Бекітемін: Шығыс Қазақстан облысының әкімі Д. Ахметов 2015 жыл



жүктеу 55.75 Kb.
Дата28.04.2016
өлшемі55.75 Kb.
БЕКІТЕМІН:

Шығыс Қазақстан облысының әкімі

______ _____ Д. Ахметов

«_ __»____ 2015 жыл

«Туған ел - алтын бесігім» атты

Шығыс Қазақстан облысы аудан мен қалаларының

мәдени күндеріне арналған акция ережесі
«Туған ел - алтын бесігім» акциясы Қазақстан халқы Ассамблеясының 20 жылдығын мерекелеу аясында өтеді.
Мақсаттары мен міндеттері


  • Шығыс Қазақстан облысы өнер шеберлерінің шығармашылығы мен жетістіктерін облыс жұртшылығына кеңінен таныстыру.

  • Қазіргі заманның талабына сай, қазақстандық патриотизмді, халықтар достығы мен салауатты өмір салтын дамытуға ықпал ететін іс-шаралардың мазмұны мен идеялық-көркемдік деңгейін көтеру.

  • Барлық санаттағы мен топтардағы тұрғындарды көркемөнерпаздар шығармашылығына қатысуға тарту.

  • Жаңа шығармашыл ұжымдар құру және олардың орындаушылық шеберлігін арттыру.

  • Көркемөнерпаздар шығармашылығының барлық жанрлары мен түрлерін дамыту.

  • Дарынды жас таланттарды іріктеп, халықаралық, республикалық деңгейдегі фестиваль конкурстарға қатысуға қолдау көрсету.

  • Шығыс өңірінен шыққан атақты азаматтарды (әншілер, жазушылар, іскер азаматтар) халықпен қауыштырып, олардың шығармашылығын жұртшылық арасында кеңінен танымал ету.

  • Өткізіліп отырған «Туған ел - алтын бесігім» атты аудан мен қалалар мәдени күндерінің акциясы көркемөнерпаздар ұжымдарын осы заманғы бәсекелестік ортаға бейімдеу, көрермендердің сұраныстарын қанағаттандыру міндеттерін алға тартып отыр.


Акция шарттары мен өткізілу тәртібі
Облыстан құрылғын сарапшылармен қатар, әр аудан өздерінің сарапшыларын тағайындап, өнер көрсеткен ауданның әншілері мен бишілеріне халықтың таңдауымен, жұртшылық атынан өз сый-сияпаттарын да көрсете алады (мәселен, дипломдар, әр түрлі халықтық номинациялар бойынша сыйлықтар, яғни аталмыш мәдени шаралар шын мәнінде жұртшылықпен тығыз байланыста өткізілуі тиіс).

  • Мәдени күндерге арналған концерттік бағдарламаға облыс қалалары мен аудандарының барлық көркемөнерпаздар ұжымдары қатыса алады. Байқауға қатысатындардың басым көпшілігі 16-30 жас аралығындағы жастар болуы тиіс.

  • Концерттік бағдарлама аудан немесе қаланың тарихының, мәдениетінің ерекшеліктерін айшықтайтын, белгілі бір тақырыпқа бағытталған жиынтық жанрлар бойынша көрсетіледі.

  • Мәдени күндер акциясында жоғарғы деңгейде өнер көрсеткен облыстың өнер ұжымдары ақпарат беттерінде, облыстық, республикалық телехабарларға шығарылады.

  • Қала мен аудандардың үздік өнер ұжымдары туралы, өнеркәсіптегі жетістіктері туралы, аудандардың өсіп-өркендеуі туралы деректі телефильм түсіріліп, облыстық және республикалық телеарналарда көрсетіледі.

  • Облыстың бұқаралық ақпарат құралдарында өнер қайраткерлері, үлкен жетістіктерге жеткен алдыңғы қатарлы кәсіпкерлер, шаруа қожалықтары туралы айдарлар шығарылады.

Акцияның өту барысында ауыл шаруашылық жәрмеңкесі қамтылуы қажет.

Облыстық ауыл шаруашылық басқармасымен келісе отыра, тұрғындарды өңірдің арзан бағалы өнімдерімен қамтамасыз етілуі тиіс. Жәрмеңкеде сатылатын өнім әр аудан мен қаланың ауыл шаруашылық тауар өндірушілерінің қатысуымен өтуі тиіс. Бақылау облыстық ауыл шаруашылық басқармасы тарапынан қадағаланады.



  • Мәдени күндер акциясы барысында көркемөнер жанрлары бойынша қазақ ұлт аспаптар оркестрі, ансамбльдер (аспапты, вокалды, вокалды эстрадалық, жанұялық, фольклорлық), хор, би ұжымдары өз өнерлерін көрсетеді.

  • Мәдени күндер аясында концерттік бағдарламамен қатар әр аудан мен қалалардың қолданбалы өнер көрмесі ұйымдастырылады.

  • Концерт барысында сахна мәдениетінің сақталуына зор мән берілуі керек.

  • Концерт Қазақстан-Өскемен, Қазақстан-Семей, ТВ-6 телеарналарында көрсетіледі, егер бағдарлама сапалы әрі қызықты болса, жылжымалы телевизиялық станциясы түсірген мәдени шара “Хабар”, “Қазақстан” телеарналарына ұсынылады.


«Туған ел - алтын бесігім» атты аудан мен қалалардың мәдени күндері аясындағы көркемөнерпаздар ұжымдарының жеңімпаздарын марапаттау

және қорытындысын шығару
Сарапшылар алқасы ұйымдастыру комитетінің, облыстық мемлекеттік органдардың, бұқаралық ақпарат құралдарының өкілдерінен және білікті мамандардан құралған.

Қорытынды шығару кезінде қазылар төмендегі критерийлерді ескереді:



  • жанрдың әртүрлілігін (фольклор, музыка, театр, хореография, вокал), бағдарламада жеке орындаушылармен бірге көркемөнерпаздар шығармашылығының үлкен және кіші формаларының (хор, вокалдық топтар, ән-би ансамбльдері, үрмелі және ұлттық аспаптар оркестрі, симфониялық оркестр, драмалық ұжымдар және т.б.) көріністерін;

  • концерттің бірегей көркемдік ойын (орындаушылық шеберлік, репертуардың жан- жақтылығы, сахна мәдениеті, көркемдік безендіру, сахналық желісі).

Акция мамыр айында басталып, қыркүйек айында аяқталады, қорытынды шара 1 желтоқсан – ҚР Тұңғыш Президент күні «Туған ел - алтын бесігім» мәдени күндер акциясының Гала-концерті өтеді, ең таңдаулы ұжымдар, жеке орындаушылар облыс әкімінің мақтау қағазымен, бағалы сыйлықтармен марапатталып, Алматы, Астана қалаларында өтетін Шығыс Қазақстан облысы күндерінің мәдени шарасына қатысуға жолдама алады.

Ереженің міндеттері мен талаптарының орындалуы ескеріледі.


Ұйымдастыру мәселесі
Акция қорытындылары бойынша ең үздік баға алған аудандар, келесі жылғы акцияға қатысып өз өнерлерін көрнекті үлгі ретінде көрсете алады. Мәдени күндер акциясына қатысушылардың барлық ұйымдастыру мәселелерін, яғни екі аудан бір бірімен бірлескен шараның өту барысы туралы келісім, Мәдениет үйін, автосахнаны жалға алу, әртістерді орналастыру, т.с.с. акцияға байланысты мәселелерді қатысатын аудан мен қалалар өздері шешеді. Мәдени күндері акциясы қарсаңындағы әр дүйсенбіде баспасөз конферециясын өткізу аудан мен қалаларға жүктеледі.

Қосымша ақпаратты 700066, 740767 телефондары арқылы алуға болады.




ШҚО мәдениет, мұрағаттар

және құжаттама басқармасы

басшысының м.а. Р. Қайырсынов

ШҚО ауыл шаруашылығы

басқармасының басшысы Д. Селиханов


«Туған ел алтын бесігім» акциясының комиссия мүшелері




Аты-жөні

Лауазымдары

1

Қажиков Бекболат Құниязұлы

Өскемен қ. Мемлекеттік филармониясының директоры


2

Дюсупова Әлмира Оралбекқызы

ШҚО ағайынды Абдуллиндер атындағы музыка училищесінің директоры


3

Азаматов Адай Зейнолдаұлы

Семей қаласындағы облыстық Ә.Қашаубаев атындағы мемлекеттік филармониясының директоры


4

Шамшиева Нұрсағила Серікбайқызы


«Өрлеу» КМҚК бөлім меңгерушісі

5

Рысханов Шалқар Рысханұлы

ШҚО ағайынды Абдуллиндер атындағы музыка училищесінің оқытушысы.



©netref.ru 2016
әкімшілігінің қараңыз

    Басты бет