Тақырыбы: Туым- теңдігім, Елтаңбам- елдігім, Гимн- айбыным Мақсаты



жүктеу 60.58 Kb.
Дата24.04.2016
өлшемі60.58 Kb.
: 1E7973318117C007
1E7973318117C007 -> Зорлық-зомбылықсыз балалық шақ
1E7973318117C007 -> Біз бабаларын сыйлаған халықпыз !
1E7973318117C007 -> Сабақтың атауы Тақырыбы: «Менің атым Қожа» повесіндегі Қожа бейнесі Сілтеме
Тақырыбы:Туым- теңдігім, Елтаңбам- елдігім, Гимн- айбыным Мақсаты:Қазақстан Республикасының рәміздерін оқып үйрену.Әрбір белгісін түсіндіру,мағынасын ашу.Оқушыларды ел рәміздерін қастерлеуге,құрметтеуге тәрбиелеу.

Көрнекілігі:Қазақстан Республикасының рәміздерін слайд арқылы көрсету.

Қазақстан туымен тұғырлы,

Елтаңбасымен еңселі.

Әнұранымен айбатты.

Ендеше бүгінгі тәрбие сағатымыз рәміздер туралы болмақ.


Тәрбие сағаты Гимнмен басталады.

Кіріспе:

Қазақ халқы көптен күткен тәуелсіздікке қол жеткізді.Егемен мемлекет болды..Әрбір азат елдің өзіңнің тәуелсіздігін білдіретін басты белгілері болады.Солардың бірі мемлекеттік рәміздер.1992 жылы 4 маусымда егемен еліміз Қазақстан Республикасының мемлекеттік рәміздері қабылданды.Олар Қазақстан Республикасының әнұраны, Қазақстан Республикасының мемлекеттік елтаңбасы,Қазақстан Республикасының туы. (слайд көрсету)



Туымыз туралы: 

Мемлекеттік туымыз бірыңғай көгілдір түсті.Бұл түс төбедегі бұлтсыз ашық аспанды елестетеді.Бұлтсыз ашық аспан әрқашан да бейбітшіліктің ,тыныштықпен жақсылықтың нышаны.Көк түс –Қазақстан халқының бірлік,ынтымақ жолына адалдығын білдіреді.

Нұрға малынған алтын күн тыныштықпен байлықты бейнелейді.Күн –қозғалыс , даму,өсіп өркендеудің ,өмірдің бейнесі.Қанатың жайған қыран құс –бар нәрсенің бастауындай,билік,айбындылық бейнесі.Күннің астындағы қалықтаған қыран елдің еркіндік сүйгіш асқақ рухын,қазақ халқының жан дүниесінің кеңдігін жария етеді.Ағаш сабына бекітілген тұстағы тік жолақ ұлттық оюлармен өрнектелген.Күн, қыран,ою -өрнек алтын түсті. Қазақстан Республикасы мемлекеттік туының авторы- суретші Шәкен Ниязбеков.

Қазақстан Республикасының Мемлекеттік Туы – ортасында шұғылалы күн, оның астында қалықтап ұшқан қыран бейнеленген тік бұрышты көгілдір түсті мата. Тудың сабының тұсында ұлттық өрнек тік жолақ түрінде нақышталған. Күн, оның шұғыласы, қыран және ұлттық өрнек бейнесі алтын түстес. Тудың ені мен ұзындығының арақатынасы – 1:2.

Қазақстан Республикасы Мемлекеттік туының біркелкі көгілдір түсі бірігу идеясын білдірумен қатар, әрқашанда бейбітшіліктің, тыныштық пен жарқын болашақтың белгісі саналатын бұлтсыз ашық аспанды еске салады.

Геральдика тілінде көк түс пен оның реңктері адам бойындағы адалдық, тазалық, үміт сияқты қасиеттеріне сәйкес келеді. Шұғылалы алтын күн тыныштық пен байлықты бейнелесе, дала бүркіті қазақстандықтар ұғымында дарқандық пен қырағылық, биіктік белгісі.Қазақстан Республикасы Мемлекеттік туының авторы суретші Шәкен Ниязбеков.

Бүкіл әлемдік Лондон олимпиадасында біздің туымыз желбіреді.
Мемлекеттік Елтаңба,мемлекеттік Ту,Қазақстан туралы. (Слайд )көрсетіледі.

Рәміздерді құрметтеу,қастерлеу баршамыздың борышымыз.Әнұран сөзің жатқа білу міндетіміз.




Оқушылар өлеңдерін оқиды.

Дана : Кең далам, көл-дариям, сеңгір тауым,
Бабалар жеңді ерлікпен небір жауын.
Байрағым желбіреп тұр биіктерде,
Байладым тәуелсіздік - өмір бауын! Дильназ: Көк жүзінде көгілдір
Гүл жайнаған мөлдір нұр.
Қазақстан жалауы-
Азаттықтың алауы.
Желбірейді аспанда,
Отан орны асқарда.

Аяжан: Қыран құстай маңғазы да қырағы
Болса екен деп Бейбітшілік тұрағы,
Сондықтанда да көк туымда қалықтап,
Қыран бүркіт қанат жайып тұрады.
Өр қанатты сұңқардың
Қанатымен шырқар кім

Айымжан: Айнымайды аспаннан
Біздің тудың бояуы,
Оны халық қашан да,
Биікке іліп қояды.
Жанатындай өзі отта,
Жалын шарпып бетіңді.
Туымыз да қазақша
Сөйлеп тұрған секілді.

Джамиля: Қазағымызға таныс өрнек ежелден
Қуат берген, зұлымдықтан жебеген.
Қастерлеген «Қошқар мүйіз» өрнегін,
Қасиеттің бір күніне теңеген. Нұрислам : Өзіңдікі туың да,
От пен ауа, суың да.
Жаса Қазақстаным,
Белді бекем буын да!

Қазақстан Республикасының Мемлекеттік Елтаңбасы – дөңгелек нысанды және көгілдір түс аясындағы шаңырақ (киіз үйдің жоғарғы күмбез тәрізді бөлігі) түрінде бейнеленген, шаңырақты айнала күн сәулесіндей тарап уықтар шаншылған. Шаңырақтың оң жағы мен сол жағында аңыздардағы қанатты пырақтар бейнесі орналастырылған. Жоғарғы бөлігінде – бес бұрышты көлемді жұлдыз, ал төменгі бөлігінде «Қазақстан» деген жазу бар. Жұлдыздың, шаңырақтың, уықтардың, аңыздардағы қанатты пырақтардың бейнесі, сондай-ақ  «Қазақстан» деген жазу – алтын түстес.

Қазақстан Республикасының Мемлекеттік елтаңбасының негізіне шаңырақ алынған. Ол елтаңбаның жүрегі іспеттес.

Шаңырақ әлемнің біртұтастығын, мемлекеттің бастауы отбасы ошағын бейнелейді.  Қанатты тұлпар мәңгілік өмір, шексіз даму және Қазақстан секілді бір шаңырақ астында өмір сүріп жатқан халықтардың рухани байлығының белгісі. Қанатты тұлпар болашаққа үміт артар жас ұрпақтың арманы, самғау биігі

Елтаңба төбесінде бес бұрышты жұлдыз бар. Әр адамның өмірінде жол көрсетер өз жұлдызы болады. Мемлекеттің де осындай жұлдызы болуы керек.

Қазақстан Республикасы Мемлекеттік елтаңбасының авторлары сәулетшілер Шота Уәлиханов пен Жандарбек Мәлібеков.



Елтаңбамыз туралы: 

Елтаңба негізі –Шаңырақ   ол елтаңбаның жүрегі.Шанырақ мемлекетің түп- негізі отбасының бейнесі.Шаңырақ- күн шеңбері .Айналған күн шеңберінің қозғалыстағы суреті іспетті.Шаңырақ- киіз үйдің күнбезі.Көшпелі түркілер үшін үйдің ,ошақтың, отбасының бейнесі.Тұлпар –дала дүлділі,ер-азаматтың сәйгілігі,жеңіске деген жасымас жігердің ,қажымас қайраттың ,мұқалмас қажырдың тәуелсіздікке ұмтылған құлшыныс бейнесі.Шаңырақ айналасындағы уықтарды тұлпардың қанаты қоршап тұр.Қанатты тұлпар қазақ поэзиясында кең тараған бейне.Қанатты тұлпар уақытпен кеңістікті біріктіреді.Ол -өлмес өмірдің бейнесі.Бесбұрышты жұлдыз «бағыңыз ашылып,жұлдызыңыз жарқырай берсің»деген асыл арқаны арқалап тұр.«Қазақстан»жазуы қазақ елінің айғағы.

Елтаңбаның авторлары- Ж .Мәлібеков,Ш.Уәлиханов.
Ағжан : Елтаңбасы елімнің
Неткен көркем, әдемі.
Тұнығындай көңілдің
Ортада аспан әлемі.

Амир: «Елтаңба» 
Бейнелеп сан ғасырды, 
Елтаңбасы елімнің. 
Таратады хас үлгі, 
Киесіндей елімнің. 
Бабам тұлпар жаратты. 
Тұлпар барда қанатты
Шайқалмайды шаңырақ. 
Өркениет төрінде, 
Нұр төгеді елтаңба 
Ақ Орданың төрінде

Жасмин: Құт, береке шаңырақ
Орын алған ол төрден.
Қанатты қос арғымақ
Екі жақтан көмкерген

Аннұр: Қатар шапқан қос тұлпар,
Ай астында қазақ үй,
Қалықтаған жас сұңқар
Шарықтаған таза күй.
Бұл таңбасы елімнің
Елдігімнің белгісі,
Мұнда да бар ерлігім,
Мұнда да бар жер күші

Гимн туралы 

Гимннің мәтінінде ғасырлар бойы тәуелсіздік үшін күрескен бабалар ерлігі көрініс табады.Сонымен қатар асыл мұрамыз- еліміздің кең байтақтығы,жер мен ел байлығы ,біздің ұрпақтарымыздың болашағына айқын жол ашатыны көрініс тапқан.Ең бастысы-тәуелсіздігіміздің алтын діңгегі-ел бірлігі баса айтылған.

Гимн 2006 жылы 7 қаңтарда  Қазақстан Республикасының жаңа Гимні қабылданды.Шәмші Қалдаяқовтың «Менің Қазақстаным» әні Қазақстан Республикасының Гимні деп жарияланды.Кезінде Жүмекен Нәжмиденов жазған ән сөзіне Елбасы Нұрсұлтан Назарбаевтың бастамасымен кейбір түзетулер енгізілді.

Гимн авторлары: Шәмші Қалдаяков,Жүмекен Нәжмиденов ,Нұрсұлтан Назарбаев

Мемлекеттік рәміздерді мемлекеттік мекемелерден мектептерден көруге болады ( Слайд)

Жанерке: Гимн


  1. Қаһарман қажыр, қайратым, 
    Шайлықпас текті айбатым. 
    Арман, абырой, толғаныс- 
    Айтылатын ар, затым. 

Аружан:
2) Жұртымның мұң, мұратын 
Құлқыма құйып тұратын 
Сіңірген тұла бойыма, 
Тәңірлік күштің қуатын. 

Бекнұр:
4) Жан дауысы халқымның 
Шабыттана шырқалар. 
Киелі сөз, сазды әуен 
Шырқағанда, нұр тамар. 
Беріле тыңдап, 
Егіле 
Жанып тұрар мың жанар. Адэлина: Әнұраны елімнің
Шақырады бірлікке.
Егеменді халқымның
Болашағы бірлікте

Олжас: Қазақстан рәміздері- елдігімнің белгісі,
Білу керек балаға дейін ең кіші.
Ән ұран, көңілдір ту, елтаңба,
Рәміздерді жатқа білсін әр кісі.
Ойындар мен тапсырмалар

  1. Мына әріптерден рәмізді тауып жаз ( о, у, а, с, т)

  2. Мемлекеттік рәміздердің елгілері туралы айтылады, оқушылар қай белгі туралы екенін анықтайды.

А) Төлқұжатта, туу туралы куәлікте, орта білім туралы аттестатта бейнеленген.(елтаңба )

Ә) Президент резиденциясында, Үкімет үйінде ілулі тұрады. Барлық мекемелерде ар.(Ту)



Қорытынды.



©netref.ru 2017
әкімшілігінің қараңыз

    Басты бет