыттық нұсқаулықтарға, осы Қағидаға, сондай-ақ электр қондырғыларын пайдалану жөніндегі қолданыстағы нормативтік-техникалық құжаттарға сәйкес әуежайдың электр энергиясын бөлуге және оны энергия жүйелерінен бөлуге арналған электр қондырғыларын, әуе кемелерінің ұшуын қамтамасыз ету үшін электрлі жарықтың техникалық жабдығын, әуежайдың өнірістік және жолаушылар объектілерін электрлі күш және жарық жабдығын техникалық пайдалануды;

2) ұшуды қамтамасыз етудің радиожарық техникалық құралдарын, азаматтық авиация ұйымдары өндiрiстiк және жолаушылар объектiлерiнiң электр күш және жарық жабдықтарын энергия жүйесiнен электр энергиясымен үздiксiз жабдықтау;

3) энергия жүйесiнен электр энергиясын ұтымды және орынды пайдалану;

4) объектiлердiң электрмен жабдықталу мен электр қондырғыларының жұмысының сенiмдiлiгiн арттыруды, техникалық қызмет ету сапасын арттыру және электр энергиясын қамтамасыз ететiн іс-шараларды әзірлеу және жүзеге асыру.

Ұшуды электрлі жарықпен техникалық қамтамасыз етуді әуежайда орналасқан ұшуды электрлі жарықпен техникалық қамтамасыз ету қызметі (бұдан әрi – Қызмет) жүзеге асырады.

5. Осы Қағидада пайдаланылатын негiзгi ұғымдар, терминдермен аббревиатуралар:

әуеайлақ минимумы – осы әуеайлақта осы үлгідегі әуе кемесінің ұшуын және қонуын орындауға рұқсат етілетін ұшып-қону жолағы мен бұлттардың төменгi шектік биiктiгiндегi (немесе шешiм қабылдау биiктiгiндегi) көрiнiмдердiң ең аз рұқсат етілетін мәнi;

әуеайлақтың жарық сигнал беру жабдығының жүйесi – әуеайлақта белгiлi схема бойынша орналастырылған және көрiнiмнiң әртүрлi жағдайында әуе кемелерiнiң ұшып шығуын, қонар алдындағы соңғы кезеңін, қонуы мен жермен жүруін қамтамасыз етуге арналған жарық сигнал беру аспаптарының, электр жабдықтары мен басқару аппараттарының жиынтығы;

әуежай объектiлерiн электрмен қоректендірудің бұзылуы – электрмен қоректендірудің осы объектiнi резервтік қуат көзiне ауыстыру үшiн белгіленген мерзiмнен кем уақытқа ажыратылуы;

әуежайды электрмен жабдықтаудың сыртқы, тәуелсiз көзi – басқа қуат көздерiнде кернеу жоғалған кезде, кернеу сақталатын энергия жүйесінің буыны әуежай объектiлерiн қоректендіретін электр станциясы, қосалқы станция; әуежай объектiлерiн электрмен қоректендірудің істен шығуы – осы объекті үшін резервтiк қуат көзіне көшу үшiн белгiленген уақыттан ұзағырақ уақытқа электрмен қоректендіруді ажырату;

 автономды электрмен қоректендіру көзi – әуежайдың электр жүйесiмен байланысы жоқ және кепілдікті электрмен қоректендіру қалқанына немесе тікелей электр-қабылдағыштарға қосылған электрмен қоректендіру көзі;

аз қарқынды от – жарық күші 10000 канделден төмен жарық сигнал беретiн от;

глиссада - қонуға бет алудың соңғы кезеңiнде әуе кемесiнiң төмендеуi үшiн белгiленетін ұшу бейiні;

глиссадалық оттар – глиссаданы көзбен көрiп индикациялауға арналған оттар;

жарықтың орташа күшi – жарық шоғыры шашуының берілген бұрыштары шегінде барлық бағыттар бойынша жарық күшінің орташаланған мәнi;

жоғары қарқынды от – жарық қүші 10000 кандел және одан көп жарық сигнал беретiн от;

қауіпті аймақ – әуе кемелерін қоса алғанда, онда көлік құралдары болған кезде радиомаяктар сипаттамаларының рұқсат етілмейтін бұрмалануын туындататын бағыттық немесе глиссадалық радиомаяктар айналасындағы кеңістік:

от – жарық сигнал беру жүйесінiң негiзгi элементi болып табылатын, жарық таратудың берілген қисығы бар жарық аспабы;

оттың істен шығуы – қандай да бір себеппен жарықтың орташа күшінің берілген сәуле шашу бұрыштарында жаңа оттың нормалық жарық күшімен салыстырғанда 50% астам төмендеуі;

электрмен қоректендірудің кепiлдiкті жүйесi - нормативтiк мерзiмнен аспайтын уақыт iшiнде электрмен жабдықтауды (электрмен қоректендіруді) қалпына келтіруді қамтамасыз ететін қоректендірудің резервтiк жүйесi;

резервті электрмен қоректендіру көзі - негізгі көзден электрмен қоректендіру бұзылған кезде электр қабылдағыштарға қосылатын және негізгі көзден электрмен қоректендіруді қалпына келтіру үшін қажетті барынша уақыттан асатын уақыт ішінде электрмен қоректендіруді қамтамасыз ететін электрмен қоректендіру көзі;

талдау – персоналдың кәсiби дайындығын жетiлдiру, жұмыстағы ауытқуларды жою және олардың алдын алу мақсатында жұмысты орындау сапасын талдау;

электрмен жабдықтау – әуежай мен оның объектiлерiн энергия жүйесінен электр қуатымен қамтамасыз ету;

электр қондырғылары – электр энергиясын өндiруге, өзгертуге, трансформациялауға, беруге, бөлуге және оны энергияның басқа түрiне айналдыруға арналған машиналардың, желiлiк аппараттар мен қосымша жабдықтардың (осылар орнатылған ғимараттары және үй-жайларымен бірге) жиынтығы.

электрмен қоректендірудің үздiксiз жүйесi – технологиялық жабдық жұмысының үзiлiссiздігі бұзылмайтындай уақыт iшiнде электрмен жабдықтауды (электрмен қоректендіруді) қалпына келтіруді қамтамасыз ететін электрмен қоректендіру жүйесi;

ҰЭЖТҚЕ – ұшуды электрлі жарықпен техникалық қамтамасыз ету.

көрiнiм - атмосфералық жағдайлармен анықталатын және арақашықтық өлшем бiрлiгiмен көрсетiлетiн күндіз жарықтандырылмаған анық көрінетін және түнде жарықтандырылған анық көрінетін объектiлердi көру мен тану мүмкiндiгi;

ұшу-қону жолағындағы көрiнiм (ұшу-қону жолағындағы көрiнiм қашықтығы) – ұшу-қону жолағының остік сызығындағы әуе кемесiнiң ұшқышы ұшу-қону жолағы жамылғысының таңбалануын немесе оны шектейтін немесе оның остік сызығын белгiлейтін оттарды көре алатындай шектегі ең ұзақ қашықтық.

желiлiк от – ең үлкен аралықпен көлденең желi бойына орнатылып, қашықтықтан қысқа жарық жолағы болып көрiнетiн екi немесе одан да көп оттар;

Қызмет объектiлерi – ұшуды жарықпен техникалық қамтамасыз етуге, 10 (6) киловольттық кернеудi 0,4 киловольтқа трансформациялауға, электр энергиясын әуежай объектiлерiнiң, авиакәсіпорындарының қызметтiк және жолаушы объектiлерi электр күш жабдықтары арасында беру және бөлуге арналған электрлі қондырғылары бар объектiлер; өнеркәсіптік энергия жиілігін басқа энергия күшіне немесе басқа жиіліктегі энергия күшіне өзгертуге, өндірістік мақсаттағы объектілердің ішінде электр энергиясын беру мен бөлуге арналған басқа қызметтер объектілері, электр қондырғылары бар объектілер, сондай-ақ олардың электр күш және жарық беру жабдықтары;


2. Әуежайлардың электрлiк техникалық жабдықтары
6. Әуежайдың электрмен жабдықтау жүйесi оның аумағында орналасқан объектiлердi ондағы электр энергиясымен қабылдағыштардың санатымен анықталатын электр энергиясымен қамтамасыз етуге арналған.

7. Әуежайлардың электрмен қоректендіру жүйелерiн қайта жаңарту мен салу жобалық және техникалық құжаттамаға, әуежайларда әуе кемелерiн қондыру жүйесiнiң жарықпен сигнал беру және электр жабдықтарының жобалау нормаларына сәйкес жүзеге асырылады.

8. Сыртқы электр энергия көздерін әуеайлақтың, аэронавигация объектілерінің кіру трансформатор кіші станциясына дейін электр тарату желілері трасса сипатына және оның әуе қатысты орналасуына байланысты әуе немесе кабельдік болуы мүмкін.

9. Әуе қозғалысына қызмет көрсету, навигация, қондыру және байланыс объектiлерiнiң, әуежай және бөгде ұйымдардың электр энергиясын тұтынушылардың ерекше топтағы электр қабылдағыштарды бірінші санатты және бiрiншi санатты топпен қоректендірілетін жоғары кернеулi және төмен кернеулi тарату құрылғыларына қосуға тыйым салынады.

10. Көрсетiлген объектiлердiң төмен кернеулi таратушы құрылғыларына метеорологиялық жабдықтарды, сондай-ақ осы объектiлердiң (жарықтау, жылыту, желдету) қалыпты жұмыс жағдайын және оларға қызмет көрсетiлуiн қамтамасыз етуге арналған тұтынушылардың қосылуына рұқсат етіледі.

11. I санатты электр қабылдағыштар өзара резервтейтін тәуелсіз екі қоректендіру көзінен электр энергиясымен қамтамасыз етіледі және қоректендіру көздерінің бірінен электрмен жабдықтау бұзылған кезде оларды электрмен жабдықтау үзілісі қоректендіруді автоматты түрде қалпына келтіру уақытына ғана рұқсат етеледі.

12. Бірінші санатты электр қабылдағыштардың ерекше тобын электрмен жабдықтау үшiн үшінші өзара резервтейтiн тәуелсiз көзден қосымша қоректендіру көзi көзделеді.

Электр қабылдағыштардың ерекше тобының үшiншi тәуелсiз қоректендіру көзi ретiнде және бірінші санаттағы қалған электр қабылдағыштардың екiншi тәуелсiз қоректендіру көзi ретiнде жергiлiктi электр станциялары, энергия жүйесі электр станциялары (мысалы, генератор кернеуiнiң шиналары), үздiксiз қоректендірудің арнайы агрегаттары, аккумулятор батареялары және тағы сол сияқты пайдаланылады.

13. Радиожарықтехникалық жабдықтар мен байланыстың жаңа салынған және қайта жаңартылған объектiлерiн электрмен жабдықтаудағы рұқсат етілген үзiлiс уақыты әуежайлардағы әуе кемелерiн қондыру жүйесiндегi жарық сигнал беру және электр жабдықтарын жобалаудың ведомстволық құрылыс нормаларында көрсетiлген уақытқа сәйкес келеді.

14. Радиожарықтехникалық жабдықтар мен байланыстың бұрын салынған объектiлерi үшiн электрмен жабдықтау үзiлiсiнiң рұқсат етілген әуеайлақтардың жарамдылық нормаларында көрсетiлген уақытқа сәйкес келеді.

15. Жарықпен сигнал беру жабдықтарына қуат көзiн беретiн трасформатор кіші станциясына электр қорегін резервтейтін дизель-электр агрегаттар екінші-үшінші дәреже бойынша автоматтандырылады (Дизельдер мен автоматты газ қозғалтқыштары. Автоматтандыру көлемi бойынша сыныптау).
3. Әуеайлақтардың жарықпен сигнал беру

жабдықтарының жүйелерi
16. Әуеайлақтардың жарықпен сигнал беру жабдықтарының жүйелерi әуе кемелерiнiң түнде, сондай-ақ көрiнiмнiң шектеулi болған жағдайларында қонуға кiруiн, қонуын, ұшып шығуы мен жермен жүруін қамтамасыз етуге арналған.

17. Қону және ұшып шығу үшiн белгілі бір минимумды қамтамасыз ету талаптарына қарай жарықпен сигнал беру жабдығы жүйелерiнiң әртүрлi құрамдары, оттардың әртүрлi орналасу схемалары мен техникалық сипаттамалары болады.

18. Жарықпен сигнал беру жабдықтарының жүйесi оттардың құрамына, орналастыру схемалары мен электрмен қоректендіруге қойылатын талаптар келтiрiлген әуеайлақтардың жарамдылық нормаларына сәйкес келеді. Жүйе құрамына кiретiн жабдықтар сипаттамаларына қойылатын талаптар жабдықтардың тиісті жарамдылық нормаларында анықталады.

19. Жабдықтың орналасу схемасы мен құрамына қатысты барлық өзгерiстер туралы немесе жөндеу жүргiзу уақытында оның сөндірілетіні туралы аэронавигация саласындағы ұйымның аэронавигациялық ақпарат қызметі арқылы ұшуды радиожарықтехникалық қамтамасыз етудiң регламенттерiнде хабарланады.

Жарықпен сигнал беру жүйесі құрамының өзгертiлгенi туралы ақпараттың уақтылы және дұрыс берiлуi үшiн бақылауды әуежайдың қызмет бастығы (ұшуды жарықпен техникалық қамтамасыз ету торабының бастығы) жүргізеді.

20. Әуеайлақтардың электр жарығымен сигнал беру жабдықтарының жүйесi толық дұрыс iстегенде немесе оттардың белгiлi бiр бөлiгi iстен шыққан болса ғана ол ұшуды пайдалану талаптарына сай келедi. Ұшуды жалғастыра беруге немесе минимумды көтеруге рұқсат етiлетiн жарамсыз оттардың және кіші жүйелердің рұқсат етілген саны осы Қағиданың 1 және 2-қосымшаларында көрсетiлген.

21. Жарықпен сигнал беру жабдықтары жүйесiндегi оттардың электрмен әрбiр кіші жүйеде оттардың резервтелуі қамтамасыз етілсе ғана және жеке фидерлер iстен шыққан кезде жарық сигналдық бейне ең жоғарғы мүмкiндiк деңгейде сақталса ғана жүзеге асырылады.

Бұл ретте, жүйенiң санатына, сондай-ақ оттардың мақсатына, қуаттылығына және орнастырылуына қарай әрбiр кіші жүйе үшiн кабель желiлерiнiң саны әртүрлi болуы мүмкiн және ол жарамдылық нормаларымен, ал жаңа жүйелер үшiн – дайындаушы зауыттың талаптарына сәйкес анықталады.

22. Жүйелердi пайдаланудың және оларды басқарудың тәртiбi бірінші, екінші және үшінші санаттағы жоғары қарқынды оттар және қарқыны төмен аз оттар жүйесiн пайдалану және оларды басқару жөнiндегi ұшқыштар мен диспетчерлер құрамдары үшiн нұсқаулықтарда келтiрiлген.

23. Жарықпен сигнал беру жабдығы жүйесiнiң ұшу тексерiстерi қолданыстағы әдiстемелер бойынша суретке түсiру жолымен жүргiзiледi.

24. Тiкұшақтар қонатын алаңдар мен тікұшақ айлақтары жарық техникалық құралдармен жабдықталады.

25. Әуеайлақ маңы аумағының шегінде орналасқан барлық объектiлер биіктігі кедергiні шектейтiн жазықтық деңгейiнен жоғары немесе сол деңгеймен пара-пар болса, сондай-ақ әуе кемелерiнiң қозғалысы аймағында радиожарықтехникалық және метеорологиялық жабдықтар объектілері орналасқан болса, жарық қоршауы болады.

26. Жарық қоршауы азаматтық авиация саласындағы нормативтік құқықтық актілердің талаптарына сай орындалады. Жарықтық қоршау құрылғыларын (оттарды) пайдалануды, жөндеуді және ұстап тұруды сол қоршау орнатылған объектiнiң иесi жүргiзедi.
4. Әуеайлақтардың жарықтау жабдықтары
27. Жолаушылар перронының жұмыстық аймақтарындағы, әуе кемелерi тұрағы орындардағы, арнайы белгіленген алаңдардағы, арнайы автокөлiктер мен механикалық құралдарды сақтау алаңдарындағы сыртқы жарық беретін жарықтау қондырғылары қолданыстағы жобалаудың құрылыс нормаларында көрсетiлгеннен кем емес аудан жабыны деңгейінде көлденең жарықтандырумен қамтамасыз етіледі.

28. Перронның, тұрақ орындарының, арнайы белгіленген алаңдардың әуе кемелерi мен жолаушыларға қызмет көрсетiлмейтін жерлердің көлденең жарықтануы (ұшақтар тұратын орындар арасы, қызметтiк кіретін жолдар тағы сол сияқты) жобалаудың қолданыстағы құрылыс нормаларында көрсетiлгеннің кемінде 50% құрайды.

Перронда, тұрақ орындары мен арнайы белгіленген алаңдарда технологиялық процестер тоқтатылған кезде адамдар және арнайы автокөлiктер қозғалысының қауiпсiздiгi үшiн, сондай-ақ сол жерлерде авариялық жағдайлар пайда болғанда жұмыстарды жалғастыра беру үшiн жұмыстық жарықтандыру желiсiнде жер бетiнде 1 люкстен кем болмайтын деңгейде көлденең жарықпен кезекшi (авариялық) жарық болады.

29. Сыртқы жарық беретін жарықтау қондырғыларын электрмен қоректендіру және оны басқару схемасы басқа аумақтарда (құрылыс және қайта жаңарту кезінде) кезекшi жарық көздерiн сақтай отырып, әуе кемелерi тұрақтарының топтары немесе жеке тұрақтары бойынша олардың орталықтандырылған (объектілердің жекелеген кешендері бойынша) және жергілікті жағылуы мен өшiрiлуiн қамтамасыз етеді.

Жергiлiктi басқару жарықтау құрылғылары орнатылған прожекторлық бағаналардан немесе ғимараттар мен құрылыстардан жүзеге асырылады.

30. Прожекторлық қондырғылар ұшуды, қонуды, жермен жүруді орындайтын әуе кемелерiнiң экипаждарына, сондай-ақ командалық- диспетчерлiк пунктiнiң диспетчерлер персоналына көз қарықтырарлық әсерiн тигiзбейді.


5. Ұшуды электрлі жарықпен техникалық қамтамасыз

ету жабдықтарын техникалық пайдалану
31. Ұшуды электрлі жарықпен техникалық қамтамасыз ету жабдықтарын техникалық пайдалану оларды жарамды жағдайда ұстау мақсатында Қызмет персоналы жүргiзетiн ұйымдастырушылық және техникалық іс-шаралардан тұрады.

32. Әуежайдың электр қондырғыларын техникалық пайдалану дайындаушы зауыттардың техникалық құжаттамасына, олардың техникалық пайдалану регламенттерiне, осы Қағидаға сәйкес жүзеге асырылады.

Техникалық пайдалану мынадай іс-шараларды қамтиды:

1) техникалық пайдалануды ұйымдастыру, техникалық пайдалану мен күрделi жөндеулердi жоспарлау;

2) Қызметті материалдық-техникалық қамтамасыз ету, электр қондырғыларды қабылдау мен пайдалануға енгiзу, қызмет көрсету персоналын дайындау мен дербес жұмыс iстеуге жіберу;

3) жедел және кезеңдік (мерзiмi мен ресурстары бойынша) қызмет көрсетудi қамтитын техникалық қызмет көрсету, авариялық, ағымдық және алдын алу жөндеу, электр қондырғыларын жетiлдiруге бағытталған жөндеу жүргiзу, ұшуды электрлі жарықпен техникалық қамтамасыз етудің жаңа орнатылатын жабдықтарын монтаждау кезiнде қадағалау жасау;

4) азаматтық авиация ұйымдары қызметтерiндегi электр энергиясын бөлу және шығысын бақылау;

5) жабдықтарды, қосалқы жабдықтар мен аспаптардың, материалдардың түсуi мен шығысын есепке алу;

6) электр қондырғыларын пайдалану бойынша қолданыстағы нормативтік-техникалық құжаттардың, еңбектi қорғау және өрт қауiпсiздiгiнің сақталуын бақылау;

7) осы Қағиданың 3-қосымшасына сәйкес ұшуды электрлі жарық техникалық қамтамасыз ету жабдықтары бойынша ұйымдастырушылық, техникалық және пайдалану құжаттамасын жүргiзу;

8) техникалық қызмет көрсетудiң әдiстерi мен ұйымдастырылуын жетiлдiру.

34. Ұшуды электрлі жарықпен техникалық қамтамасыз ету объектілері мен жабдықтарын техникалық пайдалану ұйымы:

1) ұшуды электрлі жарықпен техникалық қамтамасыз ету жабдықтарының iстен шығуын, бұзылуын, аварияға ұшырау мен жұмыстағы басқадай ақаулықтарын алдын-ала ескерудi;

2) Қызметтің әрбiр қызметкеріне белгiленген жұмыс учаскесін жеке белгілейді;

3) қызмет көрсетушi персоналдың еңбек өнiмдiлiгiнiң көтерiлуiн және Қызметтің әрбiр қызметкерінің орындаған жұмысының есептелуiн қамтамасыз етеді.

35. Ұшуды электрлi жарықпен техникалық қамтамасыз ету мiндеттерiн орындау үшiн Қызметтің құрылымдық схемасы функционалдық мақсаты бойынша және әуежай класына пайдаланылатын жабдықтың болуына және әуеайлақ минимумына қарай ұйымдастырылады.

Қызмет мынадай бөлiмшелерден (топтар мен түйiндерден) тұрады:

1) ұшуды жарық техникасымен қамтамасыз ету;

2) ұшуды электрлі техникалық қамтамасыз ету;

3) жоғары кернеулi электрлі техникалық зертхана;

4) автоматика және телемеханика;

5) жоғары кернеулi электрлi жабдық;

6) төмен кернеулi электрлi жабдық;

7) дизель-электрлiк станция (егер ол әуежайдың негiзгi электр энергия көзi болса);

8) жедел топ;

9) жалпы мақсаттағы объектiлердiң өндiрiстiк-тұрмыстық бөлмелерінің электр жабдықтарына қызмет көрсететiн топ;

10) жөндеу-пайдалану шеберханасы ;

11) жоспарлы алдын ала жөндеулерді және есептеудi жоспарлаушы топтар;

12) тiркелген әуежайлар тобы.

36. Қызметтің құрылымдық бөлiмшелерi Қызмет бастығына бағынады.

37. Қызметтің жұмысын жоспарлау перспективалық және ағымдық болып бөлiнедi.

38. Перспективалық жоспарлау:

1) азаматтық авиация ұйымын электрмен қамтамасыз ету жүйесінің озыңқы дамуын;

2) электрмен қоректендірудің және электр қондырғыларының сенiмдiлiгiн арттыру;

3) электр жабдықтары мен электр желiлерiн жаңғырту және қайта жаңарту;

4) электр энергиясының үнемделуiн қамтамасыз етеді.

39. Қызмет жабдықтардың күрделi жөндеуден өтуiнiң кезеңдік кестесі негізінде күрделi жөндеудiң перспективалық жоспары жобасын және электр жабдықтарының күрделi құрылыстары мен қайта жаңарту жоспарының жобасын әзірлеп, оларды одан әрi келiсу, ресiмдеу және жұмыс жоспарына енгiзу үшiн азаматтық авиация ұйымының жердегi құрылыстарды пайдалану бөлiмi және күрделі құрылыс бөлiмiне тиiстi түрде тапсыруды жүзеге асырады.

40. Ағымдық жоспарлау:

1) электр қондырғыларына жасалатын жоспарлы сақтандыру жұмыстарының және жарықпен сигнал беру жабдықтарының регламенттiк жұмыстарының жылдық графиктерiн;

2) түйiндер мен топтар бойынша Қызметтің айлық жұмыс жоспарларын;

3) ұшуды электрлі жарықпен техникалық қамтамасыз ету объектiлерiн күзгi-қысқы және көктемгi-жазғы кезеңге дайындау бойынша маусымдық жұмыстардың жоспарларын;

4) электр энергиясының жұмсалу жоспарын;

5) Қызмет жабдықтарының, ғимараттары мен үй-жайларының күрделi жөндеудің жылдық жоспарларын әзірлеуді қамтиды.

41. Қызмет жабдықтарына техникалық қызмет көрсету оның жай-күйі ескерiле отырып, жарықтану жүйесiнiң регламенттерiнде, сондай-ақ дайындаушы зауыттардың жабдықтарына қоса берілген техникалық пайдалану жөнiндегi нұсқаулықтарында белгіленген көлемде және мерзiмде, жарықпен сигнал беру құралдарының жоспарлы-алдын алу жөндеулері мен регламенттiк жұмыстарының жылдық графигi бойынша жоспарланады және орындалады.

42. Жарықпен сигнал беру жабдықтары регламенттiк жұмыстарының жылдық графиктерi торап және топ басшыларының әзірлеген графиктерi негiзiнде Қызмет бастығы дайындайды және мүдделi қызметтермен келiсiледi және азаматтық авиация ұйымының басшысымен немесе оның орынбасары бекiтедi.

Электр қондырғыларының жоспарлы-алдын алу жөндеулері мен жарықпен сигнал беру жабдықтарының регламенттiк жұмыстарының үлгi жылдық графиктерi тиісінше осы Қағиданың 4 және 5-қосымшаларында көрсетiлген.

43. Ұшуды электрлі жарықпен техникалық қамтамасыз ету қызметiнiң жабдықтарына техникалық қызмет көрсетудiң айлық жоспарлары осы жабдықтардың жай-күйi ескерiле отырып, жылдық жоспарлар негiзiнде торап және топ басшылары жасайды және Қызмет бастығы бекiтiп, жеке құрамды хабарландыру үшін жеткiзiледi.

44. Маусымдық (күзгі-қысқы және көктемгі-жазғы кезеңде) жұмыстарға дайындалу жоспарлары өткен жылдардың ұқсас маусымдарында орын алған электр жабдықтары мен электр желiлерiнiң жұмысындағы кемшiлiктер ескерiле отырып жасалады.

45. Жабдықтар бойынша күрделi жөндеу мен қалыпқа келтiрудің жылдық жоспары осы Қағиданың 6-қосымшасына сәйкес Қызмет жабдықтарының ақаулық ведомстволары, электр қондырғыларының күрделi жөндеуден өтетiн кезеңдік графигi негiзiнде жасалады.

46. Осы жоспар негiзiнде азаматтық авиация ұйымының жердегі құрылысты пайдалану бөлімі тапсырыс хаттамаларын ресiмдейді және оларды белгiленген мерзiмде азаматтық авиация кәсiпорны басшылығына осы жұмыстарды жоспарлау және оларды есепке алу үшiн ұсынады.

47. Мердiгерлiк ұйым орындайтын электр қондырғыларының күрделi жөндеуi шарт бойынша жүргiзiледi, оның ресімделуін азаматтық авиация ұйымдарының жердегі құрылыстарды пайдалану бөлімі қамтамасыз етеді.

48. Қызметтің жұмыстарын жоспарлауды торап, топ басшыларының қатысуымен жоспарлау және есептеу тобы жүргiзiп, Қызмет бастығы бақылайды.


6. Ұшуды электрлі жарықпен техникалық қамтамасыз

ету жабдықтарын пайдалануға енгiзу
49. Ұшуды электрлі жарықпен техникалық қамтамасыз ету жабдықтарын пайдалануға енгiзу қолданыстағы азаматтық авиация саласындағы заңнамаға, жобалық және техникалық қабылдау-өткізу құжаттамасына сәйкес жүргiзiледi.

50. Пайдалануға енгiзу мыналарды қамтиды:

1) жабдықтың жеткiзiлуiн, оның сақталуын және оның монтаждалатын бөлшектерiн мердiгерлiк ұйымдарға актi бойынша берiлуiн бақылау;

2) құрылыстық-монтаждық және іске қосуды реттеу жұмыстарының жүргiзiлуiн техникалық қадағалау;

3) әуеайлақтың жарықпен сигнал беру жабдықтары жүйесiне техникалық жердегi және ұшу тексерiстерін жасау;

4) жабдықтың пайдалануға енгізілуіне құжаттамаларды ресімдеу.

51. Жабдықтардың құрылысы, монтаждалуы, күрделi жөндеуден өтуi және бапталуы кезiнде Қызмет жүргізетін техникалық қадағалау жүзеге асырылады.

Техникалық қадағалауды жүргiзу кезінде мынадай құжаттарды басшылыққа алу қажет:

1) құрылыс, жабдықты орнату және монтаждауға жобалау құжаттамасы;

2) дайындаушы зауыттардың монтаждау және пайдалану жөнiндегi техникалық сипаттамалары мен нұсқаулықтары;

3) жарықпен сигнал беру жабдығын қабылдау жөнiндегi нұсқаулық;

4) жарамдылық нормалары;

5) өнеркәсiптiк, тұрғын және азаматтық ғимараттар мен құрылыстардың салынуына тапсырыс берушiнiң (салушының) техникалық қадағалауы туралы ереже.

52. Техникалық қадағалауды жүзеге асыратын тұлғалар апта сайын Қызмет бастығына құрылыстың, монтаждаудың және іске қосуды реттеу жұмыстарының барысы туралы баяндап тұрады, ал технология бұзылған, жұмыс сапасы төмен болған және жобалық құжаттама мен нормативтiк талаптардан ауытқу болған жағдайларда шара қолдану үшiн олар туралы жедел түрде хабарлайды.

53. Пайдалануға енгiзген кезде айқындалған жабдықтардың (оның ішінде оның пломбаланбаған тораптар) жұмыс сапасы мен сенiмдiлiгiне әсер ететiн ақаулар мен бұзылыстарды жою үшiн тапсырыс берушi дайындаушы зауыт өкiлiн шақырады, ал егер ол Қызметтің шақырғаннан кейiнгi 10 күн iшiнде келмеген болса, монтаждаушы және қалыптап баптаушы ұйым өкілдерімен бірлесіп, рекламациялық актіні ресiмдейдi.

54. Электрлі монтаждау жұмыстары бойынша қабылдау-тапсыру құжаттамасының тiзбесі осы Қағиданың 7-қосымшасында келтiрiлген.

55. Жарықпен сигнал беру жабдықтарының ұшу тексерiсi осы Қағиданың талаптарына сәйкес жер бетiндегi техникалық тексерiстің оң нәтижелерi болған кезінде жүргiзiледi.

56. Электр жабдықтарын күрделi жөндеуден қабылдаған кезде мыналар тексерiледі:

1) қабылданатын жабдықтың ақаулық ведомстволарында келтiрiлген барлық жұмыстардың орындалуы;

2) жабдықтың паспортында, формулярында орындалған жұмыстардың жазылғаны;

3) жабдықтың техникалық жай-күйi (боялуы, механикалық зақымданулардың болмауы тағы сол сияқты).

57. Монтаждаудан, күрделi жөндеуден, қалыпқа келтiрiп баптаудан кейiн сынаққа немесе пайдаланушылық тексеруге шыдамаған, сондай-ақ кепiлдiк мерзiмiнен бұрын iстен шыққан жабдыққа себептеріне қарай белгiленген тәртiппен рекламациялық акт немесе мердiгерлiк ұйыммен монтаждау, күрделi жөндеу немесе баптау жұмыстарын қайтадан жасау қажеттiлігi туралы акт ресiмделедi.

58. Ұшуды электрлі жарықпен техникалық қамтамасыз етудiң тәжiрибелiк жабдықтарының пайдалану сынақтары қолданыстағы әуеайлақтарда дайындаушы фирма әзірлеген талаптар бойынша және уәкiлеттi органның бұйрығы негiзiнде жүргiзiледi.

Тәжiрибелiк жабдықтың пайдалануға қабылдануы мен енгiзiлуi уәкiлеттi органның бұйрығы (нсқауы) негізінде жүзеге асырылады.

59. Жарықпен сигнал беру жабдығын пайдаланудың жарамдылық куәлiгiн беруді, ұзартуды, жаңарту мен ауыстыруды (осы Қағидаға 8-қосымшаға сәйкес) уәкiлеттi орган жүргізеді.
7. Электр қондырғыларына техникалық қызмет көрсету
60. Электр қондырғыларына техникалық қызмет көрсету мыналарды қамтиды:

1) кезеңдік тексерулерді өткізу;

2) жүйелi түрде оның жарамды жай-күйін қадағалап отыру;

3) жұмыс режимін бақылау;

4) Техникалық пайдалану қағидасының талаптарын және дайындаушы зауыттың пайдалану жөнiндегi нұсқаулықтар орындау;

5) жеке элементтерiнiң жұмыс iстеу қабiлетiн жедел қалпына келтіру;

6) қондырғыға профилактикалық сынақ жасап, реттеу, сондай-ақ авариялық, ағымдық және жоспарлы-сақтық жөндеулер.

61. Электр қондырғыларына техникалық қызмет көрсетудi Қызмет бастығының жазба өкiмiмен осы қондырғыларға бекітілген мамандар қамтамасыз етедi. Қызмет көрсету нәтижелерi осы Қағидаға 9-13-қосымшаларға сәйкес тиiстi журналдарға және паспортқа жазылады.

62. Электр қондырғыларына техникалық қызмет көрсетудiң арнайы рұқсат ресімдеуді талап ететiн барлық жұмыстары қолданыстағы электр қондырғыларын пайдалану бойынша нормативтiк-техникалық құжаттарға сәйкес жеке нарядтар бойынша орындалады.

63. Әуе қозғалысына қызмет көрсетудің, радионавигация және қондыру объектiлерiнiң электрмен жабдықтаудың, соның ішінде авариялық ажыратылуы ұшуды басқарушының (диспетчердiң) келiсiмi бойынша ғана және аэронавигация саласындағы ұйымның ауысымдық аға инженерiне хабардар етiле отырып жүргізіледі.

64. Пайдалану процесінде электр қондырғыларының iстен шығуы мен бұзылыстарынан туындайтын жөндеулер авариялық жөндеу болып саналады және жедел түрде орындалады.

65. Профилактикалық бақылаулар мен сынақтар электр қондырғыларының техникалық құжаттамаларында белгiленген параметрлерi мен жұмыс режимдерінің, сәйкестiгiн анықтау, сондай-ақ электр жабдықтарының iстен шығуына немесе техникалық параметрлерiнiң төмендеуiне соқтыратын бұзылыстарды болдырмау мақсатында жүргiзiледi.

Профилактикалық жұмыстар мен сынақтардың мерзiмi және көлемi жергiлiктi жағдайларды ескеру арқылы электр қондырғыларын пайдалану бойынша қолданылып жүрген нормативтік-техникалық құжаттармен анықталады және жоспарлы-алдын алу графигіне сәйкес орындалады.

66. Электр қондырғыларының пайдалану сенiмдiлiгi мен қауiпсiздiгiн бақылау мақсатындағы тексерiстердi (сынақтарды) кезектегi жоспарлы екi жөндеудiң арасында жасалатын дербес операция ретiнде жоспарлау керек. Бұл ретте: оқшауламаның электрлiк беріктігі, жерге тұйықтау сапасы, резервті автоматты түрде енгізудің iске қосылу уақыты, блоктау, қорғау құралдары және тағы сол сияқты.

Тексеру құрамына электр жабдықтарының сенiмдiлiгiн арттыратын реттеу және бапқа келтiру жұмыстары енгізіледі.

Арнайы аппараттарды және бағдарламалық қамтамасыз етудi талап ететiн жабдықтарды реттеу және баптау жұмыстарын тиісті сервис орталықтары орындайды. Бұл жұмыстарды жүргізу шарттары, олардың көлемi мен төленуі жеке шартпен ресiмделедi. Жұмыс нәтижелерi хаттамамен ресiмделедi.

67. Ағымдық жөндеу келесi жоспарлы жөндеуге дейiн жабдықты жұмыс iстейтін жағдайда ұстау үшін жабдықты тазалау, тез тозатын бөлшектерiн ауыстыру, тексеру, баптау және реттеу жұмыстарын қамтитын жөндеудің негiзгi профилактикалық түрi болып табылады.

Ағымдық жөндеу жабдықтың өз орнында, ал қажет болған жағдайда -жөндеу-пайдалану шеберханаларында жүзеге асырылады.

68. Базалық және тіркелген әуежайлардың электр жабдықтарын жөндеудi, баптауды және реттеудi қамтамасыз ететін ұшуды электрлі жарықпен техникалық қамтамасыз ету қызметiнiң жөндеу-пайдаланымдық шеберханалары технологиялық жарықтандыруы мен штаттағы мамандар санына сәйкес жеке өндiрiстiк үй-жайларда орналастырылады.

69. Ауыр электр қондырғыларын және жылжымалы жабдықтарға техникалық қызмет көрсету, ағымдық және авариялық жөндеулер жасау үшiн механизацияландыру құралдары көзделеді.

70. Электр қондырғыларын пайдалану кезiнде қолданылатын қорғаныс құралдары қолданыстағы нормативтiк және техникалық құжаттарға сәйкес ұсталады, пайдаланылады және сыналады.

71. Қорғаныс құралдары мен электр-қондырғыларының жай-күйiне және сыналуына бақылауды осы Қағиданың 14-қосымшасына сәйкес қызметтің электрлі техникалық жоғары вольттi зертханасының персоналы жүзеге асырады.

Хаттамалардың, сынақ актiлерi және электр қондырғыларын тексеруін ҰЭЖТҚЕ қызметінің қорғау құралдарын есепке алу осы Қағиданың 15-қосымшаға сәйкес тіркеу арнайы журналда жүргiзiледi.

72. Жарық беруші жабдықтарына қызмет көрсету қолданыстағы нормативтiк және техникалық құжаттарға сәйкес жүргiзiледі.

73. Тәулiк ішінде сыртқы және iшкi жарықтардың жарық беруші құрылғылардың қосылуы мен өшiрiлуi Қызметiң жыл бойына әзірлеген кестесіне сәйкес жасалады және оны азаматтық авиация ұйымының басшысы бекiтедi.

74. Пайдалану процесiнде сыртқы және iшкi жарықтардың күйiп кеткен жарық беруші көздерін ауыстыру қолданыстағы нормативтiк-техникалық құжаттарға сәйкес жүргізіледі.

75. Сыртқы және iшкi жарықтардың жарық беруші қондырғылардың жартылай күйiп кеткен жарық көздерiмен уақытша пайдаланылуына жарық күшiнiң (бақылау нүктелерiнде) төмендеуi нормадағыға қарағанда 10%-дан аспаса рұқсат етiледi.

76. Қызмет пен жердегі құрылыстарды пайдалану бөлімінің өкiлдерi ұшуды электрлі жарықпен техникалық қамтамасыз ету қызметiнiң ғимараттары мен үй-жайларының құрылыс бөлiгiнiң, оларға баратын кiреберіс жолдарының жай-күйін жылына екі реттен кем емес тексереді. Қызметтің өтініштері бойынша барлық жөндеуді жердегi құрылыстарды пайдалану бөлiмi жүргiзедi.


8. Жарықпен сигнал беру жабдықтарына техникалық

қызмет көрсету және ұшу тексерулерi
77. Жарықпен сигнал беру жабдықтарына техникалық қызмет көрсету техникалық сипаттамаларына, жұмыс режимі мен пайдалану жағдайларына сәйкес тұрақты дайындығы мен авариясыз жұмыс iстеуiн қамтамасыз ету үшiн жүргiзiледi.

78. Жарықпен сигнал беру жабдықтары жүйесiне техникалық қызмет көрсету күнделiктi, апта сайын, ай сайын, тоқсан сайын және жарты жыл сайын (маусымдық) регламенттiк жұмыстарды, сондай-ақ авариялық, ағымдық және жоспарлы сақтандыру жөндеулердi жүргiзуден тұрады.

79. Күнделiктi, апта сайын, ай сайын, тоқсан сайын және жарты жылдық (маусымдық) регламент жұмыстарын жүргiзген кездегi қызмет көрсету жұмыстарының тiзбесі регламенттердiң технологиялық карталарында және жарықпен сигнал беру жабдығын пайдалану жөнiндегi зауыттық нұсқауларда келтiрiледi.

80. Жарықпен сигнал беру жабдығы жүйесiнiң ұшу тексерулерi оның дұрыс жұмыс iстеуi мен қазiргi нормаларға сәйкестiгiн анықтау мақсатында жасалады.

81. Ұшу тексерулерi жабдықтың монтаждалуы аяқталғаннан кейiнгi жүйенi пайдалануға енгiзу кезiнде және жүйенi кезеңдік тексеру кезiнде жасалады.

82. Жарық -техникалық жүйелердiң ұшу тексерулерiнiң кезеңділігі:

бірінші санаттағы жоғары қарқындылық оттары радио-маяк жүйесімен бірге, бiрақ жылына кемiнде 1 рет;

екінші санаттағы жоғары қарқындылық оттары радио-маяк жүйесімен бірге, бiрақ жылына кемiнде 1 рет;

үшінші санаттағы жоғары қарқындылық оттары радио-маяк жүйесімен бірге, тоқсанында кемiнде 1 рет;

глиссадалық оттар радио-маяк жүйесімен бiрге, бiрақ жылына кемiнде 1 рет;

санатталмаған жоғары қарқындылық оттары мен төмен қарқындылық оттары пайдалануға енгізілген кезде және қажет болған кезде. Барлық жағдайларда рейстiк ұшақтардың экипаждары жүйенiң жарық-техникалық бейнесінің жай-күйiне кезеңдік бақылау жасауын қамтамасыз етеді.

83. Ұшу тексерулерiн орындаудың көлемі мен тәртiбi радиожарықтау техникалық құралдардың ұшу тексерулерiнiң бiрлескен бағдарламасында анықталады.

84. Глиссадалық от-шамдардың ұшу тексерулерiн жүйе үлгісіне қарай арнайы бағдарламалар бойынша ұшақ-зертханалары ғана жүргiзедi.

85. Жарықпен сигнал беру жабдықтар жүйелерінің ұшу тексерулерiн арнайы ұшақ-зертханалары, қонудың радиотехникалық құралдарын немесе жаттығулық ұшуларды орындайтын ұшақтармен айналып ұшу кезiнде ұшуларды Қызметтің аға инженерiнiң (инженердің) қатысуымен орындайды.

86. Жарықпен сигнал беру жабдығы жүйесiнiң ұшу тексеруiнiң нәтижелерi бойынша жүйенiң жұмыс iстеуiнiң дұрыстығы мен оның қойылған талаптарға сәйкестігi туралы қорытындысы бар актi жасалады. Актiлердiң нысандары осы Қағидаға 16 және 21-қосымшаларда келтiрiлген. Глиссадалық от-шамдардың ұшу тексеруiнiң нәтижелерi бөлек актiлермен ресiмделедi.
9. Қашықтықтан басқару мен телемеханика құрылғыларына

техникалық қызмет көрсету
87. Әуеайлақтың орталықтандырылған электрмен жабдықтау және жарықпен сигнал беру жабдықтары жүйесiндегi қашықтықтан басқару мен телемеханика қордырғыларына техникалық қызмет көрсетуді ұшуды электрлі жарықпен техникалық қамтамасыз ету қызметiнiң қашықтықтан басқару және телемеханика бойынша мамандары жүзеге асырады.

88. Қашықтықтан басқару мен телемеханика жүйесiнiң дұрыс және сенiмдi жұмысын қамтамасыз ететiн негiзгi іс-шаралары бекiтiлген кесте бойынша анықталған кезеңділікпен жүргізілетін жоспарлы пайдалану тексерiстерi болып табылады. Жоспарлы тексерiстер екi түрлi болады: толық және ішінара. Жоспарлы тексерiстер дайындаушы зауыт нұсқауы көлемiнде және қолданыстағы нормативтiк-техникалық құжаттардың талаптарына сәйкес орындалады.

89. Жоспарлы және ағымдық тексерулер арасындағы кезеңде шектен тыс қызудың, ластанудың, механикалық зақымданудың және жұмыс барысындағы басқа бұзылыстарды анықтау мақсатында айына бiр рет қашықтықтан басқару мен телемеханика қондырғыларына сырттай тексеру жүргiзу қажет.

90. Қашықтықтан басқару мен телемеханика қондырғыларына байланысты негiзгi жабдықтың, сигналдық қондырғылар мен аспаптардың, қорғау және автоматиканың бақылаудағы объектiлерiндегi жөндеу және тексеру осы Қағидаға 18-қосымшаға сәйкес тексерiлiп жатқан объектiде олардың іс-әрекетін сынап көргеннен кейiн ғана аяқталған деп саналады.

91. Қашықтықтан басқару мен телемеханика қондырғылары жұмысындағы iстен шығуды немесе бұзылысты жойғаннан кейiн ішінара тексеру көлемiнде кезектен тыс (авариядан соңғы) тексеру және олардың iс-әрекетiн сыннан өткiзу жұмыстары жүргiзiледi.

92. Ішінара және авариядан кейінгі тексерулер, жөндеулердiң барлық түрлерi, сондай-ақ қашықтықтан басқару мен телемеханика қондырғыларын пайдалану жөнiндегi нұсқаулықтарға сәйкес жүргізіледі және пайдалану журналы мен формулярда жазылады.


10. Қызметiнiң жедел тобының жұмысын ұйымдастыру
93. Әуежайдың тәулiктiк жұмысының барлық уақытына ұшуды электрлі жарықпен техникалық қамтамасыз ету жабдығының жұмыс iстеуiн жүзеге асыру үшiн Қызметте жедел топ мамандарының ауысымдары бойынша кезекшiлiгi ұйымдастырылады.

94. Жедел топтың персоналы жедел-жөндеуші болып табылады және олар мыналарды:

1) әуежайдың жарықтандыру техникалық жабдығының, электрмен қамтамасыз ету жүйесiнiң және оның объектiлерiнiң белгіленген режимдерінде үздiксiз жұмыс iстеуiн;

2) электр жабдығын жедел ауыстырып қосуды, қызмет ететiн персоналдың жұмысқа жiберiлуiне рұқсат беру, жүргізу, келісу, дайындауды;

3) электр қондырғыларын техникалық пайдалану және электр жабдықтарын пайдалану кезінде қауіпсіздік техникасының сақталуын;

4) Қызмет объектілерінде өрт қауіпсіздігін сақтауды;

5) ұшу-қону жолақтарында жұмыс жүргiзiлген кезде жарықпен сигнал беру жабдықтары оттарының сақталуына бақылау жасауды;

6) жедел техникалық қызмет көрсетудiң жүргiзiлуiн;

7) техникалық құжаттамалар жүргiзудi;

8) электр энергиясының ұтымды пайдаланылуын бақылауды қамтамасыз етедi.

95. Жедел топтың ауысым персоналы кезекшiлiктi қабылдаған кезде мыналарды:

1) жабдықтың жай-күйi мен жұмысқа жарамдылығын;

2) ұшуды электрлі жарықпен техникалық қамтамасыз ету объектiлерiнiң резервтiк электрмен қамтамасыз ету жүйесiнiң жұмысқа дайындығын;

3) жедел техникалық құжаттардағы алдыңғы ауысымның жазбаларын;

4) жеке қорғау құралдарының, өлшеу аспаптарын, құрал-жабдықтарының болуы мен жарамдылығын, сондай-ақ медициналық қобдишаның жинақталуын тексередi.

96. Әуе кемелерiнiң ұшуын қамтамасыз етуге байланысты электр қондырғыларының барлық жедел ауыстырылып қосылуы ұшу басшысымен (аға диспетчермен) келiсiлгеннен кейiн ғана жүргізіледі.

97. Кезекшiлiктi қабылдау мен тапсыру, сондай-ақ жедел персонал ауысым кезiнде атқарған барлық жұмыстар нысаны осы Қағидаға 19-қосымшада келтiрiлген, жедел топтың жұмысын есепке алу журналында ресiмделедi.

98. Ұшуды қамтамасыз ететін ұшуды электр жарығымен техникалық қамтамасыз ету жабдығының жұмысындағы кез келген iстен шығуларды (аварияларды) жедел топтың ауысымдық инженерi (технигi) ұшу жетекшiсiне (аға диспетчерге), Қызметтiң бастығына жедел баяндайды және оларды жою бойынша шұғыл шаралар қолданады, ал ақаулықтар жойылғаннан көрсетілген лауазымды тұлғаларға жабдықтың жұмысқа дайындығы туралы баяндайды және жедел топ жұмысын есепке алу журналына тиiстi жазба жасайды.

99. Ұшуды электрлі жарықпен техникалық қамтамасыз ету жабдығының барлық iстен шығу және ажыратылу жағдайлары журналда жазбалармен, ал ұшу қызметiнiң бұзылысына әкеп соқтырғандар актiлермен ресiмделедi. Егер электрмен қамтамасыз ету жүйесiнiң бұзылысы ақаулықтың немесе сыртқы көздің кенеттен (алдын-ала хабарланбастан) ажыратылудың салдарынан болған болса, Қызмет бастығы оның себептерiн анықтап, шаралар қолданады, актiнiң мазмұнын энергиямен қамтамасыз етуші ұйыммен келісіп, оған актiнiң бiрiншi данасын жiбереді.

100. Электр қондырғыларының барлық жұмыстары тек жедел топ аға инженерiнiң техниктің хабардар болуымен және рұқсатымен орындалады, нысаны осы Қағидаға 20-қосымшада келтiрiлген қызмет нарядтары мен өкiмдерiн тiркеу журналында тiркеледi.

101. Қызмет персоналының кезекшісі:

1) әуеайлақ аумағы тазаланғаннан кейiн от-шамдар арматураларының жай-күйiн тексереді және зақымданғандары болса оларды жөндеп актi жасайды;

2) жарықпен сигнал беру жабдығының, радиожарық беру техникалық жабдықтың және әуе қозғалысына қызмет көрсету объектiлерiн электрмен қамтамасыз ету жүйесiнiң жұмысқа жарамдылығын ұйымдастыруды күнделiктi тексередi;

3) басқа қызметтер мен ұйымдардың электр жабдықтарын жөндеуге берген тапсырыстарына осы Қағидаға 24-қосымшаға сәйкес есеп жүргізедi;

4) жер қазу жұмыстарын жүргiзуге осы Қағида 22-қосымшаға сәйкес тұлғаларда рұқсаттың болуын тексередi;

5) қажеттi құжаттама болмаған жағдайда жұмыс жүргiзуге тыйым салады.

102. Авариялар екі жерде болған жағдайларда қосымша екiншi жедел автомашинаны бөлу көзделуі қажет.
11. Электр энергиясы шығысын есептеудi ұйымдастыру
103. Электр энергиясы шығысын есептеу жалпы әуежай бойынша электр энергиясының шығысы және оның объектiлерi бойынша есепке алуды көрсетеді.

104. Енгізілетін құрылғылардың релелік кіші станциясының немесе кірме трансформаторлық кіші станциясының электр энергиясы шығысын бақылау үшiн энергиямен жабдықтаушы ұйымда санауыштың болуына қарамастан бақылау санауыштары орнатылады.

105. Әуежайдағы, оның өндiрiстiк қызметіне байланысты емес электрмен қамтамасыз ету объектiлерi, сондай-ақ бөгде ұйымдардың (субабоненттер) объектілері, жүйеге қосылған электр қабылдағыштардың қалады мөлшерiне қарамастан, энергиямен қамтамасыз ету желiсінiң кіші станциясын шығатын жерiнде есептеушi санауыштарымен жабдықталады.

106. Энергиямен жабдықтаушы ұйыммен және субабоненттерінің есептері шарттармен ресiмделедi.

107. Әуежай қызметтері мен бөлiмшелерi бойынша тоқсандық және айлық тұтынымдары көрсетiлген жылдық жоспарларын берілген өтініштер негiзiнде қызметтің есептеу және жоспарлау тобы жасайды.

108. Электр энергиясы шығысын санауыштардың көрсеткіштері осы Қағидаға 22-қосымшаға сәйкес электр энергиясы шығысын техникалық есептеу журналына ай сайын жазылады.

109. Әр айдың, тоқсанның және жылдың соңында әуежайдағы электр энергияның жалпы шығысының қорытындысы келесi объектiлердің топтары бойынша жинақталады:

1) әуежайдың өндiрiстiк қызметiн қамтамасыз етушi объектiлер кешенi;

2) қосалқы объектiлер (әкiмшiлiк-басқарушы ғимараттар, профилакторийлер, қонақ үйлер, асханалар, мейрамхана, дәмхана, тұрмыстық ғимараттар және тағы басқалар);

3) тұрғын қалашық, балалар мекемелерi, емханалар, дүкендер, клубтар, тұрмыстық қызметтер, қосалқы шаруашылық және тағы басқа;

4) бөгде ұйымдар (әрқайсысы бойынша бөлек). Қорытынды көрсеткiштер негiзiнде абоненттер мен субабоненттер әуежайда толығымен электр энергиясының шығысына талдау жүргiзедi.

110. Әр айдың соңында электр энергиясына есеп шот беру үшін шартқа сәйкес авиакәсіпорын энергиямен жабдықтаушы ұйымға немесе оның бөлімшесіне өткен айдың басы мен соңына жалпы әуежай бойынша және электр энергиясына әр түрлі төлем тарифтері бар оның жеке объектілеріне есеп шоттары көрсеткіштері туралы мәлімет жібереді.

111. Әуежайдың әр түрлі қызметтерінде электр энергиясын тұтынуда белгіленген лимиттің сақталуын ұйымдастыруды бақылауды Қызмет бастығы, ал әрбiр қызмет бойынша электр энергиясының ұтымды жұмсалуы мен электр энергиясын тұтынудың белгіленген лимитiнiң сақталуы бойынша бақылауды электр қондырғыларын пайдаланатын қызмет бастығы жүргізеді.
Қазақстан Республикасы

азаматтық авиациясының ұшуды 

электрлі жарықпен техникалық

қамтамасыз ету қағидасына

 1-қосымша
Электрлі жарықтың техникалық жабдықтары ішінара iстен

шыққанда оларды пайдалануға қойылатын шектеулер
1. Ұшу басталарда ұшуды электрлі жарықпен техникалық қамтамасыз ету құралдары жарамдылық нормаларына сәйкес келуi және ақаулықтары болмауы тиiс.

2. Ұшуды электрлі жарықпен техникалық қамтамасыз ету жабдықтары мынадай iшiнара iстен шыққан кезде әуеайлаққа әуе кемелерiн қабылдауды жалғастыруға рұқсат етiледi:

1) I санатты минимум бойынша:

ұшуды электрлі жарықпен техникалық қамтамасыз ету жабдығының орталық оттары iстеп тұрған кезде қондыру бағытшамының екi фидерiнiң бiреуi;

импульстық немесе глиссадалық оттар;

шеткі қауіпсіздік жолағының бүйірдегі оттары жерге қону аймағының оттары, ұшу-қону жолағының ось оттары істен шыққан кезде.

2) ІІ-санатты минимум бойынша:

импульстiк және глиссадалық оттар;

қондырудың фар екi фидерiнiң бiреуi;

рульдеу жолдарының тереңдетiлген оттары істен шыққан кезде.

3) I-ІІ-санатты минимумдар бойынша:

ұшуды радиотехникалық қамтамасыз ету объектiлерiнің (радиомаяк жүйелерінен, жарық жүйесiнен, командалық-диспетчерлік пунктерден, әуе қозғалысына қызмет көрсету жүйесінің автоматтандырылған орталықтарынан басқа) электрмен қоректендірудің екi тәуелсiз көзiнiң бiрi;

әуеайлақтың үстiндегi айналымда жүрген және тіке қону алдындағы әуе кемелерi үшiн ғана радиомаяк жүйелерінің, жарық жүйелерінің, командалық-диспетчерлік пунктерінің және әуе қозғалысына қызмет көрсету жүйесінің автоматтандырылған орталықтары объектiлерiнің электрмен қоректендірудің үш тәуелсiз көзiнiң екеуi;

айналымдық шолуға жақындау оттары мен ұшу-қону жолағының айналымдық шолу оттары;

рульдеу жолдарының оттары (әуе кемелерiн рульдеу ілесіп жүретiн машина соңында төмендетілген жылдамдықта жүзеге асырылады) істен шыққан кезде.

4) I, ІІ және ІІІ санатты минимумдар бойынша (аварияны жоюға дейiн, бiрақ 5 тәулiктен аспауы тиiс):

осы обьекті үшін қайта қосудың нормативтік, ең жоғары рұқсат етілетін уақытын қалған көздерімен қамтамасыз ету кезінде қонуға инструменталдық кіруді қамтамасыз етудің және командалық-диспетчерлік пунктің радиожарық-техникалық құралдарының электрмен қоректендірудің тәуелсіз үш көзінің бірі істен шыққан кезде.

3. І санатты минимум мыналар:

жақындату мен жарық горизонтының прожекторлық оттары қорегі екі фидерінің бірі;

ұшу-қону жолағының фара оттары екі фидерінің бірі істен шыққан кезде ұшу-қону жолағында көріну ұзақтығы 200 м артады.

4. Жарықтехникалық жабдықты қашықтан басқару істен шыққан кезде минимум санатталмаған деңгейге дейін артады (оттары кезекші персонал әуе қозғалысына қызмет көрсету қызметінің диспетчерлік командасы бойынша ұшуды жарықпен техникалық қамтамасыз ету торабына қосу тиіс).

Қазақстан Республикасы

азаматтық авиациясының ұшуды 

электрлі жарықпен техникалық

қамтамасыз ету қағидасына

 2-қосымша


Жарық сигнал жабдығы оттарының кіші жүйелері бойынша жанбайтын лампаларының рұқсат етілетін пайызы
1. I санат бойынша қонуға дәл кіру үшін жабдықталған ҰҚЖ-да профилактикалық техникалық қызмет көрсету I санат бойынша ұшуды орындаудың кез келген уақытында барлық жақындату оттары мен ұшу-қону жолағы оттарының жұмыс істеуінен және кез келген жағдайда мынадай кіші жүйелердің әрбірінде оттардың кемінде 85 %-ының жұмыс істеуінен тұруы тиіс:

I санат бойынша қонуға дәл кіруге арналған жарықпен сигнал беру жүйесі:

ұшу-қону жолағының кіру оттары;

ұшу-қону жолағының қону оттары;

ұшу-қону жолағының шектеу оттары.

2. II және III санаттар бойынша қонуға дәл кіру үшін жабдықталған ұшу-қону жолағында профилактикалық техникалық қызмет көрсету II және III санаттар бойынша ұшуды орындаудың кез келген уақытында барлық жақындату оттары мен ұшу-қону жолағының оттары жұмыс істейтіндей және кез келген жағдайда кемінде:

Мынадай кіші жүйелердің әрбірінде оттардың 95%-ының:

II және III санаттар бойынша қонуға дәл кіруге арналған жарықпен сигнал беру жүйесі;

ұшу-қону жолағына жақын 450 метрлік учаске, ұшу-қону жолағының ось оттар, ұшу-қону жолағының кіру оттарының;

жерге қону аймағы оттарының 90%-ының;

ұшу-қону жолағына жақын 450 метрлік учаскеден тыс жерге қонуға кірудің жарықпен сигнал беру жүйесі оттарының 85%-ының;

ұшу-қону жолағының шектеу оттарының 75%-ының жұмыс ітсеуінен тұруы тиіс.

3. Желілік оттармен немесе жарық горизонтымен болатын (ақауы бар көрші екі оттың болу рұқсат етілетін) жағдайларды қоспағанда, қатар орналасқан, ақауы бар екі оттың болуына рұқсат беруге болмайды.

Қазақстан Республикасы

азаматтық авиациясының ұшуды

электрлі жарықпен техникалық

қамтамасыз ету қағидасына

3-қосымша


Ұшуды электрлі жарықпен техникалық қамтамасыз ету қызметі құжаттамаларының тiзбесі
1. Жалпы құжаттар:

1) қызмет туралы ереже;

2) ұшуды электрлі жарықпен техникалық қамтамасыз ету қызметінің құрылымдық схемасы;

3) ұшуды электрлі жарықпен техникалық қамтамасыз ету қызметі мен әуежайдың басқа қызметтерi арасындағы электр қондырғыларын пайдалану үшiн жауаптылықтың аражігін ажырату актiлерi;

4) ұшуды электрлі жарықпен техникалық қамтамасыз ету қызметі персоналының нормативтiк санының есебi, штат кестесі және ұшуды электрлі жарықпен техникалық қамтамасыз ету қызметі персоналының нақты саны;

5) лауазымдық нұсқаулықтар;

6) ұшуды электрлі жарықпен техникалық қамтамасыз ету қызметі бойынша бұйрықтар, нұсқаулар және өкiмдер (басшының құжаттар папкасы);

7) Азаматтық авиациядағы ұшуды электрлі жарықпен техникалық қамтамасыз ету ережелерiнiң - бақылау данасы;

8) Азаматтық авиациядағы ұшу қағидасы немесе олардан үзiндi көшiрмелер; әуеайлақтардың жарамдылық нормалары немесе олардан ұшуды электрлі жарықпен техникалық қамтамасыз ету бойынша үзiндi көшiрмелер;

9) техникалық қауіпсіздігі, өрт қауіпсіздік ұшуды электрмен жарықтау техникалық жабдықтарын пайдалану бойынша нұсқаулықтар;

10) ұшуды электрлі жарықпен техникалық қамтамасыз етудің пайдаланылып жүрген жабдықтарының жобалық-сметалық құжаттамасы;

11) пайдалануға берілген электр қондырғыларына монтаж-баптау ұйымдарының атқарушы құжаттамасы;

12) пайдалануға жарамдылық куәлiктері;

13) әуежайдың электрмен жабдықталуы және оның объектiлерiн электрмен қоректендіру схемаларының жиынтығы (әуежай объектiлерiнiң жоғары вольттi, төмен вольттi және резервтiк электрмен қоректендірудің, ұшу-қону жолының, рульдеу жолағының жарық сигнал жабдықтарының, әуеайлақтың басқарылатын және басқарылмайтын белгiлерiнiң схемалары және т.б);

14) электр беру желiлерiнiң трассалық жоспарлары мен кабельдiк желілердің (секторлар бойынша) байлану схемалары;

15) негiзгi электр жабдықтарын сипаты мен схемалары;

16) рекламациялық актiлер;

17) жабдықтарға, материалдарға, қосалқы жабдықтар мен аспаптарға және тағы басқаларға өтінімдер;

18) ұшуды электрлі жарықпен техникалық қамтамасыз ету қызметiнiң жұмысы бойынша жоспарлар, кестелер;

19) ұшуды электрлі жарықпен техникалық қамтамасыз ету жабдығын күрделi жөндеудің кезеңділік кестесі;

20) күрделi жөндеулер мен іске қосу-баптау жұмыстары бойынша құжаттама (шарттар, сметалар, № 2 үлгi актiлер және оларға талдаулар, өткен жылдағы ақаулықтар ведомостылары, күрделi жөндеуге өтінімдер, күрделi жөндеу жоспарлары, қаржыландыру бойынша деректер, күрделi жөндеу және іске қосу-баптау жұмыстарының жұмсалатын қаражатын есепке алу);

21) қауіпсіздік техникасы, өрт қауіпсіздігі бойынша ұшуды электрлі жарықпен техникалық қамтамасыз ету жабдығын пайдалану нұсқаулығын білуді тексеру журналы;

22) ұшуды электрлі жарықпен техникалық қамтамасыз ету қызметіндегі техникалық оқулар мен талдау өткiзуді есепке алу журналы;

23) ұшуды электрлі жарықпен техникалық қамтамасыз ету қызметiнiң өлшеу, өрт сөндiру құралдары мен қорғаныс құралдарының тізбесі.



2. Жедел топтың құжаттамалары:

1) лауазымдық нұсқаулықтар;

2) басқа қызметтермен электрмен қоректендіруді резервтеу және жедел ауыстыру бойынша, режим, қауіпсіздік техникасы, электр тогы зақымдаған кезде алғашқы көмек көрсету, өрт қауіпсіздігі шаралары мен өрт туындаған жағдайда жедел топтың іс-әрекеті бойынша өзара іс-қимыл жөніндегі нұсқаулықтар;

3) абоненттердің, әуежайдың лауазымды адамдары мен қызметтерiнiң, электрмен жабдықтаушы ұйымдардың телефондар тiзiмi және тағы басқалар;

4) жедел топ персоналының кезекшiлiк және демалыс кестелері;

5) сыртқы жарықты қосу және сөндіру кестесі;

6) релелiк қорғаныстардың қондырғы ведомостылары;

7) әуежай объектiлерiнің жоғары вольттi және төмен вольттi, негiзгi және резервтi электрмен қоректендіру схемалары;

8) ұшу-қону жолағының, рульдеу жолының, басқарылатын және басқарылмайтын көрсетушiлерiнiң жарық сигнал жабдықтарының схемасы;

9) әуежайдың жалпы мақсаттағы объектiлерiнiң электр жабдықтарының схемалары;

10) электрмен қоректендіру желiлерi трассаларының жоспары;

11) нарядтар папкасы;

12) нарядтардың, хаттамалардың, актiлердiң, жедел ауыстырып қосу, бланкiлерi және тағы басқалар;

13) ұшуды электрлі жарықпен техникалық қамтамасыз ету қызметi жедел тобының жұмыстарын есепке алу журналы;

14) ұшуды электрлі жарықпен техникалық қамтамасыз ету қызметiнiң электр қондырғыларындағы жұмыстар бойынша нарядтар мен өкiмдердi тiркеу журналы;

15) әуежайдың жалпы мақсаттағы объектiлерiнiң электр қондырғыларына ағымдық жөндеуге өтінімдер журналы.



3. Ұшуды электрлі техникалық қамтамасыз ету торабының құжаттамалары:

1) лауазымдық нұсқаулықтар;

2) жедел топтың персоналымен электрмен қоректендіруді резервтеу және жедел ауыстыру, қауіпсіздік техникасы, электр тогы зақымдаған кезде алғашқы көмек көрсету, өрт қауіпсіздігі шаралары мен өрт туындаған жағдайда жеке құрамның іс-әрекеті бойынша өзара іс-қимыл жөніндегі нұсқаулықтар;

3) ұшуды электрлі техникалық қамтамасыз ету жабдығына қызмет көрсетуге, қауіпсіздік техникасы мен ҰЭТҚ обьектілерінің өртке қарсы жай-күйіне жауапты адамдарды тағайындау туралы торап бойынша өкімдер;

4) ұшуды электрлі техникалық қамтамасыз ету торабының жұмысы бойынша бұйрықтар, нұсқаулар және басқа басқарушы құжаттар;

5) әуежай объектiлерiнің жоғары вольттi және төмен вольттi, негiзгi және резервтiк электрмен қоректендіру схемалары;

6) әуежайдың жалпы мақсаттағы объектiлерiнiң электр жабдықтарының схемалары;

7) электрмен қоректендіру желiлерi трассаларының жоспарлары;

8) релелiк қорғаныс қондырғыларының ведомосты;

9) қуаттылық және жарықтандыру желілерінің атқарушы схемалары;

10) трансформаторлық қосалқы станциялардың құжаттама папкасы (қағидаттық схемалар, зауыттық сипаттамалар, формулярлар, электр жабдықтары мен кабельдiк желiлер паспорттары, сынақ хаттамалары және тағы басқалар);

11) ұшуды электрлі техникалық қамтамасыз ету жабдықтарының жоғары вольтті, төмен вольтті және басқа жабдықтардың ақаулық ведомостылары;

12) ұшуды электрлі техникалық қамтамасыз ету торабының пайдаланылатын жабдықтарын күрделi жөндеудің кезеңділік кестесі;

13) ұшуды электрлі техникалық қамтамасыз ету торабының өлшеу құралдарын метрологиялық тексеру кестесі;

14) жоспарлы – алдын алу жөндеулер кестесі;

15) материалдарға, қосалқы жабдықтар мен аспаптарға өтінімдер;

16) Қазақстан Республикасының азаматтық авиациясында ұшуды электрлі жарықпен техникалық қамтамасыз ету қағидасы және басқа басқарушы құжаттар, әуеайлақтарды пайдалануға жарамдылық нормаларынан ұшуды электрлі техникалық қамтамасыз ету бойынша үзінді көшірмелер;

17) ұшуды электрлі техникалық қамтамасыз ету торабының жұмыстарын есепке алу журналы;

18) ұшуды электрлі техникалық қамтамасыз ету торабының резервтiк дизель-генераторларына техникалық қызмет көрсету журналы;

19) ұшуды электрлі техникалық қамтамасыз ету торабының кабельдік желiлерiнiң журналы;

20) ұшуды электрлі техникалық қамтамасыз ету торабының жабдықтарын, қосалқы жабдықтарын, аспаптарын және материалдарын алу мен жұмсаудың есепке алу журналы.

4. Ұшуды жарықпен техникалық қамтамасыз ету торабының құжаттамалары:

1) лауазымдық нұсқаулықтар;

2) жедел топтың персоналымен электрмен қоректендіруді резервтеу және жедел ауыстыру, қауіпсіздік техникасы, электр тогы зақымдаған кезде алғашқы көмек көрсету, өрт қауіпсіздігі шаралары мен өрт туындаған жағдайда жеке құрамның іс-әрекеті бойынша өзара іс-қимыл жөніндегі нұсқаулықтар;

3) ұшуды жарықпен техникалық қамтамасыз ету жабдығына қызмет көрсетуге, қауіпсіздік техникасы мен торап обьектілерінің өртке қарсы жай-күйіне жауапты адамдарды тағайындау туралы торап бойынша өкімдер;

4) ұшуды жарықпен техникалық қамтамасыз ету тораптың жұмысы бойынша нұсқаулар, бұйрықтар және басқа басқарушы құжаттар;

5) жарықпен сигнал беру жабдығының схемалары;

6) ұшуды жарықпен техникалық қамтамасыз ету торабы объектiлерiнiң негізгі және резервтік электрмен қоректендіру схемалары;

7) жарықпен сигнал беру жабдығының төмен вольтті қалқандары мен кепiлдi электрмен қоректендіру қалқандарының схемалары;

8) резервтiк дизель-генераторларды автоматикасының схемалары;

9) дистанциялық басқару схемасы;

10) жарықтылықты реттеуiштердiң қағидаттық схемалары;

11) пайдаланылып жүрген жабдықтардың зауыттық сипаттамалары, формулярлары, паспорттары;

12) жарықпен сигнал беру жабдықтарының ақаулық ведомостылары;

13) ұшуды жарықпен техникалық қамтмасыз ету торабының пайдалануындағы жабдықтарды күрделi жөндеудің кезеңділік кестесі;

14) ұшуды жарықпен техникалық қамтамасыз ету торабының өлшеу құралдарын метрологиялық тексеру кестесі;

15) жарық сигнал жабдықтарының жүйесiне регламенттiк қызмет көрсету мен жоспарлы-алдын ала жөндеу кестесі;

16) ұшу тексерiстерiнiң кестесі;

17) материалдарға, қосалқы бөлшектерге, аспаптарға және жабдықтарға өтінімдер;

18) Қазақстан Республикасының азаматтық авиациясында ұшуды электрлі жарықпен техникалық қамтамасыз ету қағидасы және басқа басқарушы құжаттар, әуеайлақтарды ұшуды электрлі техникалық қамтамасыз ету бойынша пайдалануға жарамдылық нормаларынан үзінді көшірме,

19) жарық сигнал жабдығына техникалық қызмет көрсету регламентi;

20) ұшу тексерулерінің актілері,

21) жарықпен сигнал беру жабдығын пайдалануға жарамдылық куәлігі;

22) ұшуды жарықпен техникалық қамтамасыз ету торабының жұмысын есепке алу журналы;

23) ұшуды жарықпен техникалық қамтамасыз ету торабының резервтiк дизель-генераторларына техникалық қызмет көрсету журналы;

24) ұшуды жарықпен техникалық қамтамасыз ету торабының кабельдік сақиналарының оқшаулануы тебінісін өлшеу журналы;

25) кабельдік сақиналардың паспорттары;

26) жарықпен сигнал беру жабдығын сынау хаттамалары;

27) ұшуды жарықпен техникалық қамтамасыз ету торабының жабдықтарын, қосалқы бөлшектері мен аспаптарын және материалдарын алу мен шығындауын есепке алу журналы.



5. Ұшуды электрлі жарықпен техникалық қамтамасыз ету қызметiнiң жөндеу-пайдалану шеберханасының құжаттамалары:

1) лауазымдық нұсқаулықтары;

2) қауіпсіздік техникасы, өрт қауіпсіздігі шаралары мен өрт туындаған жағдайда жеке құрамның іс-әрекеті, электр тогы зақымдаған кезе алғашқы көмек көрсету, электр қондырғыларды жөндеу бойынша өзара іс-қимыл жөніндегі нұсқаулықтар;

3) жұмыс жоспарлары;

4) жөндеу-пайдалану шеберханасының жұмыстарын есепке алу журналы;

5) жөндеу-пайдалану шеберханасының жабдықтарының, мүлiктерi және құрал-саймандарының тізімдемесі;

6) жөндеу-пайдалану шеберханасы жабдықтарының зауыттық сипаттамалары, паспорттары мен формулярлары.

6. Электрлі техникалық жоғары вольттi зертхана құжаттамалары:

1) лауазымдық нұсқаулықтары;

2) қауiпсiздiк техникасы мен электр тоғы зақымдаған кезде алғашқы көмек көрсету жөніндегі нұсқаулықтары;

3) зертхана жабдықтарының зауыттық сипаттамалары, паспорттары мен формулярлары;

4) электр қондырғыларын сынақтан өткізу бойынша нормалар мен нұсқаулар;

5) зертхана жабдықтарының, мүлiктерiнiң, қорғаныс құралдары мен құрал-саймандарының тізбесі;

6) жұмыс жоспарлары;

7) электрлі техникалық жоғары вольттi зертхана жұмысын есепке алу журналы;

8) ұшуды электрлі техникалық қамтамасыз ету қызметiндегi электрлі қондырғылардың, қорғаныс құралдарының сынақтары мен тексерулерінiң хаттамаларын, актiлерiн есепке алу журналы.

7. Жоспарлау және есепке алу тобының құжаттамалары:

1) лауазымдық нұсқаулықтар;

2) авиакәсіпорнының материалдық-техникалық жабдықтау және жердегі құрылыстарды пайдалану бөлімдерімен келісілген, жабдықтарды, материалдарды, қосалқы жабдықтарды және аспаптарды орталықтандырылған және орталықсыздандырылған жабдықтауға өтінімдер және ұшуды электрлі жарықпен техникалық қамтамасыз ету жабдықтарын күрделі жөндеу мен баптау жұмыстарын қаржыландыруға өтінімдер ұсыну кестесі;

3) өтінімдер папкасы;

4) өлшеу құралдарын тексеру мен оның орындалуын есепке алу кестесі;

5) ұшуды электрлі жарықпен техникалық қамтамасыз етудің пайдаланылатын жабдықтарды күрделi жөндеудің кезеңділік кестесі;

6) ұшуды электрлі жарықпен техникалық қамтамасыз ету жабдықтарының ақаулық ведомостысы мен оларды күрделi жөндеу және баптау жұмыстарының тізбесі;

7) жобалау-сметалық құжаттамалар;

8) жұмыс жоспарлары;

9) ұшуды электрлі жарықпен техникалық қамтамасыз ету қызметiнің жабдықтарды жұмсалған қосалқы жабдықтар мен құралдарды және материалдарды алу және жұмсалуын есепке алу журналы;

10) әуежай қызметтерінің объетілері бойынша электр энергиясының тұтыну есептері;

11) әуежайдағы электр энергиясы шығынын техникалық есепке алу журналы

Қазақстан Республикасы

Азаматтық авиациясының ұшуды электрлі

жарықпен техникалық қамтамасыз ету

қағидасына 4-қосымша





БЕКІТЕМІН

Әуежай басшысы_______________

___________________

(қолы) (Т.А.Ә.)

«____»________ 20____ж



  1   2   3   4   5   6


©netref.ru 2017
әкімшілігінің қараңыз

    Басты бет