Управление образования администрации



жүктеу 196.15 Kb.
Дата17.04.2016
өлшемі196.15 Kb.
: DswMedia
DswMedia -> Строение электронных оболочек атомов элементов первых четырех периодов
DswMedia -> Аттестационная работа по алгебре. 11 класс
DswMedia -> «Энергетический обмен»
DswMedia -> Психологические игры и упражнения на релаксацию и снятие напряжения
DswMedia -> Положение об абазинском спортивно – техническом клубе местного отделения досааф россии г. Абаза республики хакасия 2012
DswMedia -> Абель Нильс Хенрик
DswMedia -> Комиссия не принимает документы абитуриента
DswMedia -> Малыш и компьютер
DswMedia -> Высказывания о русском языке
УПРАВЛЕНИЕ ОБРАЗОВАНИЯ АДМИНИСТРАЦИИ

СТАРОШАЙГОВСКОГО МУНИЦИПАЛЬНОГО РАЙОНА

МОУ СТАРОТЕРИЗМОРГСКАЯ СРЕДНЯЯ

ОБЩЕОБРАЗОВАТЕЛЬНАЯ ШКОЛА

Мокшень кяльса литературнай илат

Аноклазень: мокшень кялень и

Литературань учительсь

Чернова Н.Н.


Старая Теризморга 2009

Содержаниясь


  1. И. М. Девинонь панжи лайме

  2. Пораньуженяц.

  3. Тусь идькс пингозе туста вирть пачка.

  4. Паваз тяштень вешендезь.

  5. Монь шачема – касома велезе.

  6. Мокшень кяльсь – тядянь –авань кяль.


Ила «И.М. Девинонь панжи лайме порань уженяц»
(Лемтьф поэтть шачема шинцты)
1-це вятись:

-Поэзиясь – тя седи ваксстонь корхнема инь мала и кельгови ялгацень мархта, шачема крайть, родной масторть, перьфпяльть мархта, тя – потмонь панчсема и ваймонь козякофнема, тя эряфть кинзон ункснемасна и пингть аськолксонзон марямасна.



2-це вятись:

Ттячи иласонк карматама корхтама И.М. Девинонь поэзиянц колга, коса няфневи шачема –касома краец. Сонь поэзияц – кърхка эшинь потмакс: эздонза амолятама ваймонь эшентьфти кельме и ару веднявок.



3-це вятись:

- И.М. Девин шачсь поэтическяй крайса – Сире Теризморга Велеса. Велеса, коса кемот народнай культурати, народнай обуцятненди и моротненди кельгомань традициятне. Кельгомась мороти, мокшень кяльти кърхкаста сувась тяса и Илья Девинонь ваймос.



4-це вятись:

- Аряда кулхцондсаськ поэтть сембодонга келгови мокшень моронц «Алямова Просать» (морави морсь)


5-це вятись:
- И.М. Девинонь валоц мзярдовок аф пандсы пилецень, сонь тундань васенце шудерькскять лаца, кона кашторкафтома ловонь ацамть алга валом- валом карай эстейнза ки воляти, кели лаймотненди. Тя валоц ару кожф лаца эслек сувай ваймозт и эжттянза.
6-це вятись: «Сенемас»

Сенемасса сенем менельсь,

Сенемасса сенем кожфсь.

Сенемасса панжи келес

Пильксонь путозь сенем розсь.

Сенемасса сембось сенем:

Куттне, саттне, эши ведсь…

Нява – сенем паксясь венемсь,-

Аяш ушетксоц, аш пец.
Сенем сельмот, валда мзолфт,

Ков тят варжакста, кундат.

Сенемасса сенем пизепт

Валыхть сёксенда, тунда.


Сенемасса шиське сенем,

Сенем нарфса кизоньберьф.

Сенемасу тердян сембонь:

Сада тяза, тяда пель.


Сенемасс- тя сенем веле,

Сенем Север, сенем Юг…

Эряфса аф шарозь –велязь

Тонцень сенемацень мук.



1-це вятись:

- Поэтсь вестеньге ашезе юксне эсь шачема – касома краенц- Сире Теризморгать, сонь кели ульцянзон, паксянзон, Севонь ляйнять, коса кизонда ётафнезе сембе


шабакспингонц. Мъзярда Илья Девин сашендсь эсь

велезонза инжикс, раднянзон кенкшсна пъцтай ашесть сёлгондов. Пялост сувсесть поэтть ялганза, лувиенза, кажнайть мархта корхнесь седикс –ваймокс. Сон лемнезень тя васедематнень ару лихтибрякс, конат макссесть творческяй эрьгя, од темат.



2- це вятись:

Севонь ляйнясь аф крхка, аф кели,

Малаванза паксят и лугат.

Улит тоса мокшень сире веле,

Эряенза, марнек, сазорхт –братт.

3-це вятись:

- Сире Теризморгаса пяк кельгсазь и морсесазь мокшень моротнень, синь гайфсна маряви мянь ниле вайгяльбет. Морама машты велеряенза бъта кошардозь поэтть тяштемс седи ваксстонь строчкат колгаст. И морсевсь моронзон эса мастор лангонь мазышись, перьфкат якай ломаттне.



4-це вятись:

- Аряда морасаськ И.М. Девинонь моронц «Панжи лайме порась», конанди музыкать тяштезе поэтть землячкац Н.В. Кошелевась.

Панжи, панжи лайме порась

Веле песа Эрь тунда.

Ожу, ожу, мазы мора

Порать колга ушедан.

Азондса, кинь тоса кельгонь,

Кочкань лаймарень кудрят

И аф кяшеньса, кинь мельге

Сёксенда кучан кудат.

Сенем сельме, виде ронга,

Тевса- шиса тёждя кядь.

Ётань шачема районга,-

Аяш лацонза иля…

Тяни веле песа порать

Панжеманц аф учендан.

А од цёрань мазы мора,

Сяка марян эрь тунда.



5-це вятись:

- Да, тундась, - кода корхнесь И.М. Девин, - эряфсонк сембе пара ушетксоньке, а добрайшись – сембось ся, мезьса эряй ломанць и мезсь валдоптсы сонь». Поэтть стихонза салатядязь эсь мяльвийсост, мокшень кялень арушиса.



6- це вятись: Тядянь – авань масторть кельгсян
Тядянь- авань шачем крайняй,

Сетьме зарянь уженяй,

Вельхкссот сенем менельсь гайняй

Кизонь мани Эрь шиня.


Ётай- потаень кибряса

Варьхмодема пингова

Ноляй медяруня расась

Панжи лаймова –кува.


Анцяй путерьксть эса палы

Атямъёнгонь тюсса шись.

Сельмованфцень салазь салай

Горизонту моли кись.


Сетьме шобдавась перьфпяле,

Сяфть да хоть штатол уфак,

Сереми сон – тят ужяле,-

Кядень апак курмоштак.


Киксни –хиксни лаймоть вельхксса

Цибозсь, - анай пиземня…

Тядянь –авань масторть кельгсян

Июлень мани эрь шиня.


1-це вятись:

- Илья Девин пяк кельгозе эсь родной кяленц. Сон корхнесь: «Мокшень кяльть «потяйне» тядязень лофцонц мархта, сон сувамань сяшкава, нъльня, кода мяляфтса фронтса, лия кялень ялганень ёткса удомста онцтонга корхнень мокшекс».



2-це вятись:

- Аряда азондсаськ Рая Орловать стихотворениянц «Мокшень кяль», коса пяк седиень ризфса азондови минь кяленьконь колга и коса ули надияма…:


Минь васень валоньке ульсь «авай»,

Сон мокшень ляпе кяльса азфоль.

Тя кяльста валда шись уставай,

Сон масторть мархта марса казьфоль.


Минь шачем кяленьконь юмафтоськ,

Сонь срафтоськ масторбевань ошка.

И потмаксфтома лотку прафтоськ,

Аф шарьхкодьса- мезь келусь тошкай.


Катк цебярь вастта мирса лама,

И пульхкихть рузонь валхне мяльсон,

И кеман пяк, минь пуроптама

И азсаськ видеть мокшень кяльса.



3-це вятись:

- Улихть ломать, конат корхнихть: къда саволь оду эрямс эряфозе, мезевок афолень полафта, тиелень станяк, кода ульсь. А Илья Девинонь мяленза лият: «Къда саволь тяфта тиемс, петелине сембе эльбятьксонень, конатнень ноляйне, сяда лама кадолень касыкседи». Эряфти кельгомась, ломанти паронь арьсемась творчествасонза кодаф якстерь сюреса.



4-це вятись:
Масторняй,

Тонь вельдет ломанькс арань,

Шицень ала паваззе мумень.

Тяни ёран оцю сталмот кандомс,

Да аф сиземс кисон шить и веть…

Азонтк:


Кода тяшка парцень пандомс,

Кода шумукс аф илядомс тейть?



5-це вятись:

- И.М. Девинонь творчестванц серец и келец, потмонь вийц и смузец, сембе унксонза касыхть народонь ваймоть кърхка юрстонза. Ширде саф конаксь аф стак азозе: «Тяфтама ломанть инкса, кода Девин, кельгови марнек народсь»».



6-це вятись:

Арьсемат
Пара ялгане, сазорне, брадне,

Содан тевонтень, ёнентень содан.

Тячи кельктядязь, кельктядязь ладнек,

Ашень кельгонде вестеньге кода.
Тячи ёраса кулхцондомс масторть,

Модать ёраса ляксеманц марямс.

Ёран тяшттненди- конашка васта!-

Куцемс, мялезе ёткозост арамс.


… Марса ётасаськ ётафонь ётафть,

Мархтонт эряме мирса – аф ундса.

Семботь лятфтасаськ –ётафть и потафть,-

Аньцек лемозень с.камон тясть кунце.


1-це вятись:

-Кунара ни аш шиса поэтсь, а пингсь аф ащи. Пингсь моли. И эвондась Теризморга велеть кучкаса памятник… Памятник Мордовия Республикань народнай поэтти И.М. Девинонди. Ламотне пара мяльса мяляфнесаь поэтть, сяс мес кадсь эсь мельганза кърхка и смузю наследие – книганзон, коса тяштьф и «панжи лайме порань уженяц» колга.




Тусь идькс пингозе пиже вирть пачка

Ила

Илать целенза:
- ваномс В.Н. Родькинонь поэзиянц;

- азондомс эряфонь кинц;

- няфтемс, кода творчествасонза няеви кельгомась

эряфти, ломантти, перьфпяльти.


Оборудованиясь:
СД слайтт Родькинонь портретонц мархта, слайтт природань картинань мархта, диск Родькинонь моронзон мархта.
Илать молемац :

Учительть валоц:

- В.Н. Родькин, кода поэт, Мордовияса содаф ни нильгемоньшка кизода лама. Стихонза лисендихть «Мокшень правдаса», «Мокша» журналса, марстонь сборникова, лиседсть сонцень башка сборниксонзовок. Поэзияц пачк суваф вирень жойфса, паксянь келеса, медярувонь таньфса.



Васенце тонафнись:

Вирть потмоса ляйнясь шуди – прай Мокшети,

Крайганза кужеть лангс шяй тишет кассть.

Аф крута шаматнень атяньке соксокшнезь,

Кода эсь тядяснон, кельгозь тя вастть.
Кельгома ялганя, сада сей конакокс,

Тяса тинь васьфттяда лаймарьксонь порфсь.

Няйсасть, синь сералснон, стирь лаца, понафокс

Эслек тинь седисонтт эвондай морсь.



Омбоце тонафнись:

- В Н. Родькин шачсь 1936 кизонь 14 январьста Мордовиянь сире Шайгавонь райононь Краснай посёлкаса. Велеть перьф кели паксят и сери вирьхть, конат макссихть аф поэттиге поэтонь эрьгя и вийхть. А Василий Родькин, няк, шачфоль поэтонь ваймокс. Сон шабакскиге кельгозень Пушкинонь, Лермонтовонь, Безбородовонь и Бебанонь творчестваснон, сонга варчсезень виензон рифмань кочкамаса.



Колмоце тонафнись:
Пиже щамонц ацась нарнясь,

Лямбе кожфкясь сай и сай,

Модать ливозензон нарни,

Модась лямботи шиньфтай.

Пяшксет вирьхне и ульцятне

Нармонь морда эрь шиня,

Кяпе ласкондихть иднятне.

Эх и пара ушенясь!



Нилеце тонафнись:

- Средняй школать аделамда и армияса служамда меле сърхкась тонафнема Саранскяи университетонь историческяй факультету. Ошса кармась варжакснема газетань, журналонь редакциятненди и ашезе кадонда мяльс арамс тяшникс, кода сонь районцтонза содафонза. И сембода пяк кайгсь И.М. Девинонь лемоц.



Ветеце тонафнись:

Сенемасса сенем менельсь,

Сенемасса сенем кожфсь.

Сенемасса панжи келес

Пильксонь путозь сенем розсь.

Сенемасса сембось сенем:

Куттне, саттне, эши ведсь…

Нява – сенем паксясь венемсь,-

Аяш ушетксоц, аш пец.

Васенце тонафнись:

- Сонга, Василий Нестерович, потмонь ваймоса арьсекшнесь арамс поэтонь кинять лангс. А перьфпяльдень панчфу, медяру пиже лугатне, жойняй вирьхне, горняй лихтибрятне, бъзнай мешкятне – сятка бъта кошярясть морамс синь стихса, конат, къле, катк печатлакшневихть книгаса.



Омбоце тонафнись:

Пара, калъюрнятне лопафт,

Инезиень ведьса валовсь

Менель крайсь.

Лаймось сисем тюсса палы-

Моли майсь.

Заря шовор цёфксне морайхть,

Кайгфтихть вирть…



Колмоце тонафнись:

- Университетть аделамда меле кармась работама школаса учителькс. Тонафнесь эсь велень церанят и стирнят, кит венемкшнесть содамошитненди.

А велесь эрь шобдаваня стякшнесь атёкшнень гимнаснон коряс.

Велепеса ушеткшнесть вирьбулонятне, конатнень ару кожфсна ломатненди казендсь шумбраши и эрьгя, макссесь поэзиянь кельгомс вийхть.



Нилеце тонафнись:

Стяян шобдава,

Вальмязень панчса,-

Ару кожфкя кудботму сувай.

Расась цифторды

Лаймарькснень панчфса,

Ну, а ушеса

Видексонь рай.

Венемсть вальмалдон

Топольхнень цильфсна,

Тёкшсна аськолдасть

Пулю кить туркс.

Панжи лаймарьксне

Шабразень пирьфса

Шинять каршеса

Акшелдыхть пуркс.



Ветеце вятись:

- Од учительсь, Василий Нестерович, тякобасом прашендсь и стихонь тяштемати, конатнень кучсезень «Мокша» журналти. Сяда мельде издательстваса кармамасть лисендема поэтическяй сборниконза: «Праздникть ушедомац», «Коза кяшенди шинясь», «Кельгомась сяськсь».

Поэтсь арась содави ломанькс аф аньцек сире Шайговань районца, но и сембе Мордовияса. Сонь эрь мезне тернезь Саранскяи писателень семинархненди, коса поэтонь маштомошиц коль касондсь.

Васенце тонафнись:
Тусь идькспингозе пиже вирть пачка,

Мазы лаймова шиньф лаца срадсь.

Няйсь сон пефтома кельме и начка,

Сяпи лятьфнемат седизон кадсь.


Расать шобдава ётнине карьса.

Начкондсть пракстане- хоть пувордайть.

Перьфпяльсьвельхтяфоль сянгяря шальса.

Варчсезь пильгоне лямбонянц майть.



Омбоце тонафнись:

-Тяни ни шуропстомсть Краснайть кудонза, ламосна эряйхнень эзда тушендсть боку цебярень вешендема, а Василий Родькин стак и эрясь тяса и морсезень эсь стихонзон вельде эсь шачема ширенц.



Колмоце тонафнись:
Шобда кудса вальмять алу озань,

Ламос ванонь сюра ковнять лангс.

Арьсень, вага, пачкодемс ба тоза,

Сембе стака сталмотнень юкстамс.


Аф ризнамс, мес пенсиясь аф сатни,

Штоба эрямс ломанькс ковда ковс,

Сире шизе, малазон прокс сать ни,

Аф стак прязе акшемсь васень ловкс.



Нилеце тонафнись:

- В. Родькин тяштсь и морот. И сявондсазь сятнень морамс Мордовиянь васень артисткатне. Кафксть народнайське – А.Н. Куликоваське – сявозень кафта моронзон: «Баяраване», «Эрька, баба». Сонценьге Василий Нестеровичень стирец Ирина Васильевна кефкие киза «Келу» ансамбьса. Сценаса Куликовать мархта серцек ащезьге морси мокшень морот, алянцка сёрматфонзон кайкфснесыне. А сембодонга сидеста «Баяраванять»

(нолдави дискса мороть мархта)

Щафат – каряфат

лангань каямаса,

Ётат велева-

эхяннь паваня.

Колгат ломаттне

корхтайхть, маряса:

Домнань анюнясь-

Баяраванясь…

Ветеце тонафнись:

-Ужяль, што поэтсь аш шиса, но стихонзон эса велень эряфть, кельгомать, перьфпяльдень мазышить, ётай и тяниень пингть, эряфть колга арьсемат



Васенце тонафнись:
Ёран нармонькс вирхнень вельхкска лиемс.

Ёран морамс, кода цёфкссь тунда.

Тейть, Россия. Лама цебярь тиемс,

Пандомс парцень кемонень крда.


Ёран лядомс векозон солдатокс,

Штоба перямс веры кинц войнать.

Сятнень мархта арамс кундань брадокс,

Кие кельгсы эряфть и тундать.


Шачем крайняй, катк мон нинге одан,

Инксот анок максомс прянц одксшись.

Аньцек эряфсь урост афоль сода

И моркшть лангста афоль машне кшись.



Учительть валоц:

- Шабат, вов и шумордавсь иланьке Василий Родькинонь эряфонц и творчестванц колга. Мон койсон, кулхцондомок тя илать, тинь панжеде од киняня поэзиять и перьфпялть кельгоманцты



Критикась и литературоведениясь
Паваз тяштень вешендезь…
(Мяльхть- арьсемат Рая Орловать «Пизелонь каштаз» сборниконц колга)

Улихть поэтт, конатнень стихснон лувондолить и лувондолить, сяс мес эрь строчкаса кяшф пяк кърхка смузь, маряви кати – кодама потмошинь, седиень вий, мярьгат, бъта поэтсь сонць марнек эряй стихонзон эса.

Монь койсон, тяфтамот стихонза Рая Орловать.

Аф пяк кунара лиссь сонь поэтическяй сборникоц – «Пизелонь каштаз». Мялезе азомс аф лама валня тя сборникть колга.

Книгаса вейхксогемонь кафтува стихотворения. Синь темань- мялень, азома виень коряс аф фкя лацот. Но эрь стихса няеви поэтессать сонцень ёнень –ваймонь почеркоц, кяль- валонь мазышиц.

Сборниксь панжеви «Шачема велезе» стихотворениять мархта. Васенце строчкатнень эздовок няйсаськ поэтессать кельгоманц шачема уженянцты. Лямбе валхне, мярьгат, лисихть седистонза. И кулеви эздост народонь моронь вайгяль:

Шачема велезе, И стирень морняса,

Мес ащат пелезне? Илядень заряса

Павазу нармоннякс Вайгяльцень маряса.

Няемс тонь мялезе. Шачема велезе -

Тялонь кувака веть Серезе, келезе,

Коввалдонь толняса Симдизе –тряйнязе,

Акша лов орняса Тядязе, Шкайнязе,

Вирькужень райнязе.

Лама стихт Рая Орловась, кода пъцтай и сембе поэттне, тяшти идькс пингонц колга: кодама тя пингсь павазуволь. Кой – кона обрасне бъта и содафт, а ламотне кайгихть бъта васенцеда. И въдь верондат, што сахардонга танцтиста марявсь ловонь панда пряста курькснемась.
Эряйхть мялямсон тялот, Мадома ингольдень ёфксне!

Аф ня тялотнень лацот. Эрнять мяляфтса тя пингс.

Ламоль ломаньда пялонк, Эвфтсть Виряватне, Офттне,

Масторганк васттне ацафт. Кельгине Ванять – кяпоть.


Минцень шабадонк сисем, Шобдавань ловонь фальхне-

Сувсесть делянкань ваныхть. Сахаронь акша панттне,

Тядязе аньцек пицесь: Акшет кудбрява шальхне,

Модамарьсь, капстась – анокт. Ялганди келихть яттне.


А кодама седиень таколфтыхть «Тядязти» и «Кафксоце мартсь» стихонза. Тяса Рая Орловась панчсесы седиень таколдоманц тядянь кельгомать и тядянди кельгомать вельде. Лувсайть ня строчкатнень:

Сембодонга цебярь стихозе изь ладяв,

Сембодонга мала ломанезе тусь.

«Тядянязе –аванязе, - мон ювадян,-

Ваймоняце – коволсь коза васта мусь»

Исяк улень кудсонк, станяк ащи сембось,

Алязе урядцень кирьдсы коса –повсь,

Каванямазь сиресь пянакудонь лямда,

Аньцек сяка арьсян: улелеть ба тонць.

Васьфтелемасть, тядяй, нинге орта лангса,

Кизефтелеть савор: «Сизеть, шять, идняй»

Казелемасть, тядяй, ваймонь пети ванфса:

«Унокозе аля ни, ётанзе ,стирняй».
И сельминголет эвондай сембодонга кельгома ломанце –тядяце. Пара, кинь тядяц нинге шиса, а поэтессась кунара ни илядсь тядяфтома. И тянкса, маряви, кода седицень ангордасазь ня строчкатне. Аф стак сборниконц Рая Орловась лемдезе – авозлазе тядянцты – Мария Семёновна Орловати.

Мокшэрзянь поэзияса лама стихотворенияда сёксеть колга. Рая Орловать стихонзон эса няеви перьфпяльть и ломанть ёткса соткссь, маряви пичефкс, ризф, мес курок сёксеть полафтсы тялось:


Мон шачень козя сёксень менель ала,

Вирь мацихне срхкафтольхть оцю кис,

Ужяльдезь келусь ацась лопат прялон,

Шра лангса озонтфоль од сёронь кшись.


Нюрямозень люкафнезь судемф вармат,

И пеедсь вярде оцю Заря тяштсь,

Сяс рана сяньге шарьхкодема кармань,

Мес пиземсь стихонц сельмоведьса тяштсь.


Иляденьшовор вирьхне тошказь ёфксснон,

А келунятне вятнесть хоровотт,

И наряжаф Вирявась кштишендсь ётксонк

(Мон тя пингс няендян тянь колга отт).


Пингсь оцю пацяв нармонькс лиезь лии.

Мзярда меки тяза сон мрдай?

А эряви сняра нинге тиемс…

Вдь афи фатят, кода тялось сай.


Тя стихотворениясь козя потма мялень и кяль- валонь ширде. Тяса лама валда, конат кандыхть эсь эсост оцю эмоциональнай смузь: «ужяльдезь», «озонтфоль», «судемф» и лият. Синь тисазь стихотворениять нинге сяда

поэтичнайкс. И сяс сон лувови ляпоняста, ризнафтозня.

Поэтессась шарфни мяль и фольклорти. Сон шачсь велеса, сяс лац содасыне народть коензон, сяс стихонзон эсовок лама народнай образда:

Менели лиссь акша ковнясь,

Удость нумолхне вирнява,

Тейне венептсь пяште товнят

Зарять лисемста Вирявась.
Рая орловать аляц ульсь Великай Отечественнай войнаса. Маряк, сяс сон ашезе ёта войнань темать. «Азонтк, аляй» стихотворенияса сон эняльди алянцты:

…Азонтк, кода воявать войнаса?

Азонтк, мес тейть казьфоль тя медальсь?

Азонтк, тяконь кизефнень иднякса:

Стакаль «студебеккеронь» педальсь?
Тейть кемзисемголь – кундайть «баранкать».

Вете кизот арнеть толонь пачк.

Виде валхт азсь Опелень цыганкась:

«…Эряфцень кувалмос ардат шанчк…»


Азонтк, аляй, мес тон кашт аф молят?

Ёрдак сталмоть, пичефксцти сай пе.

Кда, аляй, максолезь тейнь волять,

Сембонди тейнть максолень дворецт…


Кунара ётась ся войнась, а фронтовикненди тячемс мяляфтовихть войнань киттне – яттне, тячемс вень- вень аф кадсазь удома войнаса няйфсь, а сембодонга пяк – войнань ранатне.

Тя темасовок, конань коряс тяштьфоль ламодонга лама стихотворенияда, поэмада, Рая Орловась музень сонцень, аньцек эсь валонзон.

Рая Орловать поэзияса няеви сонь касомац, сельмованфонь кърхкалгодомац, смузенц виензамац. Поэтессась кошярясы ломанть варжакстомс пильгалонза, шарфтомс фталу, няемс ся кить, конань эзга мольсть атянь атяньке, Штоба афолеськ юксне эсь юроньконь, радняньконь, шачема вастоньконь. Няеви, што тя сембось сярятьфтьсы поэтессать седиенц:

Содак родонь – плямань сюрекить,

Тядянь варжама лихть масторбеста,

Аньцек эста аф юмафтсак кить,

Павазу улят тон аньцек эста.
Сборникса сембода лама стихта кельгомать колга. Рая Орловать стихонзон эса кельгомась фалу кати – кодама ризфу:

Ульсь сембось ки лангса: и сёксе, и май,

И павазонь тяштезе тячемс аф муви,

Цють валдонянц няфтьсы и тага юмай…

Катф ава, нинге кельгома учсят,

Тон улемс павазуста нинге ёрат.

Вдь нинге улихть цебярь алят, цёрат,

Катф аватне – нят сёксень шава сатт.


Тага пизем.

Ушедонь кельгомост пизепнень.

Кода сизень.

Сизефтихть тоньфтомот кизотне.


Орловась шачсь поэтическяй крайса, коса пяк кельгсазь и морсесазь мокшень моротнень. Сяс тянемс мяляфнесыне синь гайфснон велеть эзга, моронь кельги, морама машты велеряенза, бъта кошардыхть поэтессать эса тяштемс седи ваксстонь строчкат колгаст. «Мокшень морось». Тя пяк удалаф стихса Рая Орловась лятфнесыне Теризморгань хорть, композиторть Сураев –Королёвонь моронзон, Девинонь моронди тяштьф стихонзон. Сембе ня ломаттне сонь земляконза.

Эрьда, ават, ушеттама мора,

Катк эрь седити сон тяштекс прай.

И катк шачи тядде лама сёра,

Козя ули Сенемасонь крайсь.
Сенемасокс эсь масторонц лемнезе Илья Девин.

«Пизелонь каштаз» сборникса лама нравственнай и философскяй вешфкста. Надиятама, што и сяда тов Рая Орловась кармай кеняртьфнемонк эсь мазы и козя стихонзон мархта.

Н. Чернова

Темась: «Мокшень кяльсь – тядянь –авань кяль
Цельсь: кърхкалгофтомс и келептемс

шабатнень содамошиснон мокшень кяльть колга;

няфтемс, кода корхтайхть тянь колга эсь произведениясост мокшэрзянь поэттне,

мезе синь кеняртьфтсыне и мезе пичефтсыне



Оборудованиясь: мультимедийнай проектор, СД слайтт
Илать молемац:

1-це вятись: Шумбратада, инжихть! Тячи минь анокламе ила «Мокшень кяльсь –тядянь –авань кяль».

2-це вятись: Мазы кяленьке,пяк мазы

Тундань варьхмодема лаца,

Кода питни- питни казне,

Кода марлю панжи садса.

Тяфта мазыста корхтай кяльть колга мокшэрзянь поэтсь Е. Пятаев.

1-це вятись: Въдь кяльсь – тя инь оцю казнесь, козяшись, конань ломанти максозе природась. Тя нациять фкя инь кеме нежедема вастоц. Кяльсь ванфтсы сянь, мезе ульсь народть эряфса, азондсы сонь ётаф кинц. Кяльть юмафтомац мезьсовок и кодавок аф мърдафтови.

2-це вятись: а тяни аряда мяляфттама кяльть колга пословицат.

Ученикне: 1. Родной кяльть таньфоц – тядянь лофцонь таньфса.

2. Аф ункстави сянь питнец, кона кельгсы шачема кяленц.

3. Шачема кяльсь седи эжди, ванфты зиянда и кяжда.

4. Эряй кяльсь- ломаттневок аф кулыхть.



1-це вятись: Сянь, кие атказай эсь кяленц, народонц, культуранц, койнзон эзда, аш кода лемдемс афкуксонь ломанькска. Тяни, кельгома инжихть, кулхцондсаськ Ю.Азрапкинонь «Я –это мон» юмористическяй стихотворениянц.

Учениксь:

Кодане лездан, Лякси монь шабразе!

Вай, мезе тиян? - Этот слова

Шабразень мархта Рузкс ули- будет

Лиссь оцю зиян Сапог голова.

Москуса киза фкя - Узерь кячксь кода?

Эрясь соседсь, - Топор черенок.

Тоса эсь кяленц юкстазе- - А кяскавнять кургоц?

И пец. - Ся рот мешок.

Вели мрдась козк - А кодане ули

И лепондай сон: Шеереньгарькссь?

- Мон –это я ведь? Тяни сон содасы

А я – это мон? ( азондса монць)

В городе нет рдаз, Аф аньцек веленьке,

Велеса – тьфу! Марнек районць.

Сяви и рахамга Няйсазь и пешкодихть:

Кизефтьсы фкясь: - Эй, Агафон!

- Азонтка, кодане Тон- это ты ведь?

Рузкс кяме прясь? А ты – это тон?

2-це вятись: вай, мокшень кяль, тон конашкава валдат! Эрь валняце кунардонь пингста сай. Мъзяра тяштьта лиссь, съняра валдот. И содасак, синь валдсна аф юмай.

А тяни кулхцондость Р. Орловать стихотворениянц «Васень валоньке»

Минь васень валоньке ульсь «тядяй»,

Сон тядянь мяште ваксса азфоль.

Тя валста кяленьке уставай,

Кяльсь шачеманьконь мархта казьфоль.

А тяни кяленьконь юмафтоськ,

Коль эрьфнеськ масторбевань ошка.

Эсь кятть сонь вярде алу прафтсаськ,

Аф шарьхкодьсаськ, мезь кельгись тошкай.

Катк цебярь вастта мирса лама,

Но сембе корхтайхть тядянь валса…

Мон надиянь – марс пуропттама

И седи панчтама эсь кяльса.



1-це вятись: Въдь тядянь кельгомась кемоста сюлмаф шачема ширеть кельгоманц мархта.

Мокшень крайняй, шачем крайняй,

Моньге морозень примак.

Кадок зойняй, вельхкссот гайняй

Прокс аф сетьмоси сон катк.

2-це вятись: Веле, веле, мокша веле,

Шачем- касом юрхтоняй.

Якань –шяянь масторть келес

Корязт мазы изень няй.



1 –це вятись: Шачем –касом янга молян,

Кува ётань мон аф весть.

Ожу, кайги мора моран,

Шачем крайти максан честь.



2-це вятись: мокшетне пяк кельгсазь морамаснон, нармоннякс лиихть менельти вайгяльсна. Аряда кулхцонцаськ И.М.Девинонь валонзон лангс путф Н.В. Кошелевать моронц «Кельгса тядянь –авань масторть».

Тядянь –авань шачем крайняняй,

Сетьме зарянь уженяй,

Вельхкссот сенем менель гайняй

Кизонь мани эрь шиня.

Ётай – потаень кибряса

Варьхмодема пингова

Ноляй медярува раса,

Панжи лаймова –кува.
Анцяй путерьксть эса палы

Атямъёнгонь тюсса шись.

Сельмованфцень салазь салай

Менельбети моли кись.

Сетьме шобдавась перьфпяле,

Сяфть да хоть штатол уфак,

Сереми сон – тят ужяля,-

Кядень апак курмоштак…



1-це вятись: тинь марясть мороть седиень токай мелодиянц, шачема ширети кельгомать. Пяк лама мор морсеви, мъзярда ломанць трудендай.

А кие содай эздонт пословицат трудть колга?

- Мезе видят, сянь и нуят;

- Киза – тевонь пиза;

- Сай май – удомаце аф сай;

- Пелят кизонда шида – аф ярхцат кшида;

- Сай киза – тихть пиза, а тялонда – тят сялонда.

2 –це вятись: А тяни кулхцонттама сиде моронят гармошкань коряс:
Эрятама –ащетяма

Теризморга Велеса,

Арядова моратама

Раднянь – плямань келеса.

Давай, ялгай, моратама

Ламоня припевкада.

Паксяса работамста

Фкя –фкяда аф ляттама.

Панжи марлюса тундась,

Ётасы катк модать,

Штоба светса эрь иднясь

Ризф войнань тянь сода!

Морак, морак, гармония,

Морак сиденяста.

Тундань тевти кундатама,

Ялгат, цебярьняста.

Эхи морак тон, баян,-

Сединязе эшенди.

Пяк аф кельгови ся ломанць,

Кона тевда кяшенди.



1-це вятись: пяк пара, што кяленьке ванфтови, сяда тов мазоми. И тя пяк лац няеви поэзияса. Шабат, а кие эздонт азондсыне эсь тяштьф сихонянзон?
Велезе

Кельгса велезень, мес мазы, Шуфттне ащихть виденяста,

Валда эряф тейне кази. Инжихть сайхть сей сиденяста,

Горняйхть вайгялю ульцянза, Козят паксяньке минь, сёруфт,

Школав вяттядязь кинянза. Розеньковок пяк ни товуфт.

Велеть ваксса шуди ляйня, Велезе монь, виде, мазы,

Ляйнясь кази пара мяльня, Няйсасть тинцьке,сада тяза.

Нармонць морай кайги мора, Кельгса велезень и шнаса,

Садса панжи лайме пора. Кеняртьфан, мес шачень тяса!
Автайкина Олеся, 10 классонь тонафнись.
Мокшень кяль

Мокшень кяльняй, шачем кяльняй, Кода кельгонзе Тонь Девин!

Кода кельгте, содак тянь. Стихт, поэмат,морот тяштсь.

Шаронтт прясон, пара мяльняй, Тяни минь поладоськ тевонц,

Мезе мярьгат- пачфтьса сянь. Палы тейнек паваз тяштсь.

Мокшень кяльса прязень шнафтса, Мокшень кяльняй, шачем кяльняй,

Корхтан, моран, тяштян стихт. Идень идезти илятт.

Кулхцондсамазь оцю мяльса Кеподить и пара мяльнень,

Руз и татар цёрат, стирьхть. Сембе пинкнень тон улят!
Волгапова Анна, 10 классонь тонафнись

Теризморга велезе

Велезе хуш одонзай и касы.

Сякокс мокшень щамса каряй- щай.

Лямбе валса инжихть –сайнят васьфни,

Танцти пачаса и позаса сон най.

Видясова Ирина, 7 классонь тонафнись



Вятихне: сась пинге шумордамс иланьконь. Пяк пара, што тячи азоме лама цебярь вал мокшень кяленьконь, шачема ширеньконь колга. Тя содамошись тячиень иласа арай ки лангонь ялгакс.
Сашендода школазонк,

Пара ули мялезонк.



©netref.ru 2017
әкімшілігінің қараңыз

    Басты бет