Бағдарламасы «ертеңІҢ Үшін аянба! »



жүктеу 3.38 Mb.
бет34/53
Дата25.04.2016
өлшемі3.38 Mb.
түріБағдарламасы
1   ...   30   31   32   33   34   35   36   37   ...   53
: attributes
attributes -> Бағдарламасы «ертеңІҢ Үшін аянба! »
attributes -> Дуллоҳ Шариф Нашрга тайёрловчи
attributes -> Росулуллоҳнинг овқат олдидан таҳоратлари, таомдан аввал ва кейин айтадиган дуолари ҳамда қадаҳлари баёни ҳақидаги боблар

61. Үйлену той көйлектері салоны



1. Жалпы ақпарат. Әдетте, кез келген үйлену тойы үлкен дайындық жұмыстарын қажет етеді, соның бірі – өміріндегі ең бақытты күні әйел адамның өзін ыңғайлы сезінетін үйлену той көйлегін таңдауы. Әр қалыңдық ерекше әдемі болуды қалайды. Қалыңдық барлық шараларды, әсіресе, той көйлегін алдын ала ойластыруы керек.

Бүгінгі күні үйлену салондарының бизнесі гүлденуде, сәйкесінше онда көрсетілетін қызмет түрлеріне деген сұраныс та өте жоғары. Қала көшелерінде күннен күнге саны өсіп келе жатқан жас жұбайларды көргенде көптеген кәсіпкер болғысы келетін адамдар үйлену той салондарын ашып, ақша табуды ойлайды, себебі бұл, шынында да– өз бизнесіңді ашудың жақсы бір тәсілі.



2. Орын. Бұл бизнес үшін салонның қайда орналасқаны аса маңызды. Егер салон адамдар көп жүретін көшеде орналасса, онда болашақ қалыңдықтар оған міндетті түрде кіреді.

Салон орналасатын жер шамамен 30 м²-лік болуы керек. Салонның іші мен сырты көздің жауын алатындай тартымды болуы маңызды. Үлкен шыны витриналары бар салондар жай ғана терезесі бар салондарға қарағанда әлдеқайда ұтымды. Көп адамдар ақ түстің бәрі бірдей деп ойлайды. Алайда оның бірнеше реңі бар. Олардың айырмашылығын клиенттер байқап көруі үшін жарықтың маңызды екенін ескеру керек.



3. Жабдықтар. Салонға тіреуіші бар шыныдан жасалған бірнеше ашық витрина, көйлектер үшін манекендер, киім ауыстыратын жер, айналар, жұмсақ жиһаз бен клиенттерге арналған журнал үстелі қажет. Оған қоса, салонды ерекше сәндеп, көркемдейтін көптеген заттар қолданған дұрыс.

4. Технология. Бұдан кейін салон қандай тауарлар ұсынып, қызметтің нақты қай түрін көрсететінін анықтап алу керек. Мүмкін сіз тек үйлену той көйлектерін жалға берумен және сатумен ғана айналысасыз немесе мұнымен қоса киім тігетін ательелермен келісім-шартқа отырып, көйлектерді тапсырысқа тігу қызметтерін де ұсынасыз.

Үйлену той бизнесіне қатысты ерекшеліктерді ескеру керек, ерекшеліктің ең маңыздысы – бизнестің мезгілге байланыстылығы. Үйлену тойлары жылы айларда көп өткізіледі, ал қыста жаз бойы жинаған ақшаны орынды жалға алған үшін жұмсауға тура келеді. Сондықтан салонды мезгіл басында ашқан дұрыс. Ал қыста кештерге арналған түрлі көйлектерді жалға берумен айналысуға болады. Кез келген қыз-келіншек үшін түрлі мерекелерде киетін көйлектің қандай болатыны маңызды. Сондықтан мұндай қызмет түрі жыл бойы табыс әкеледі.



Ассортиментте түрлі бағадағы, нешетүрлі моделді көйлектер болғаны дұрыс. Олардың тең жартысын қымбат емес көйлектер құрауы шарт. Оларға деген сұраныс өте жоғары. Ал екінші жартысын салонға ерекшелік беріп, қыз-келіншектердің назарын аударатын бағасы орташа және қымбат көйлектер құрағаны жөн.

5. Қызметкерлер. Қызметкерлерді таңдауға ерекше мән беру керек. Кеңесшілердің аздап психолог болғандары жөн, олар тек қалыңдықты ғана емес, еріп келген анасы мен құрбыларын да тыңдап, олармен ой бөлісуге міндетті. Ал басшы мен бухгалтер міндетін өзіңіз атқара аласыз. Егер мүмкіндік болып жатса, онда көйлектерді сататын да өзіңіз болған дұрыс.

6. Сату. Салон табыс әкелуі үшін жарнама беру керек. Қазіргі кезде жас жұбайлар, яғни жастар керекті ақпаратты алдымен интернеттен іздейді. Сондықтан жарнамаңызды алдымен интернетке қарай бағыттаңыз. Клиенттерді тарту үшін түрлі акциялар ұйымдастырыңыз, жарнамалық парақшаларды тарататын адамдар жалдаңыз. Үйлену тойы журналдарында да өз жарнамаңызды орналастырған тиімді болады.

7. Болжамды есептеулер.

7.1. Шығыстар:

  • орынды жалға алу – 40 м ²* 1 100 теңге = 44 000 теңге.

  • айна 2 дана * 8 000 теңге = 16 000 теңге.

  • үйлену той көйлегін сатып алу – 1 көйлек = 40 000 теңге және одан жоғары, бастапқы кезде 10-шақтысын алуға болады, 10 көйлек * 40 000 теңге = 400 000 теңге.

Барлығы: 460 000 теңге.

7.2. Табыс:

  • Бір үйлену той көйлегін сату - 60 000 теңге не одан жоғары. Айына 3-4 көйлек сатсаңыз * 60 000 теңге = 180 000 теңге.

  • Бір көйлекті жалға беру 10 000 теңге не одан жоғары (екі күнге беріледі). Егер айына 5 көйлекті жалға берсеңіз * 10 000 теңге = 50 000 теңге.

8. Пайдалы сілтемелер:

http://www.openbusiness.ru/html/svadba.htm

http://shiksvadba.ru/collections/dresses/

Интернет арқылы іздеу. Сіз Интернет арқылы да осы тақырып бойынша көптеген материалдармен таныса аласыз. Ол үшін іздеуге арналған сайттар, мысалы www.google.kz, www.rambler.ru, www.yandex.ru сияқты жүйелерде «үйлену тойы көйлектерін жалға беру» және т.б. кілт сөздерді теру керек.

62. Қалалық қызмет көрсету





  1. Жалпы ақпарат. Қалалық қызмет көрсету дегеніміз – тапсырыс берушілер мен тұрмыстың қызмет ұсынатын мамандар арасында делдалдық қызмет атқаратын бір адам не компания.

Қалалық қызмет көрсетудің негізі – «барлық шеберлер мен қызметтер – бір телефонда» деген қағида. Адамға қандай да бір тұрмыстық қызмет түрі (жүк тасу, кішігірім жөндеу жасау, сантехниканы, электр шамын ауыстыру, т.б) керек болса, онда ол бір ғана қалалық қызмет көрсету орталығының телефон нөміріне хабарласып, қысқа уақыт ішінде үйіне керекті маманды шақырта алады. Қалалық қызмет көрсету орталығы екі жолмен табыс таба алады: шеберлерден белгілі бір үлес алады немесе телефон қоңырауын ақылы етеді.

  1. Орын. Аталған бизнес түрі үшін арнайы бір орынды жалға алудың қажеті жоқ. Бұл жұмысты үйде отырып-ақ жүзеге асыруға болады.

  2. Құрал-жабдықтар. Арнайы жабдықтардың да қажеті жоқ. Сізге керегі тек мыналар:

    • мамандар базасы мен есеп жүргізу үшін бір компьютер

    • тапсырыстар алу үшін басты құрал - телефон аппараты.

  3. Технология. Мамандардан үлес алу бизнестің негізі болып табылады. Алдымен өз қызметін ұсынатын адамдардың тізімін жасау керек. Ол үшін жарнамалық газет жарайды. Мамандарға хабарласып шығамыз – жұмыс күнін белгілейміз, қызметтің түрін, бағасын анықтаймыз. Оларды қалалық анықтама базасына тегін түрде енгізуге келісімін аламыз. Олар сізге түскен табыстың белгілі бір үлесін беріп отыруға келіседі. Әр қызмет түрінен екі маман табылса, онда өзіңіздің телефоныңызды жарнамаға беруге кірісіңіз.

Сонымен аталған бизнес түрін бастау үшін қандай қадамдар жасау керек:

  1. қызмет түрін жүзеге асыруға арналған орын табу – алғашқы уақытта өз үйіңіздегі бір үстел де жеткілікті. Әзірше оператор алудың қажеті жоқ, жұмысты өзіңіз де атқара аласыз. Қоңырауларды ұялы телефонға алсаңыз жақсы болады, себебі бұл тапсырыстар аз кезде үйден шығып, басқа істерді жасауға кедергі келтірмейді.

  2. мамандармен (шеберлермен) келісім-шартқа тұру.

  3. өз нөміріңізді «Қалалық қызмет көрсету» телефоны деп жарнамалау.

Бизнес біраз жолға қойылғаннан кейін ай сайын шеберлерден анықтама базасында тұрғаны үшін ақы алуға болады. Егер сіз бәрін дұрыс жасасаңыз, сіздің базаңызға тұруға ниетті адамдар саны көбейе түседі.

  1. Болжамды есептеулер.

    1. Шығыстар:

    • компьютер сатып алу – 60 000 теңге.

    • есте сақтауға оңай телефон нөмірі үшін («Алтын нөмір») төлем – 23 000 теңге.

    • сауатты келісім-шарт құрастыру үшін заң қызметі – 5 000 теңге.

    • жарнама үшін төлем:

1) газетке жарнама – 750 теңге, аптасына бір рет (20 сөз) * 4 апта = 3 000 теңге;

2) анықтама қызметі – айына 2 900 теңге (келісім-шарт кемінде 3 айға жасалады).

Барлығы: 93 900 теңге.


    1. Табыс:

Мұндай бизнеспен айналысып жүрген адамдардың тәжірибесіне сүйенсек, аймақ пен ондағы тұрғындар санына байланысты айына 100 000-нан 750 000 теңгеге дейін табыс табуға болады.

  1. Пайдалы сілтемелер.

http://prom.ua/cs50882-gorodskaya-sluzhba-uslug

http://www.barnaul-altai.ru/news/citynews/?id=41771

Интернет арқылы іздеу. Сіз Интернет арқылы да осы тақырып бойынша көптеген материалдармен таныса аласыз. Ол үшін іздеуге арналған сайттар, мысалы www.google.kz, www.rambler.ru, www.yandex.ru сияқты жүйелерде «қалалық қызмет» және т.б. кілт сөздерді теру керек.



1   ...   30   31   32   33   34   35   36   37   ...   53


©netref.ru 2017
әкімшілігінің қараңыз

    Басты бет