Бағдарламасы «ертеңІҢ Үшін аянба! »



жүктеу 3.38 Mb.
бет44/53
Дата25.04.2016
өлшемі3.38 Mb.
түріБағдарламасы
1   ...   40   41   42   43   44   45   46   47   ...   53
: attributes
attributes -> Бағдарламасы «ертеңІҢ Үшін аянба! »
attributes -> Дуллоҳ Шариф Нашрга тайёрловчи
attributes -> Росулуллоҳнинг овқат олдидан таҳоратлари, таомдан аввал ва кейин айтадиган дуолари ҳамда қадаҳлари баёни ҳақидаги боблар

83. Аулалық клубты ұйымдастыру


1. Жалпы ақпарат. Аулалық клубтар аймақта тұратын балалар мен жасөспірімдердің бас қосатын, шығармашылық идеяларын жүзеге асыратын және бос уақыттарын өткізетін негізгі орынға айналып келеді. Қызығушылықтар бойынша клубтар балалар мен жасөспірімдерге арнап мәдени шаралар мен бос уақыттарын өткізуді ұйымдастыру арқылы оларды даладағы зиянды нәрселерден аулақ ету үшін құрылады. Аулалық клубты ашу – пайдалы бизнес-идеялардың бірі, өйткені оның басты мақсаты жасөспірімдер мен жастардың бос уақытын өткізуді, шығармашылық қызығушылықтарын қолдауды, салауатты өмір салтын насихаттауды, жастарды ұлттық өнерге баулуды, мәдени шараларды өткізуді ұйымдастыру болып табылады.

2. Ғимарат. Егер өзіңіздің жеке орын-жайыңыз болса, тіптен жақсы. Ал жоқ болса, онда жалға алуға тура келеді. Бұл бизнесті ұйымдастыру үшін шамамен 60 м2 көлемді орын қажет. Ең дұрысы – тұрғын үйден бір орын-жайды жалға алу, бұл балалардың келіп тұруына жеңіл болады. Оған қоса, ғимараттың көлемі мен балалардың санына байланысты үстелдер, орындықтар, ойыншықтар (доптар, секіргіштер және т.б) керек.

3. Технология. Балалар мен жасөспірімдер тұрып жатқан аймақтағы аулалық клуб жақсы жұмыс істесе, онда балалар үшін ол демалатын, достарымен бас қосатын тиімді орын болмақ. Өз бос уақытын дұрыс өткізу олардың тұлға ретінде қалыптасуы мен шығармашылық және спорттық жағынан дамуына көп септігін тигізеді.

Клубтың басты бағыттары мынадай бола алады :



  • Дамыту бағыты – үйірмелер: «Шебер қолдар», вокал, сурет, шет тілдерін оқыту;

  • Шахмат, шашка, үстел теннисі мен футбол сынды спорт түрлерінен жарыс өткізу дәстүрлі бағыт болып табылады;

Аталған клубтағы істермен балалар шама-шарқынша айналысуы керек, яғни олардан аса бір білімділік, физикалық дайындық, эмоционалдық толқу мен шеберлілік талап етілмеуі тиіс. Өткізілетін іс-шаралардың балаларға қызық, нақты көрінетін нәтижесі бар, жаңалыққа толы болуы керек. Сонда ғана балалардың шығармашылық қабілеті артып, ішкі сұраныстары қанағаттандырылады.

Үйірмелерге келетін балалардың жасы 7 мен 18 аралығын қамтиды.

Қыста есік алдына мұзайдын, ал жазда спорттық ойындарға арналған стадион жасауға болады.

4. Қызметкерлер. Балалар мен жасөспірімдерді аулалық клубта дамыту мен оңалту сапасы олармен күнделікті жұмыс жасайтын тәрбиешілер пен педагогтардың дайындығына байланысты болады. Педагогикалық білімі бар 3-4 қызметкер алу керек.

5. Өткізу. Сіз жарнаманы қала бойынша сауда орталықтарына, балалар емханаларына іліп, визиткалар таратуыңызға болады. Сонымен қатар, жарнаманы жергілікті газет пен журналдарға да берген дұрыс. Жергілікті мектептерге барып, клубыңыз жайлы хабарлап айтуыңызға болады.

6. Болжамды есептеулер.

6.1. Шығыстар:


  • Орын-жайды жалға алу, 60 м² * 1 000 теңге = 60 000 теңге.

  • Балаларға арналған үстелдер мен орындықтар, 1 жиынтық = 10 000 теңге * 10 жиынтық = 100 000 теңге.

  • Кеңсе тауарларын жаппай сатып алу – 30 000 теңге.

  • Сананы дамытуға арналған ойындар мен ойыншықтар (шахмат, шашки, паззл және т.б) – 40 000 теңге.

  • Қызметкерлердің жалақысы – 4 қызметкер * 40 000 теңге = 160 000 теңге.

Барлығы: 390 000 теңге.

Болашақта спорттық жабдықтар сатып алып, оларды жалға беріп тұруға болады (коньки, шаңғы және т.б).



6.2. Табыс:

Орталықтың жұмыс тәртібі - 12.00-20.00 сағат, яғни күніне 8 сағат.

Сабақтар аптасына 3 рет 1-1,5 сағат өтеді, онда айына 12 рет. Үйірмелердің бір айға ақысы шамамен 5 000 – 6 000 теңге деп білгілеуге болады (аймаққа байланысты).

Айына клубқа 30-35 бала келсе, онда * 5 000 теңге = 150 000-175 000 теңге шығады.



7. Пайдалы сілтемелер:

http://www.drugdetstva.kz/news/detail/654

http://www.uchi.kz/blog/v-astane-otkrylis-novye-dvorovye-kluby-dlya-detei

Интернет арқылы іздеу. Сіз Интернет арқылы да осы тақырып бойынша көптеген материалдармен таныса аласыз. Ол үшін іздеуге арналған сайттар, мысалы www.google.kz, www.rambler.ru, www.yandex.ru сияқты жүйелерде «аулалық клуб ұйымдастыру» және т.б. кілт сөздерді теру керек.

84. Қолөнершілерге арналған дүкен ашу



1. Жалпы ақпарат. Тігуге арналған барлық заттары бар, айылбас, мулине, канва, схемалармен жабдықталған галантерея дүкені – кез келген қолөнершінің арманы. Қолөнершілерге арналған дүкен ашу бизнес үшін өте жақсы идея. Дағдарыс пен дағдарыстан кейінгі кезеңдерде мұндай тігуге арналған бұйымдар сататын дүкендер аса танымал және өте қажет.

Суық қысқы кештерде өз қолыңызбен тоқылған жемпір сізді және сіздің жақындарыңызға өте жақсы киім болады, сондай-ақ қолөнершілерге отбасы бюджетін үнемдеуге көмектеседі.



2. Ғимарат. Сату бөлімін ашу үшін алдымен ғимаратты жалға алуды қарастыру керек. Таңдау кезінде оның орналасу жеріне назар аударыңыз. Оның орталық аудандарда орналасуы маңызды емес, бастысы маңынан адамдар көп өтетіндей болуы керек. Мысалы, маңында көптеген тұрғын үй кешендері мен балалар мекемелері, оқу орындар орналасқан тыныш аудан болуы мүмкін. Бастапқы кезеңде жалпы алаңы 25-30 м² болатын ғимаратты, уақыт өткен соң көлемі үлкен аумақты жалға алуыңызға болады.

3. Құрал-жабдықтар. Сіздің тауарларыңызды сату үшін арнайы құралдар-жабдықтар қажет емес, тек сату орындары - сауда дүңгіршегі, стеллаждар қажет, қымбаттарын алу міндетті емес, пайдаланған, бірақ жақсы жағдайдағы, мысалы, 3 стеляж сатып алатын болсаңыз, оның құны шамамен 25 000-35 000 теңгені құрайды.

Содан кейін сізге сату үшін тауарлар алу керек. Алдымен жақын маңдағы сіздікіндей барлық дүкендерді аралап шығыңыз, нарықты зерттеңіз. Сөйтіп барып қана ассортимент құрып, көршіңізде жоқ тауарларды таңдауға тырысыңыз.

Содан соң міндетті түрде тиімді жарнама жасау қажет. Жарнаманы жергілікті газеттерге беру, хабарландырулар тарату клиенттерді тартуға көмектеседі.

4. Қызметкерлер. Қызметкерлерсіз жұмыс істеу мүмкін емес, сізге кем дегенде ауысып жұмыс істейтін екі сатушы қажет. Алғашқы уақытта сатушының бірі ретінде өзіңіз бола аласыз, ал екіншісін отбасы мүшелері арасынан таңдауға болады.

5. Өнімді өткізу. Бизнес маркетинг пен өткізу нарығының дұрыс жұмыс істеуі кезінде ғана пайда әкелетін болады. Алғашқы кезде жарнаманың маңызы, әрине, өте зор. Бірақ басты жарнама және табыс кепілі сіздің көрсететін қызметіңіз бен тауарларыңыздың сапасы болып табылады. Ассортимент дайындау кезінде тауар сапасына назар аударыңыз.

6. Болжамды есептеулер.

6.1. Шығыстар:

Шығыстар бөлігіне мыналар жатады:



  • ғимаратты жалға алу – орта есеппен 50 000 – 55 000 теңге;

  • сауда құрал-жабдықтарын сатып алу – орта есеппен 45 000 – 50 000 теңге;

  • тауар сатып алу (айылбас, тігуге арналған фурнитура, журналдар) – орта есеппен 80 000 – 120 000 теңге.

Тауарды көтерме бағамен сататындардан немесе тікелей өндірушілерден сатып алыңыз.

Барлығы: 180 000 – 225 000 теңге.



6.2. Табыс:

Тауарды сату мен табыс табу кезінде тауардың өзіндік құны мен сату бағасы арасындағы айырмашылықты барынша азайтқан жөн. Қалыпты әрі қолжетімді бағалар тауар айналымын жылдамдатады, ал бұл өз кезегінде сізге қомақты табыс әкелетін болады.

Мысалы, ресейлік айылбастың жергілікті көтерме саудагерлердегі өзіндің құны орта есеппен 110-220 теңге болса, оның сатылым бағасы – 350-450 теңге. Мұндай баға сізді де, сіздің клиенттеріңізді де қанағаттандырады, сәйкесінше клиенттердің тұрақты сұранысын қалыптастырады, ал бұл өз кезегінде сіздің табысыңызды қамтамасыз етеді. Көлемді ақшалай салымдарды қажет етпейтінін ескерсек, қолөнершілерге арналған тауарларды сату бизнесі табысты және тиімді болып табылады.

7. Пайдалы сілтемелер:

http://club.osinka.ru/topic-7678?start=225

http://www.azbukafinansov.ru/articles/index.php?article=162

http://tvoibuziness.ru/content/biznes-na-rukodelii

Интернет арқылы іздеу. Сіз Интернет арқылы да осы тақырып бойынша көптеген материалдармен таныса аласыз. Ол үшін іздеуге арналған сайттар, мысалы www.google.kz, www.rambler.ru, www.yandex.ru сияқты жүйелерде «қолөнер бұйымдары» және т.б. кілт сөздерді теру керек.



1   ...   40   41   42   43   44   45   46   47   ...   53


©netref.ru 2017
әкімшілігінің қараңыз

    Басты бет