Сабақ Информатика тақырыбы: Қарапайым мәтіндік редактор. Word Pad мәтіндік редакторы 6 сынып Мұғалім: Аманбаева А. А. Северный жоббм



жүктеу 44.34 Kb.
Дата27.04.2016
өлшемі44.34 Kb.
Ашық сабақ



Информатика


тақырыбы: Қарапайым мәтіндік редактор.

Word Pad мәтіндік редакторы

6 сынып
Мұғалім:Аманбаева А.А.

Северный ЖОББМ

2013-2014 оқу жылы

Сабақтың тақырыбы: Қарапайым графикалық редактор. Word Pad мәтіндік редакторымен таныстыру

Сабақтың мақсаты:

1. Білімділік: Оқушыларды Word Pad мәтіндік редактормен таныстыру;

2. Дамытушылық: Оқушыларға тапсырма беру арқылы қызығушылықтарын арттыру, ой-өрістерін кеңейту;

3. Тәрбиелік: Компьютерлік сауаттылыққа тәрбиелеу, пәнге қызығушылығын арттыру.
Көрнекілік: Интерактивті тақта, компьютер, карточкалар, көзге арналған арнайы бағдарлама.

Сабақ типі: саяхат-сабақ

БАРЫСЫ


I. Ұйымдастыру кезеңі.

- Сәлеметсіңдер ме, балалар!

- Сабақта бүгін түгелі ме?

- Сабаққа дайынсыңдар ма?



II.Жаңа тақырыпқа шығу

ребус шешеді

III. Жаңа материалды түсіндіру.

- Балалар, бүгін бізде ерекше сабақ, Бағдарламалар мен Редакторлар еліне саяхат-сабағы. Сендер дайынсыңдар ма? Олай болса, кеттік!

Біз саяхатымызды (ПУСК) ЖІБЕРУ басқару пунктінен бастайық (слайд 2). Ерекше қалалар мен елдерден өтейік. Алдымен Бағдарламалар еліне келеміз, содан үлкен Стандартты қаладан, сонан соң тек Word Pad қаласына жетеміз. Осы қаламен жақынырақ таныса кетейік (слайд 3). Сендер көріп отырғандай, осы қаланың өзінің көшелері, шағын аудандары, қаланы басқару батырмалары, бағдаршам және де мәлімет бюросы бар екен. Бізге Стандартты көшені жақсылап қарастыру керек (слайд 4). Балалар, сендердің көшелеріңдегі үйлер нөмірленген болса, осында нөмірдің орнында үйлердің аты белгіленген. Әр үйдің тұрғындары мейірімді, кішіпейіл, жауапты. Егер де оларға қонаққа кірсеңдер, олар сендердің кез келген өтініштеріңді орындап береді. Мысалы, Құру (Создать) үйдің тұрғындары сендерге жаңа құжат құрып береді, Ашу (Открыть) үйінің тұрғындары алдын ала құрылған құжатты ашады, Сақтау (Сохранить) сендердің құжаттарыңды сақтайды, Басып шығару (Печать) дайын файлды қағазға басып шығарады, Басылымды қарап шығу (Предварительный просмотр) құжатты алдын ала көрсетіп береді, Табу (Найти) – жоғалған файлды тез тауып береді, Буферге жіберу (Вырезать), Буферге көшіру (Копировать), Буферден қою (Вставить) өзара туыстар, олар біріге жұмыс істейді, Болдырмау (Отменить) – қателеріңді болдырмайды, ал Күні/уақыт (Дата/время) үйіне кірсеңдер, дұрыс уақыт пен күнді көрсетіп береді. Біздің саяхатымызды жалғастырып (слайд 5), Форматтау көшесімен танысайық! Осы көшенің тұрғындары аздау, олардың есімдері: Қаріп (Шрифт), Қаріп өлшемі (Размер шрифта), Қаріп кескіні (Начертание шрифта), Қалың, Курсив, Асты сызылған, Түс (Цвет), Сол жақ, ортада, оң жақ шеті бойынша орналастыру, Маркерлер. Балалар, әр елдің өзінің Заңдары бар екенін білесіңдер ме? Осы қаланың өзінің Заңдары бар (слайд 6). Алдымен ең негізгі заңдар: ҚҰРУ, АШУ, САҚТАУ. Және де ережелері (слайд 7). Балалар, егер де сендер Word Pad қаласының тұрғындарына сыйластықпен қарасаңдар, қала Заңдарын қатал сақтап, ережелерін бұзбасаңдар, сендер Информатика елінің лайықты азаматы боласыңдар!

Ребус (слайд 8)



Сергіту сәті

10 айырмашылығын табу



(слайд 9)

ІV. Практикалық жұмыс

- Енді карточкалар бойынша практикалық жұмыс істейміз. (слайд 10)



1 –тапсырма

Ұқыпсыз теруші мақалдар мен мәтелдерді тере бастап, бәрін шатастырып алыпты. Терушіге қателерін түзетуге көмектесіңдер.

  1. Жүгңрмеее Тіліңмен, біліміңмен жүгір

  2. Білгенің бірд тоғыз

Білмбегенің тоқсан тоғыз

  1. Түйені –көрмес де көрмес

2- тапсырма

  1. 1.Мақалдың кескінін Times New Romanға, өлшемін 14 –ке, жуандатыңдар, сол жақтан орналастырыңдар?




  1. 2.Мақалдың кескінін Arialға , өлшемін 16 –ға, қисатыңдар, мақалды ортаға орналастырыңдар?

  2. 3. Мақалдың кескінін Courierға, 18 –ге, астын сызыңдар, оң жақтан орналастырыңдар?

«Мақал –мәтел» деп сақтаймыз.

Дұрыс жауабы:

1.Тіліңмен жүгірме, біліміңмен жүгір

2.Білгенің бір тоғыз

Білмегенің тоқсан тоғыз

3.Көрмес –түйені де көрмес


V. Бекіту кезеңі.

- Сабақты бекіту үшін «Не білдім, не үйрендім?» кезеңінде оқушыларға арнайы бағдарламада дайындалған тест тапсырмасы беріледі. Тесттің қорытындысын бағдарлама автоматты түрде есептейді. (слайд 11)



1. WordPad - қандай редактор?

1) Операциялық жүйе

2) Графикалық редактор

3) Мәтіндік редактор



2. WordPad редакторын қалай іске қосамыз ?

1) Пуск -» Программы -» Настройка -» WordPad

2) Пуск -» Программы -» Стандартные -» WordPad

3) Пуск -» Программы -» WordPad



3. WordPad бағдарламасы қай түрге жатады ?

1) Қолданбалы

2) Жүйелік

3) Стандартты



4.Файл, Правка, Вид, Вставка, Формат, Справка...

1) Стандартты панель

2) Меню жолы

3) Құрал тақтасы.



5. Болдырмау командасы.

1) Правка - Отменить

2) Правка - Вставить

3) Правка - Копировать



6. Ең бірінші сақтау командасы.

1) Файл — Сохранить.

2) Файл — Сохранить как.

3) Файл — Сохранить как веб-страницу.



7. Терезені бүктеу құралы қалай аталады?

1) Жималау

2)Жаймалау

3) Жабу


8. Әріптерді бас әріппен жазу пернесі.

1) Enter

2) Caps Look

3) Num Look



9. Ақпараттың ең кіші өлшем бірлігі қалай аталады?

1) Килобайт

2) Байт

3) Бит


10. Терезенің үлкен бөлігін бос кеңістікті не деп атайды?

1) Стандартты тақтасы

2) Меню жолы

3) Жұмыс алаңы


- Жарайсындар!

VI. Үй тапсырмасы: WordPad редакторының құрал-саймандарына ребус, сөзжұмбақ құрастыру.

VII. Бағалау. Оқушыларды бағалау.

VIII. Қорытындылау– Сонымен бүгінгі саяхат-сабағы сендерге ұнады ма? Смайлик арқылы көңіл-күйді, сабақты түсінгендіктерін немесе түсінбегендерін жеткізеді.

және

смайликтер таратамын.


©netref.ru 2016
әкімшілігінің қараңыз

    Басты бет