Халықаралық саудадағы жекелеген қауiптi химиялық заттар мен пестицидтерге қатысты алдын ала негiзделген келiсiм рәсiмi туралы Роттердам конвенциясын ратификациялау туралы



жүктеу 361.86 Kb.
бет1/3
Дата18.04.2016
өлшемі361.86 Kb.
  1   2   3
Халықаралық саудадағы жекелеген қауiптi химиялық заттар мен пестицидтерге қатысты алдын ала негiзделген келiсiм рәсiмi туралы Роттердам конвенциясын ратификациялау туралы

Қазақстан Республикасының 2007 жылғы 20 наурыздағы N 239 Заңы


Қазақстан Республикасы Парламентiнiң Жаршысы, 2007 ж., N 5-6, 39-құжат; "Егемен Қазақстан" 2007 жылғы 26 наурыз N 76

      Роттердамда 1998 жылғы 10 қыркүйекте қол қойылған Халықаралық саудадағы жекелеген қауiптi химиялық заттар мен пестицидтерге қатысты алдын ала негiзделген келiсiм рәсiмi туралы Роттердам конвенциясы ратификациялансын.

       Қазақстан Республикасының
      Президентi

ХАЛЫҚАРАЛЫҚ САУДАДАҒЫ ЖЕКЕЛЕГЕН ҚАУIПТI ХИМИЯЛЫҚ


ЗАТТАР МЕН ПЕСТИЦИДТЕРГЕ ҚАТЫСТЫ АЛДЫН АЛА НЕГIЗДЕЛГЕН
КЕЛIСIМ РӘСIМI ТУРАЛЫ РОТТЕРДАМ КОНВЕНЦИЯСЫ

Осы Конвенцияның Тараптары

      халықаралық саудадағы жеке қауiптi химиялық заттар мен пестицидтердiң денсаулыққа және қоршаған ортаға зиянды әсерiн етуiн  сезiне отырып.

      "уытты және қауiптi өнiмдердiң заңсыз халықаралық айналымының алдын алуды қоса алғанда, уытты химиялық заттарды пайдалануды экологиялық қауiпсiз басқаруға қатысты қоршаған орта және оны дамыту жөнiндегi Рио-де-Жанейро декларациясының тиiстi ережелерiне және XXI ғасырға арналған Күн тәртiбiнiң 19-тарауына  сүйене отырып.

      ЮНЕП халықаралық саудадағы, сондай-ақ ФАО пестицидтерiн орналастыру және пайдалану саласындағы Халықаралық тәртiп кодексiндегi (төменде»Халықаралық тәртiп деп аталатын) химиялық заттар туралы ақпараттар алмасудың өзгерген Лондондық басшылық принциптерiнде (төменде»өзгертiлген Лондондық басшылық принциптерi» деп аталатын) қамтылған алдын ала негiзделген келiсiмнiң ерiктi рәсiмiн қолдану жөнiндегi Бiрiккен Ұлттар Ұйымының Қоршаған орта жөнiндегi Бағдарламасы (ЮНЕП) мен Бiрiккен Ұлттардың Азық-түлiк және ауыл шаруашылығы ұйымының (ФАО) атқарған жұмыстарын  ескере отырып.

      дамушы елдердiң және өтпелi экономикасы бар елдердiң жағдайлары мен ерекше қажеттiлiктерiн, әсiресе Тараптар арасындағы ынтымақтастыққа технологияны берудi, қаржылай және техникалық көмекпен қамтамасыз етудi қоса алғанда, химиялық заттарды тиiмдi пайдалану саласындағы ұлттық мүмкiндiктер мен әлеуеттi күшейту қажеттiлiгiн  назарға ала отырып,

      транзиттiк тасымалдар туралы ақпаратқа кейбiр елдердiң ерекше қажеттiлiктерiн  ескере отырып.

      Халықаралық тәртiп кодексiнде және ЮНЕП химиялық заттарымен халықаралық сауда саласындағы Этика кодексiнде жазылған ерiктi стандарттарды ескере отырып, барлық елдерде химиялық заттарды ұтымды пайдалану тәжiрибесiн таратуға жәрдемдесу қажеттiлiгiн  мойындай отырып,

      солардың аумағынан экспортталатын қауiптi химиялық заттардың өзгертiлген Лондондық басшылық принциптерi мен Халықаралық тәртiп кодексi принциптерiне сәйкес келетiн, адам денсаулығы мен қоршаған ортаны сенiмдi қорғауды қамтамасыз ететiн әдiспен оралуын және таңбалауды қамтамасыз етiлуiн  қалай отырып.

      орнықты дамуға жету мақсаттарында сауда және қоршаған орта саласындағы қызметтiң негiзгi бағыттары өзара толықтырулар болуы тиiстi екенiн  мақұлдай отырып ,

      осы Конвенцияның бiрде-бiр ережесiнiң халықаралық саудадағы немесе қоршаған ортаны қорғаудағы химиялық заттарға қатысты қолданылатын кез-келген халықаралық келiсiм шеңберiндегi кез-келген Тараптың құқықтары мен мiндеттерiнiң қандай да бiр өзгерiсiн бiлдiрушi ретiнде түсiнiк бермейтiндiгiн  көрсете отырып,

      жоғарыда жазылған белгiлi бiр бөлiктiң осы Конвенция мен басқа халықаралық келiсiмдер арасында иерархияны белгiлемейтiнiн  түсiне отырып.

      халықаралық саудада жекелеген химиялық заттар мен пестицидтердiң әлеуеттi зиянды әсер етуiнен адам денсаулығын, оның iшiнде тұтынушылар мен жұмыскерлердiң денсаулығын және қоршаған ортаны қорғауды қамтамасыз ету жөнiнде нақты шешiм  қабылдай отырып.

      ТӨМЕНДЕГIЛЕР ТУРАЛЫ УАҒДАЛАСТЫ:

  1-бап


Мақсат

      Осы Конвенцияның мақсаты - олардың қасиеттерi туралы ақпаратпен алмасуды жеңiлдету жолымен оларды экологиялық негiзделген пайдалануға әлеуеттi зиянды әсер етуден және бiрлесе әрекет етуден, олардың импорты мен экспортына қатысты шешiмдердi қабылдау процесiнiң ұлттық деңгейiнде жүзеге асыру туралы ережелердi бекiтуден және Тараптар арасында осы шешiмдердi таратудан адам денсаулығы мен қоршаған ортаны қорғау үшiн халықаралық саудадағы жекелеген қауiптi химиялық заттарға Тараптардың ортақ жауапкершiлiгiн және бiрлескен күш-жiгерiн қамтамасыз етуге ықпал ету.

  2-бап
Анықтамалар

      а)»"химиялық заттар" өз бетiмен немесе препараттың қоспасында немесе құрамында болатын және өндiрiстiк әдiспен дайындалған немесе табиғи жолмен алынған, бiрақ құрамында ешқандай тiрi организмдер болмайтын заттарды бiлдiредi. Бұл термин мынадай санаттарды: пестицидтер (аса қауiптi пестицидтер құрамдарын қоса алғанда) мен өндiрiстiк химикаттарды қамтиды;


      b)»"тыйым салынған химиялық заттар" химиялық затты бiлдiредi, бiр немесе бiрнеше санат шеңберiнде адам денсаулығын немесе қоршаған ортаны қорғау мақсатында соңғы регламенттеушi қаулымен тыйым салынған қолданудың барлық түрi. Бұған бiрiншi рет пайдалануға рұқсат берiлмеген немесе өндiрiстен не елдiң iшiндегi саудадан не осы елде олардың сатылуына рұқсат құралын одан әрi қарау процесiнен шыққан химиялық заттар енедi, сонымен бiрге осындай шаралардың адам денсаулығын немесе қоршаған ортаны қорғау мақсатында қабылданғанына айқын куә болады;
      с)»"қатаң шектелген химиялық заттар" химиялық затты бiлдiредi, бiр немесе бiрнеше санат шеңберiнде адам денсаулығын немесе қоршаған ортаны қорғау мақсатында соңғы регламенттеушi қаулымен тыйым салынған шын мәнiндегi кез-келген пайдалану, бiрақ қолданудың жеке де нақты түрлерiне қатысты рұқсат етiледi. Бұған бiрiншi рет пайдалануға рұқсат берiлмеген немесе өндiрiстен не елдiң iшiндегi саудадан не осы елде олардың сатылуына рұқсат құралын бұдан арғы қарау процесiнен шығарылған химиялық заттар енедi, сонымен бiрге, осындай шаралардың адам денсаулығын немесе қоршаған ортаны қорғау мақсатында қабылданғанына айқын куә болады;
      d) "аса қауiптi пестицид құрамы" пайдалану жағдайында бiр немесе бiрнеше рет әсер етуден кейiнгi уақыттың қысқа кезеңiнiң iшiнде байқалған адам денсаулығына немесе қоршаған орта үшiн елеулi салдар туғызатын пестицид ретiнде пайдалану үшiн алынған химиялық затты бiлдiредi;
      е)»"соңғы регламенттеушi қаулы" мақсаты химиялық заттарға тыйым салумен немесе қатаң шектеумен аяқталатын бұдан кейiнгi регламенттеушi қаулыны талап етпейтiн Тараптың шығарғанын бiлдiредi;
      f)»"экспорт" және»"импорт" олардың тиiстi мағынасының шеңберiндегi транзиттiк операцияларды алып тастағанда, бiр Тараптан басқа Тарапқа химиялық заттардың ауысуы;
      g)»"Тарап" осы Конвенцияның мiндеттерiмен байланысты болатын немесе осы Конвенция күшiне енген мемлекеттi немесе экономикалық ықпалдастықтың өңiрлiк ұйымын бiлдiредi;
      h)»"экономикалық ықпалдастықтың өңiрлiк ұйымы" қандай да бiр өңiрдiң егемен мемлекеттерiмен құрылған оның мүше мемлекеттерiне осы Конвенциямен реттелетiн мәселелермен айналысу тапсырылған және осы Конвенцияға қол қою, ратификациялау, қабылдау және мақұлдау немесе оған қосылу өздерiнiң iшкi рәсiмдерiмен сәйкес тиiсiнше уәкiлдiк берiлген ұйымды бiлдiредi.
      i) "Химиялық заттарды қарау жөнiндегi комитет" 18-баптың 6-тармағында айтылған көмекшi органды бiлдiредi.

  3-бап


Конвенцияның қолданылу аясы

      1. Осы Конвенция қатынаста қолданылады:


      а) тыйым салынған немесе қатаң шектелген химиялық заттарға; және
      b) аса қауiптi пестицидтер құрамына қатысты қолданылады.
      2. Осы Конвенция қатынаста қолданылмайды:
      а)есiрткi құралдары мен психотроптық заттарға;
      b) радиоактивтi материалдарға;
      с) қалдықтарға;
      d)   химиялық қаруларға;
      е) адамдарға арналған дәрiлер мен мал дәрiлерi құралдарын қоса алғанда, фармацевтiк препараттарға;
      f) тамақ қосымшалары ретiнде пайдаланылатын химиялық заттарға;
      g)   саудаға;
      h) олар импортталған жағдайда, адам денсаулығына немесе қоршаған ортаға қолайсыз әсер ете қоймайтын көлемдегi химиялық заттарға,
      i) зерттеулер немесе талдау жүргiзу мақсаттары үшiн; немесе
      ii) дұрыс пайдаланудың осындай түрi үшiн, жеке тұлғалармен пайдалануға арналған жекеленген сандық қолданысы үшiн.

  4-бап


Тағайындалған ұлттық органдар

      1. Әрбiр Тарап осы Конвенциямен қарастырылған әкiмшiлiктiк қызметтердi орындау барысында өзiнiң атынан қатысатын бiр немесе бiрнеше ұлттық органдарды тағайындайды.


      2. Әрбiр Тарап осындай органның немесе органдардың өз мiндеттерiн тиiмдi орындауы үшiн жеткiлiктi ресурстарды игерудi қамтамасыз етуге ұмтылады.
      3. Әрбiр Тарап осы Конвенцияның ол үшiн күшiне енген күнiнен кешiктiрмей хатшылыққа осындай органның немесе органдардың мекен-жайын хабардар етедi. Ол осындай органның немесе органдардың атауларына немесе мекен-жайларына қатысты кез-келген өзгерiстер туралы хатшылыққа хабардар етедi.
      4. Хатшылық Тараптарға 3-тармаққа сәйкес алынған хабарламалар туралы кешiктiрместен ақпарат бередi.

  5-бап


Тыйым салынған немесе қатаң шектелген химиялық заттарға қатысты рәсiмдер

      1. Соңғы регламенттеушi қаулы қабылдаған әрбiр Тарап хатшылыққа осындай қаулы туралы хабарламаны жазбаша түрде жiбередi. Осындай хабарлама мүмкiндiгiнше тезiрек жiберiледi және кез-келген жағдайда соңғы регламенттеушi қаулы күшiне енген күнiнен кейiн тоқсан күннен кешiктiрмеу керек және егер бар болса,  I-қосымшаға  сәйкес талап етiлетiн ақпаратты қамтиды.


      2. Өзгерген Лондондық басшылық принциптерiне немесе Халықаралық тәртiп кодексiне сәйкес осындай хабарламаларды қайта ұсынбауы тиiс соңғы регламенттеушi қаулылар туралы хабарламалар ұсынған барлық Тараптарды қоспағанда, әрбiр Тарап осы Конвенция ол үшiн күшiне енген күнiнен бастап хатшылыққа осы уақыттағы қолданыстағы соңғы регламенттеушi қаулылар туралы жазбаша түрде хабардар етедi.
      3. Хатшылық 1 және 2-тармақтарға сәйкес хабарламаларды алғаннан кейiн алты айдан кешiктiрмей тезiрек және кез-келген жағдайда хабарламада  I-қосымшаға  сәйкес талап етiлетiн ақпараттың бар болуын анықтайды. Егер, хабарламада қажеттi ақпарат болса, хатшылық барлық Тараптарға кешiктiрместен алынған ақпараттың резюмесiн жiбередi. Егер хабарламада талап етiлген ақпарат жоқ болған жағдайда, хабардар ететiн Тарапқа тиiстi түрде хабарлайды.
      4. Хатшылық Тараптарға әр алты ай сайын 1 және 2-тармақтарға сәйкес алынған ақпаратқа  I-қосымшаға  сәйкес талап етiлген сол хабарландыруларға қатысты толық баяндалмаған ақпараттарды қоса алғанда, қысқаша шолуды жiбередi.
      5. Хатшылық тексерiске  I-қосымшаның  талаптарын қанағаттандыратын тексерiске сәйкес нақты химиялық заттарға қатысты алдын ала негiзделген келiсiм рәсiмiне қолданылатын әрбiр екi өңiрден кем дегенде бiр хабарлама алғаннан кейiн оларды Химиялық заттарды қарау жөнiндегi комитетке жiбередi. Тараптар Конференциясының бiрiншi мәжiлiсiнде алдын ала негiзделген келiсудiң рәсiмiмен қамтылып отырылғандардың өңiрлер құрамы
пәтуасымен қабылданатын шешiмiнде анықталады.
      6. Химиялық заттарды қарау жөнiндегi комитет осындай хабарламалар шеңберiнде ұсынылған және  II-қосымшада  жазылған өлшемдерге сәйкес ақпараттарға шолу жасайды және Тараптар Конференциясы қаралатын химиялық заттардың алдын ала негiзделген келiсiмнiң рәсiмiне түсуi және тиiсiнше  III-қосымшаға  қосылуының тиiстiгi туралы ұсыным шығарады.

  6-бап


Аса қауiптi пестицидтер құрамдарына қатысты рәсiмдер

      1. Дамушы ел немесе өтпелi экономикасы бар ел және оның аумағында оны пайдалану шарттары кезiнде қандай да бiр аса қауiптi пестицидтер құрамынан пайда болатын проблемаларды бастан өткiзiп отырған кез-келген Тарап хатшылыққа осы қауiптi құрамды  III-қосымшаға  қосуды ұсына алады. Тарап ұсынысты дайындау кезiнде кез-келген тиiстi деректерден техникалық сараптамалық деректерге сүйене алады. Бұл ұсыныста  IҮ-қосымшаның  1-бөлiгiнде қарастырылған қажеттi ақпарат болуы тиiс.


      2. Хатшылық неғұрлым тезiрек, бiрақ 1-тармақта қарастырылған ұсынысты алғаннан кейiн алты айдан кешiктiрмей кез-келген жағдайда, ондағы  IҮ-қосымшаның  1-бөлiгiне сәйкес талап етiлген ақпараттың бар болуын тексередi. Егер, ұсыныста талап етiлген ақпарат бар болса, хатшылық барлық Тараптарға алынған ақпараттың резюмесiн кешiктiрместен жiбередi. Егер, осындай ақпарат ұсыныста жоқ болса, ол ұсынып отырған Тарапқа бұл туралы ақпарат бередi.
      3. Хатшылық, 2-тармаққа сәйкес бағытталған ұсынысқа қатысты
IҮ-қосымшаның  2-бөлiгiнде белгiленген қосымша ақпаратты жинайды.
      4. Нақты аса қауiптi пестицидтер құрамына қатысты жоғарыдағы талаптар 2 және 3-тармақтарда қарастырылғаннан кейiн орындалған соң, хатшылық Химиялық заттарды қарастыру жөнiндегi комитетке ұсыныс пен тиiстi ақпаратты жiбередi.
      5. Химиялық заттарды қарастыру жөнiндегi комитет ұсыныста бар ақпаратты және жиналған қосымша ақпаратты қарайды және  IҮ-қосымшаның  3-бөлiгiнде анықталған өлшемдерге сәйкес Тараптар Конференциясына алдын ала негiзделген келiсiмдер шеңберiнде және  III-қосымшаға  сәйкес осы аса қауiптi пестицидтер құрамын қосу қажеттiлiгiне қатыстығы туралы ұсыным шығарады.

  7-бап


Химиялық заттарды III-қосымшаға қосу

      1. Химиялық заттарды қарастыру жөнiндегi комитет  III-қосымшаға  қосу үшiн ұсынуға қаулы шығарған, әрбiр химиялық заттарға қатысты шешiм қабылдауға жәрдемдесуге арналған құжаттың жобасын дайындайды. Шешiм қабылдауға жәрдемдесуге арналған құжат  I-қосымшада  көрсетiлген ақпаратқа немесе  IҮ-қосымшадағы  жағдаяттарға байланысты негiзделуi және соңғы регламенттеушi қаулы қолданылатын санаттан өзге қандай да бiр санаттағы химиялық заттарды пайдалану түрлерi туралы ақпаратты қосуы тиiс.


      2. Тараптар Конференциясына 1-тармақта ескерiлген ұсыныс және шешiм қабылдауға жәрдемдесуге арналған құжаттың жобасы жiберiледi. Тараптар Конференциясы осы химиялық заттардың алдын ала негiзделген келiсiмдер рәсiмiнде қамтылуы тиiстiгiне және тиiсiнше 
III-қосымшаға  қосылуына қатысты шешiм шығарады және шешiм қабылдауға жәрдемдесуге арналған құжаттың жобасын бекiтедi.
      3. Тараптар Конференциясы химиялық заттарды  III-қосымшаға  қосу туралы шешiм қабылдағанда және шешiм қабылдауға жәрдемдесуге арналған тиiстi құжат бекiткенде, хатшылық барлық Тараптар арасында осы ақпаратты кешiктiрместен таратады.

  8-бап


Алдын ала негiзделген келiсiмнiң ерiктi рәсiмiнде қамтылған химиялық заттар

      Тараптар Конференциясының алғашқы мәжiлiсiн өткiзудi бастауға дейiн алдын ала негiзделген келiсiмнiң ерiктi рәсiмiнде қамтылған  III-қосымшада  көрiнетiн химиялық заттардан өзге кез-келген химиялық заттарға қатысты Тараптар Конференциясы бұл мәжiлiсте тап осы қосымшаға химиялық заттарды қосу туралы барлық талаптар орындалды деп сенген жағдайда оны  III-қосымшаға  қосу туралы шешiм қабылдайды.

  9-бап
Химиялық заттарды III-қосымшадан алу

      1. Егер, Тараптар хатшылыққа  III-қосымшаға  сол немесе өзге химиялық заттарды қосу туралы шешiм қабылдау уақыты кезiнде болмаған ақпаратты ұсынса және осы ақпараттың оны қосу  II-қосымшадағы  өлшемдерге сәйкес немесе  IҮ-қосымшадағы  жағдайларға байланысты негiзделген болып саналмайды, хатшылық осы ақпаратты Химиялық заттарды қарау жөнiндегi комитетке жiбередi.


      2. Химиялық заттарды қарау жөнiндегi комитет 1-тармаққа сәйкес алатын ақпаратқа шолу жасайды. Химиялық заттарды қарау жөнiндегi комитет  II-қосымшадағы  тиiстi өлшемдерге сәйкес шешiм қабылдайды немесе  IҮ-қосымшадағы  жағдайларға байланысты 
III-қосымшадан  оны қайтып алу ұсыным беруге тиiстi шешiм қабылдауға қатысты әрбiр химиялық зат бойынша шешiм қабылдауға жәрдемдесуге арналған құжаттың қайта қаралатын жобасын дайындайды.
      3. 2-тармақта айтып өтiлген кепiлдеме Тараптар Конференциясына жiберiледi және шешiм қабылдауға жәрдемдесуге арналған құжаттың қайта қаралатын жобасымен үлестiрiледi. Тараптар Конференциясы осы химиялық заттарды III-қосымшадан қайта алу және шешiм қабылдауға жәрдемдесуге арналған құжаттың қайта қаралатын жобасын мақұлдау керек екенi туралы шешiм қабылдайды.
      4. Тараптар Конференциясы III-қосымшадан химиялық заттарды алу туралы шешiм қабылдағаннан және шешiм қабылдауға жәрдемдесуге арналған қайта қаралатын құжатты мақұлдағаннан кейiн хатшылық осы ақпаратты барлық Тараптарға кешiктiрместен жiбередi.

  10-бап


III-қосымшаға қосылған химиялық заттардың импортына қатысты
мiндеттемелер

      1. Әрбiр Тарап  III-қосымшаға  қосылған химиялық заттардың импортына қатысты уақытылы шешiмдер қабылдауды қамтамасыз ету үшiн заңнамалық және әкiмшiлiктiк шараларды жүзеге асырады.


      2. Әрбiр Тарап хатшылыққа осы химиялық заттардың болашақтағы импортын жүзеге асыруға қатысты жауапты мүмкiндiгiнше тезiрек, бiрақ кез-келген жағдайда 7-баптың 3-тармағында ескерiлген шешiмдi қабылдауға жәрдемдесуге арналған құжатты жiберген күнiнен кейiн тоғыз айдан кешiктiрмей жiбередi. Егер, Тараптар жауапқа өзгерiстер енгiзетiн болса, ол хатшылыққа қайта қаралған жауапты ұсынады.
      3. Хатшылық 2-тармақта анықталған кезең бiткеннен кейiн осындай жауап ұсынбаған Тарапқа осыны жасау керектiгi туралы 
жазбаша түрде кешiктiрместен жiбередi. Егер, Тарап жауап жiбере алмаса, хатшылық тиiстi жағдайларда оған 11-баптың 2-тармағындағы соңғы ұсыныста көрсетiлген мерзiмде жауап ұсынуға жәрдемдеседi.
      4. 2-тармақта қарастырылған жауап мынадай нысандардың бiрiнде ұсынылады:
      а) заңнамалық немесе әкiмшiлiктiк шараларды атқаруға қабылданған соңғы шешiм:
      i) импортқа рұқсат беру
      ii) импортқа рұқсат бермеу немесе
      iii) тек нақты жағдайларда ғана импортқа рұқсат беру; немесе
      b) қоса алатын аралық жауап:
      i) нақты шарттарда немесе өзге жағдайларға рұқсат етiлген импорт немесе аралық кезең iшiнде рұқсат етiлмеген импортты;
      ii) соңғы шешiмнiң қызу талқылау үстiнде екендiгi туралы өтiнiштi;
      iii) хатшылықтың немесе Тараптың атына жiберiлген соңғы регламенттеушi қаулы туралы хабарлама беретiн қосымша ақпарат ұсыну туралы өтiнiштi;
      iv) хатшылыққа химиялық заттарға бағалау жүргiзуде жәрдемдесу туралы өтiнiшi
      5. 4-тармақтың а) немесе b) тармақшаларында келтiрiлген жауаптар III-қосымшаға қосылған химиялық заттарға қатысты белгiленген санатқа немесе санаттарға жатады.
      6. Соңғы шешiм негiзделген кез-келген заңнамалық немесе әкiмшiлiк шаралардың мазмұндамасы үлестiрiлуi тиiс.
      7. Әрбiр Тарап осы Конвенцияның өз күшiне ену күнiнен кешiктiрмей хатшылыққа  III-қосымшаға  қосылған әрбiр химиялық заттарға қатысты жауаптарды жiбередi. Өзгерген Лондондық басшылық принциптерiне немесе Халықаралық тәртiп кодексiне сәйкес осындай жауаптарды ұсынған Тарап осындай жауаптарды қайта ұсынбауы тиiс.
      8. Әрбiр Тарап өздерiнiң заңнамалық немесе әкiмшiлiк шараларымен өз жауаптарын қазiргi баптың ережелерiне сәйкес оның юрисдикциясына түсiп қалғандардың, мүдделес тұлғалардың назарына жеткiзедi.
      9. Тарап жоғарыдағы 2 және 4-тармақтарға және 11-баптың 2-тармағына сәйкес сол немесе өзге химиялық заттардың импортына рұқсат бермеу немесе тек белгiлi жағдайларда импортқа рұқсат беру шешiмiн қабылдайды, егер, ол мұны жасамаса, бiр мезгiлде тиым салады немесе ұқсас шарттарды орнатады:
      а) кез-келген көзден осы химиялық заттардың импортына арналған; және
      b) оның iшкi пайдалануға арналған отандық өндiрiсiне қатысты жағдайларға тыйым салады немесе бекiтедi.
      10. Хатшылық алты айда бiр рет барлық Тараптарға олардан алынған жауаптар туралы ақпарат бередi. Бұл ақпарат, егер, осындай мәлiметтер бар болатын болса, негiзделген шешiмдер заңнамалық немесе әкiмшiлiк шаралар туралы мәлiметтердi қосылады. Сонымен қатар, хатшылық Тараптарға жауап ұсынбаудың кез-келген жағдайы туралы ақпарат бередi.

  11-бап


III-қосымшаға қосылған химиялық заттардың экспортына қатысты мiндеттер 

      1. Әрбiр экспорттаушы Тарап:


      а) 10-баптың 10-тармағына сәйкес хатшылықпен жiберiлген жауаптар туралы оның юрисдикциясына түсiп қалған мүдделес субъектiлердiң хабарламасына арналған тиiстi заңнамалық немесе әкiмшiлiк шараларды жүзеге асырады;
      b) 10-баптың 10-тармағына сәйкес осындай жауап туралы хатшылық Тараптарға алғаш рет ақпарат бергенде, оның юрисдикциясына түсiп қалған экспорттаушылар осындай әрбiр жауаптарда болатын шешiмдерiн орындау үшiн сол мерзiмнен кейiн алты айдан кешiктiрмей тиiстi заңнамалық немесе әкiмшiлiктiк шараларды қамтамасыз ету үшiн қабылдайды;
      с) импорттаушы Тараптарға олардың өтiнiшi және тиiстi үлгi бойынша консультативтiк қызмет пен жәрдем көрсетедi:
      i) 10-баптың 4-тармағына және 2 с) тармағына сәйкес шешiм қабылдауда жәрдемдескен Тараптарға қосымша ақпарат алуға; төмендегi және
      ii) химиялық заттарды қауiпсiз реттеу саласындағы олардың жарамдылығының мерзiмi iшiнде олардың мүмкiндiгiн және әлеуетiн кеңейту.
      2. Әрбiр Тарап III-қосымшада көрсетiлген химиялық заттар оның аумағынан кез-келген импорттаушы Тарапқа экспортталмауы үшiн ерекше жағдайлар күшiнде жауап жiбермеу үшiн немесе алдын ала шешiмi болмайтын аралық жауап жiберудi қамтамасыз етедi, мынадай жағдайлардан басқа:
      а) бұл-импорттық жеткiзудi жүзеге асыру уақытында импорттаушы Тарапта химиялық зат ретiнде тiркелген химиялық заттар;
      b) бұл-импорттаушы Тарап аумағында бұрын пайдаланылғаны немесе онда импортталғанына және оны пайдалануға тыйым салу жөнiнде ешқандай регламенттеушi шаралар қабылданбағанына қатысты ақпарат бар химиялық заттар; немесе
      с) экспорттаушы импорттаушы Тараптың тағайындалған ұлттық органы арқылы импорттық жеткiзудi жүзеге асыруға анық келiсiм сұрау салғанда және алғанда. Импорттаушы Тарап осындай өтiнiшке 60 күн iшiнде жауап жiбередi және хатшылыққа өзiнiң шешiмi туралы хабардар етедi.
      Экспорттаушы Тараптардың мiндеттерi осы тармаққа сәйкес хатшылық Тараптарды 10-баптың 10-тармағына сәйкес Тараптың жауап жiбермегенi немесе алдын ала шешiмi болмайтын аралық жауап жiбергенi туралы бiрiншi ақпарат берген күнiнен бастап алты ай мерзiм өткен күнiнен бастап қолданылады және бiр жыл iшiнде қолданыста болады.

  12-бап


Экспорт туралы хабарлама

      1. Тарап тыйым салған немесе қатаң шектелген қандай да бiр химиялық зат оның аумағынан экспортталатын жағдайда, бұл Тарап импорттаушы Тарапқа экспорт туралы хабарлама жiбередi. Экспорт туралы хабарламада  V-қосымшада  айқындалған ақпарат болады.


      2. Экспорт туралы хабарлама тиiстi соңғы регламенттеушi қаулы қабылданғаннан кейiн бiрiншi экспорттық жеткiзуге дейiн химиялық заттарға қатысты ұсынылады. Iзiнше экспорт туралы хабарлама қандай да бiр күнтiзбелiк жылға бiрiншi экспорттық жеткiзуге дейiн жiберiледi. Экспортты жүзеге асыруға дейiнгi хабарламаға қатысты талапты импорттаушы Тараптың тағайындалған ұлттық органы өзгеруi мүмкiн.
      3. Экспорттаушы Тарап экспорт туралы жаңа хабарламаны осы химиялық заттарға тыйым салуға немесе қатаң шектеуге қатысты өзгерiстер шығатын соңғы регламенттеушi қаулыны алғаннан кейiн жiбередi.
      4. Импорттаушы Тарап соңғы регламенттеушi қаулыны қабылдағаннан кейiн алынған экспорт туралы бiрiншi хабарламаның алынғанын растайды. Егер, экспорттаушы Тарап экспорт туралы хабарламаны жiбергеннен кейiн 30 күн iшiнде растауды алмаса, ол экспорт туралы екiншi хабарламаны жiбередi. Экспорттаушы Тарап екiншi хабарламаны импорттаушы Тараптың алуын қамтамасыз ету үшiн бар күшiн салады.
      5. Қандай да бiр Тараптың 1-тармақта анықталған мiндеттемелерi:
      а) химиялық зат III-қосымшаға қосылғанда;
      b) импорттаушы Тарап хатшылыққа 10-баптың 2-тармағына сәйкес химиялық заттарға қатысты жауап бергенде; және
      с) хатшылық Тараптар арасында 10-баптың 10-тармағына сәйкес жауап таратқанда қолданысын тоқтатады.

  13-бап


: npakz
npakz -> Кәсiби авариялық құтқару құралымдарын жарықтандыру және кинологиялық қызметтердi қамтамасыз ету нормаларын бекiту туралы
npakz -> Қазақстан Республикасының кәсіби авариялық-құтқару қызметтерінің жер қойнауын пайдаланушыларға қызмет көрсету қағидасы
npakz -> Қалалар мен шаруашылық жүргiзу объектiлерiн санаттау дәрежесiне байланысты азаматтық қорғаныстың инженерлiк-техникалық iс-шараларының көлемi мен мазмұны жөнiндегi нұсқаулықты бекiту туралы
npakz -> Қазақстан Республикасы ратификациялаған халықаралық шарттарға сәйкес табиғи және техногендiк сипаттағы төтенше жағдайлар кезiнде мүлкi реквизицияланбайтын ұйымдардың тiзбесiн бекiту туралы
npakz -> "Азаматтық қорғаныстың құрылымдарын құру және оларды материалдық-техникалық құралдармен жабдықтаудың (тiзiмдеудiң) шамамен алынған нормалары туралы" Нұсқаулықты бекiту туралы
npakz -> Өртке қарсы қызметтердiң өрт қауiпсiздiгi саласындағы мамандарын арнайы даярлайтын бағдарламаларды, оқу курстарын және бiлiктiлiк талаптарын бекiту туралы
npakz -> Объектiлердi қорғауға арналған өрт техникасының қауiпсiздiгiне қойылатын талаптар
npakz -> Қазақстан Республикасы Төтенше жағдайлар министрлігінің Ғылыми-техникалық кеңес отырысының хаттамасы
npakz -> Қызметiнде төтенше жағдайлар туындау қатерi жоғары ұйымдардың тiзбесiн бекiту туралы
npakz -> Қазақстан Республикасы Төтенше жағдайлар Министрлiгiнiң Көкшетау техникалық институты


  1   2   3


©netref.ru 2019
әкімшілігінің қараңыз

    Басты бет