Бағдарламасы «ертеңІҢ Үшін аянба! »


Гравирлік (бедерлік) жұмыстар



бет39/53
Дата25.04.2016
өлшемі3.38 Mb.
түріБағдарламасы
1   ...   35   36   37   38   39   40   41   42   ...   53

73. Гравирлік (бедерлік) жұмыстар





  1. Жалпы ақпарат. Гравирлеу дегеніміз - механикалық әдіспен немесе қолмен шыны, ағаш, тас, металл беттеріне жазулар, өрнектер, суреттер салу. Бұндағы суреттер дөңес (рельефті) немесе ойыс болуы мүмкін.

XXI ғасырда «лазерлік гравирлеу» деп аталатын жаңа технология пайда болды.

Сізге қандай өнім қажет? Металдан ба, ағаштан ба, шыныдан ба, пластиктен әлде теріден бе? Құрал-жабдықтар көмегімен қызмет көрсетудің кең спектрін орындауға болады. Мысалы: жарнамалық немесе сувенирлік өнімдерге фирмалық белгілерді, логотиптерді салу, зергерлік бұйымдар мен неке жүзіктерін, ноутбуктер мен компьютерлердің пернетақталарын, телефондарды гравирлеу, өндірістік маркировка, жапсырмаларды жасау, теріні лазерлік гравирлеу, лазерлік кесу, ағашты лазерлік гравирлеу, кеңселік тақталарды дайындау, бейдждерді дайындау, мөр дайындау, т.б.



  1. Ғимарат. Бұл бизнесті жүзеге асыру үшін сізге ауданы шамамен 20-30 м² бөлме қажет. Дүкеннен, сауда немесе бизнес орталығынан орын жалға алып, гравирлік шеберхана ашуға да болады.

  2. Құрал-жабдықтар. Сізге лазерлік гравирлеу қондырғысы қажет. Олардың сан алуан модельдері бар. Бұндай қондырғылардың бағасы 4 000- 30 000 доллар аралығында.

Алғашқы кезеңде минималды құны 2 000 долларды құрайтын кішігірім лазерлік гравирлік қондырғы алсаңыз жеткілікті. Мұндай модельмен кішігірім бөлмеде жұмыс істеуге болады. Аталған лазерлік қондырғы түрлі металл емес беттерді өңдеуге мүмкіндік береді (ағаш, пластик, тас (табиғи және жасанды), тері және т.б.). Мөр, штамп және зергерлік өнімдерді жасауда кең қолданылатын бұл модельдер лазерлік гравирлеу қондырғылары ішінде ең арзаны болып табылады.

4. Технология. Гравирлік жұмыстар арнайы шығармашылық қабілет пен кәсіби біліктілікті қажет етпейді. Бұндай жұмыстарды орындау үшін қолдың ептілігі ғана қажет.

Гравирлеуді қола, мыс, темір, латунь және алюминий бұйымдарына, алқа, тұмар, жетондарға, құттықтау және естелік жазуға, қалам, ақша, қысқыш беттерін гравирлеуде, пышақ, қылыш тектес зергерлік қаруларға жазулар жазуда қолдануға болады. Жергілікті жиһаз жасаушыларға да өз қызметіңізді міндетті түрде ұсыныңыз. Бұл жағдайда жұмыс үлгісін орындайтын гравирлік машина мен қажетті материалдарды сатып алып, олардың шеберханасында жұмыс істеу керек.



5. Өткізу. Гравирлік қондырғыларды сатып алып, біраз үлгілер жасап алғаннан кейін зергерлік дүкендерді, фотосалондарды, сувенирлік дүкендерді аралап шығу қажет. Сөйтіп әріптестікке келісіп, жұмыс үлгілері бар стендтерді шығарамыз.

Сонымен қатар, клиенттер іздеп табудың тағы бір жолы - сайыстар, кәсіби конференциялар мен көрме ұйымдастырушыларына өз қызметіңізді ұсыну. Әдетте мұндай мерекелерде жеңімпаздар мен қатысушыларға естелік сыйлықтар беріледі. Ал бұл заттарда сіздің қолыңызбен жасалған естелік жазулар болсын.



6. Болжамдық есептеулер.

    1. Шығыстар:

  • жұмыс орнын жалға алу – 50 000 теңге.

  • құрал-жабдық – 400 000 теңге.

  • үлгілер жасау үшін қажетті материалдар – 50 000 теңге.

  • басқа да шығын материалдары – 60 000 теңге.

Жалпы: Шамамен 560 000 теңге.

    1. Табыс:

Гравирлеу бойынша бағалар:

  • материал – пластик, шыны, тері, ағаш – 10 теңге/см².

  • материал – тас – 20 теңге/см².

  • 20 х 25 см өлшемді мақтау қағаздары мен дипломдар – данасы 3 000 теңге.

  • ұялы телефон – данасы 1 500 теңге

Өткізілген экспресс-зерттеу нәтижесі бойынша кішігірім гравирлік шеберхананың ай сайынғы табысы шамамен 200 000 тенге.

  1. Пайдалы сілтемелер:

http://dumatao.ru/

http://igrushka.kz/vip19/gravir.shtml

http://kokosy.com.ua/category/gravery/

http://www.sense-life.com/forum/index.php?showtopic=25

http://www.gravirovka.net/

http://www.ltc.ru/instrument/kobra.shtml

http://interlaser.ru/

http://www.tstlaser.ru/catalog/stanki_lazernoj_gravirovk/stanki_lazernoj_gravirovk.html

http://www.tstlaser.ru/price.html

Интернет арқылы іздеу. Сіз Интернет арқылы да осы тақырып бойынша көптеген материалдармен таныса аласыз. Ол үшін іздеуге арналған сайттар, мысалы www.google.kz, www.rambler.ru, www.yandex.ru сияқты жүйелерде «гравирлік жұмыстар» және т.б. кілт сөздерді теру керек.

74. Вешенка саңырауқұлақтарын өсіру





  1. Жалпы ақпарат. Үлкен жер көлемі мен бастапқы капиталы жоқ фермерлер үшін қызықты технология – вешенка саңырауқұлақтарын өсіру.  Салыстыру үшін бір жылда бір шаршы метрде өсірілетін өнімдер бойынша мәліметтер келтірейік: қияр – 4-6 кг, қырыққабат – 5-6 кг, картоп – 4-8 кг, вешенка саңырауқұлақтары – 80-100 кг.

Оларды бөлмеде өсіруге де болады, ал саңырауқұлақтардың бағасы картоп, қырыққабат пен қияр бағасынан әлдеқайда жоғары.

Вешенка саңырауқұлағы керемет дәмімен және қоректік құрамымен ерекшеленеді. Оларды түрліше дайындауға болады: пісіру, тұздау, қуыру, т.б. Кейбір адамдардың айтуынша, вешенка адам ағзасынан радионуклидтерді шығарып, ісік жасушаларымен қүреседі.



2. Ғимарат. Ең алдымен бұл іс үшін сәйкес жер табу қажет: ауылдық үй, жылыжай, жертөле, т.б.

3. Технология. Вешенка саңырауқұлақтарын өсіру технологиясы өте оңай. Субстратты дайындау үшін ыстық суда туралған сабанды буландырамыз, суығаннан кейін полиэтилен қабына салып, мицелиймен араластырамыз. Қапты сөреге қоямыз. 3 күн өткеннен кейін саңырауқұлақтардың өсіп шығуына мүмкіндік беру үшін қаптың 5-6 жерінен тілімдер жасау қажет. Қапты 16-20 күн бойы 18-20ºС-де қараңғылық жағдайында сақтаймыз. 16-20 күннен кейін жасалған тілімдерден саңырауқұлақтар өсіп шыға бастайды. Қапты 12 сағат бойы жарық жағдайында болатындай желдетілетін, 10-16ºС ылғалды бөлмеге қою қажет. Саңырауқұлақтар бір жұма ішінде тауарлық күйге жетеді. Өнім алынғаннан кейін қаптарды бұрынғы орнына қайта апарып қою қажет. Олар бір апта демалып алғаннан кейін қайта өсетін болады.

Саңырауқұлақтардың ең тиімді көлемі: қалпағының диаметрі 40-60 мм (саңырауқұлақтардың үштен бірінің диаметрі 40 мм-ден аспайды); діңінің ұзындығы – 10-40 мм. Өнімді жинап алып, қаптарды алғашқы бөлмеге қайта апарамыз. Бір қаптан шамамен 3 кг вешенка саңырауқұлақтарын алуға болады.

Вешенка саңырауқұлағын өсіру – қалдықсыз өндіріс. Қолданған қаптарды жергілікті халық үй жануарлары азығы және бақша тыңайтқышы ретінде қолдану үшін сатып алады (бұл саңырауқұлақтардың өнімділігі, мысалы, қияр өнімділігінен 30%-ға артық).

Мицелийді қажеттілікке қарай сатып алады. Бір саңырауқұлақ блогын (қабын) жасау үшін 150-200 гр мицелий қажет. Мицелийді +20º-тан +24º температурада 24 сағат, +15º-тан +18º температурада 3 күн, 0º-тан +2º температурада 2 жұма, -2º-тан 0º температурада 1 ай сақтайды.



  1. Өткізу. Өнімді өзіңіз тұратын жердегі мейрамханаларға, кафелерге және басқа да қоғамдық тамақтану орындарына өткізуге болады. Сонымен қатар, дүкендер мен базарлар да сіздің клиентіңіз бола алады.

  2. Болжамдық есептеулер.

5.1. Шығыстар:

  • Мицелий (2,4 кг) – 600 теңге.

  • Сабан (200 кг) – 1 500 теңге.

Жалпы шығын: 2 100 теңге.

    1. Табыс:

36 кг саңырауқұлақ сату – 9 000 теңге.

Жалпы табыс: 9 000 теңге.



  1. Пайдалы сілтемелер:

http://delaemsami.com/

http://gribnoybiz.ru/content/blogcategory/14/34/

http://www.ntpo.com/patents_harvest/harvest_1/harvest_290.shtml

http://www.sense-life.com/idea/0005.php
http://gribportal.virtbox.ru/business1.html

Интернет арқылы іздеу. Сіз Интернет арқылы да осы тақырып бойынша көптеген материалдармен таныса аласыз. Ол үшін іздеуге арналған сайттар, мысалы www.google.kz, www.rambler.ru, www.yandex.ru сияқты жүйелерде «вешенка саңырауқұлақтары» және т.б. кілт сөздерді теру керек.



Достарыңызбен бөлісу:
1   ...   35   36   37   38   39   40   41   42   ...   53


©netref.ru 2019
әкімшілігінің қараңыз

    Басты бет